Health Benefits: શું ઇન્ટરમિટેંટ ફાસ્ટિંગ કેન્સરના કોષોના વિકાસને રોકે છે? જાણો શું કહે છે રિસર્ચના તારણ

Health Benefits: ઓટોફેજી પર જાપાની વૈજ્ઞાનિક યોશિનોરી ઓહસુમી દ્વારા સંશોધન કરવામાં આવ્યું હતું. તેઓએ દર્શાવ્યું કે આ પ્રક્રિયા કેન્સર વિરોધી અસરો ધરાવે છે અને ન્યુરોડિજનરેટિવ રોગોને રોકવામાં મદદ કરી શકે છે.

પ્રતીકાત્મક તસવીર

Source : freepik

Health Benefits:ઘણા સંશોધનોમાં જાણવા મળ્યું છે કે, 24 કલાક સુધી ન ખાવાથી શરીરમાં ઘણા સકારાત્મક ફેરફારો થાય છે. આવી સ્થિતિમાં, પ્રશ્ન એ ઊભો થાય છે કે શું આ પદ્ધતિથી કેન્સરનું જોખમ પણ ટાળી શકાય છે?

24 કલાક કંઈ ન ખાવાથી શું ફાયદો?

24  કલાક કંઈ ન ખાવાની રીતને એક પ્રકારનું  ઇન્ટરમિટન્ટ ફાસ્ટિંગ કહેવામાં આવે છે. આ સમયગાળા દરમિયાન શરીરને ચોક્કસ સમય માટે ખોરાકથી દૂર રાખવામાં આવે છે. આવી સ્થિતિમાં, શરીરમાં હાજર ગ્લુકોઝ અને ચરબીનો ઉપયોગ ઉર્જા માટે થાય છે, જે ઘણી જૈવિક અને ચયાપચય પ્રક્રિયાઓ શરૂ કરે છે. 24 કલાક કલાક કંઈ ન ખાવાથી શરીરમાં ઓટોફેજી નામની કોષીય સફાઈ પ્રક્રિયા શરૂ થાય છે. આ પ્રક્રિયામાં, કોષો શરીરમાં હાજર ક્ષતિગ્રસ્ત અને બિનજરૂરી ઘટકોને તોડી નાખે છે અને તેનો ફરીથી ઉપયોગ કરે છે. આનાથી નવા કોષો બને છે.

જાપાની વૈજ્ઞાનિક યોશિનોરી ઓહસુમીએ ઓટોફેજી પર સંશોધન કર્યું હતું, જેના માટે તેમને 2016 માં નોબેલ પુરસ્કાર મળ્યો હતો. તેઓએ દર્શાવ્યું કે આ પ્રક્રિયા કેન્સર વિરોધી અસરો ધરાવે છે અને ન્યુરોડિજનરેટિવ રોગોને રોકવામાં મદદ કરી શકે છે.

આ બાબતોમાં તમને આરામ મળે છે

ક્રોનિક ઇન્ફ્લેમેશન (લાંબા ગાળાનો સોજો હૃદય રોગ, કેન્સર અને અલ્ઝાઇમર જેવા રોગોનું મુખ્ય કારણ છે. 24 કલાક સુધી કંઈ ન ખાવાથી CRP અને IL-6 જેવા સોજા  માર્કર્સ ઓછા થાય છે, જેનાથી શરીરમાં સોજાનું  સ્તર ઘટે છે.  તે ઇન્સ્યુલિન સંવેદનશીલતા વધારે છે, જે બ્લડસુગરના  સ્તરને નિયંત્રણમાં રાખે છે. તે ટાઇપ 2 ડાયાબિટીસનું જોખમ ઘટાડે છે, જે અમુક પ્રકારના કેન્સર સાથે જોડાયેલું છે.

ઇન્ટરમિટન્ટ ફાસ્ટિંગ દરમિયાન, કેલરીનું સેવન મર્યાદિત હોય છે, જેના કારણે શરીરમાં હાજર ચરબીનો ઉપયોગ ઉર્જા માટે થાય છે. આ વજન ઘટાડવામાં મદદ કરે છે. ઉપવાસ મગજની કાર્ય પ્રક્રિયામાં પણ સુધારો કરે છે, જેનાથી ધ્યાન, એકાગ્રતા અને યાદશક્તિમાં સુધારો થાય છે.

કેન્સરના જોખમ પર ફાસ્ટિંગની અસર

કેન્સર એ સમગ્ર વિશ્વમાં મૃત્યુનું બીજું સૌથી મોટું કારણ છે. ઘણા અભ્યાસોએ ઉપવાસ અને કેન્સર વચ્ચેનો સંબંધ દર્શાવ્યો છે. જર્મન સંશોધન સંસ્થાઓ અને ઇટાલિયન વૈજ્ઞાનિક ડૉ. વોલ્ટર લોન્ગો દ્વારા હાથ ધરવામાં આવેલા એક અભ્યાસમાં જાણવા મળ્યું છે કે ઉપવાસ કેન્સરના કોષોના વિકાસને ધીમો કરી શકે છે. ધ અમેરિકન જર્નલ ઓફ ક્લિનિકલ ન્યુટ્રિશનમાં પ્રકાશિત થયેલા એક અભ્યાસ મુજબ, ઇન્ટરમિટન્ટ ફાસ્ટિંગ લિમ્ફોમાના વિકાસને ઘટાડી શકે છે., ઓટોફેજી પ્રક્રિયા પણ કેન્સર કોષોના વિકાસને રોકવામાં મહત્વપૂર્ણ ભૂમિકા ભજવે છે.

આ પણ વાંચો

Health: તાંબાના વાસણનું પાણી પીતી વખતે આપ પણ કરો છો આ ભૂલ તો સાવધાન, સ્વાસ્થ્ય પર પડશે ભારે

Health TIPS: શું ખરેખર AC માં સૂવાથી હાડકાં પીગળી જાય છે? જાણો શું છે સત્ય