જુની પ્લાસ્ટિક બોટલમાં પાણી પીવું આ કારણે છે ખતરનાક, જાણો શું કહે છે એક્સ્પર્ટ

Why Plastic Bottles Are Harmful: પ્લાસ્ટિક બોટલમાંથી પાણી પીવું ખતરનાક માનવામાં આવે છે. ચાલો જૂની પ્લાસ્ટિક બોટલમાંથી પાણી પીવાના નુકસાન જાણીએ

પ્રતીકાત્મક તસવીર

Source : abp live

Plastic Bottle Chemicals Side Effects:પ્લાસ્ટિક બોટલમાંથી મોટાભાગના લોકો પાણી પીવે છે. પરંતુ તેની છુપી અસર નોંધપાત્ર છે. રોજિંદા જીવનની દોડધામમાં, આપણે ઘણીવાર પ્લાસ્ટિકથી ભરેલી પાણીની બોટલો ખરીદીએ છીએ અથવા જૂની બોટલો યુઝ કરીએ છીએ.  જો તમે આવું કરો છો, તો આજથી આ ભૂલ કરવાનું બંધ કરી દો. આ બોટલોમાં પાણી પીલું હાનિકારક સાબિત થઇ  શકે છે, 

સૌથી ચિંતાજનક વાત એ છે કે, આ બોટલો આપણા પીવાના પાણીમાં માઇક્રોપ્લાસ્ટિક લીચ કરે છે. માઇક્રોપ્લાસ્ટિક એ અત્યંત નાના પ્લાસ્ટિક કણો છે, જેનું કદ 5 મીમી કરતા ઓછું છે. તે વિવિધ માધ્યમો દ્વારા આપણા પાણીના સ્ત્રોતોમાં પ્રવેશ કરે છે.

માઈક્રોપ્લાસ્ટિક્સ શરીર પર કેવી અસર કરે છે?

જ્યારે આપણે પ્લાસ્ટિકની બોટલમાંથી પાણી પીએ છીએ, ત્યારે આપણે અજાણતાં આ નાના કણોને ગળી જઈએ છીએ. ઘણા આંતરરાષ્ટ્રીય અભ્યાસોમાં બોટલબંધ પાણીમાં માઈક્રોપ્લાસ્ટિક્સ જોવા મળ્યા છે, જે  સ્વાસ્થ્ય અસરો વિશે ગંભીર ચિંતાઓ ઉભી કરે છે. પ્લાસ્ટિકમાં રહેલા કેટલાક રસાયણો શરીરમાં પ્રવેશી શકે છે અને વધુ નુકસાન પહોંચાડી શકે છે, જેમ કે હોર્મોનલ અસંતુલન, સ્થૂળતા, ઇન્સ્યુલિન પ્રતિકાર, પ્રજનન સમસ્યાઓ અને કેટલાક કિસ્સાઓમાં, કેન્સર પણ. જ્યારે આ કણોની લાંબા ગાળાની અસરો પર સંશોધન ચાલુ છે, ત્યારે વર્તમાન પુરાવા સૂચવે છે કે માઈક્રોપ્લાસ્ટિક્સ સોજો, ઓક્સિડેટીવ તણાવ અને હાનિકારક રસાયણોના ટ્રાન્સફરનું કારણ બની શકે છે.

આપણે શું કરી શકીએ?
નેશનલ ઇન્સ્ટિટ્યૂટ ઓફ હેલ્થ (NIH) એ આ મુદ્દા પર એક રિપોર્ટ બહાર પાડ્યો છે. ચાલો તમને જણાવીએ કે, આને રોકવા માટે તમે શું કરી શકો છો. પ્રથમ, પ્લાસ્ટિક બોટલો છોડી દો અને સ્ટીલ, કાચ અથવા BPA-મુક્ત બોટલોનો ઉપયોગ કરો. બીજું, એવી વોટર ફિલ્ટરેશન સિસ્ટમનો ઉપયોગ કરો જે પાણીના પ્રદૂષકો, ખાસ કરીને માઇક્રોપ્લાસ્ટિકને ઘટાડી શકે. દરેક ફિલ્ટર સંપૂર્ણ નથી હોતું, પરંતુ વધુ સારી ટેકનોલોજીવાળા ફિલ્ટર માઇક્રોપ્લાસ્ટિકનું પ્રમાણ નોંધપાત્ર રીતે ઘટાડે છે. પ્લાસ્ટિક બોટલોથી થતા પર્યાવરણીય નુકસાન પણ ઓછું ખતરનાક નથી. ઉપયોગ પછી ફેંકી દેવામાં આવતી દરેક બોટલ દરિયાઈ જીવન, નદીઓ અને સમગ્ર ઇકોસિસ્ટમને નુકસાન પહોંચાડે છે, જે પ્લાસ્ટિક કચરાની સમસ્યાને વધુ ગંભીર અને ચિંતાજનક  બનાવે છે.       

Input By : Health

આ પણ વાંચો

શું તમે પણ સવારે સ્નાન કર્યા વિના નાસ્તો કરો છો? તો ચેતી જજો, થશે આ નુકસાન

Kidney Health Tips: ભૂલથી પણ ન પીતા આ 4 ડ્રીન્ક, નહીંતર ખરાબ થઈ જશે તમારી કિડની