પિઝા-બર્ગર ખાવાથી થઈ શકે છે કેન્સર! વૈજ્ઞાનિકોએ આપી આ ચેતવણી

આજકાલ લોકોને પિઝા અને બર્ગરનો ભારે ચસ્કો લાગ્યો છે.  દરેક લોકોનું ફેવરિટ ફૂડ વિશે પૂછવામાં આવે તો સૌ કોઈના મોઢે એક જ નામ હશે અને એ છે પિઝા.

પ્રતિકાત્મક તસવીર

Health Tips: જો તમે પણ ફાસ્ટ ફૂડ ખાવાના શોખીન છો તો તમારે સાવધાન રહેવું જોઈએ કારણ કે પિઝા, બર્ગર, બિસ્કિટ, કોલ્ડ ડ્રિંક્સ અને વિવિધ પ્રકારના અલ્ટ્રા પ્રોસેસ્ડ ફૂડનું લાંબા સમય સુધી સેવન કરવાથી આંતરડાના કેન્સરનું જોખમ વધી શકે છે. આ રોગ કૌટુંબિક ઇતિહાસ, વધતી ઉંમર અને નબળી જીવનશૈલી સાથે સંબંધિત છે. તાજેતરમાં કરવામાં આવેલા એક નવા સંશોધનમાં જાણવા મળ્યું છે કે જો કોઈ વ્યક્તિની જીવનશૈલી લાંબા સમય સુધી ખરાબ રહે તો તે આ બીમારીનો શિકાર બની શકે છે.

સંશોધનમાં અલ્ટ્રા પ્રોસેસ્ડ ફૂડનું સેવન કરનારા 29 ટકા પુરૂષોમાં આ રોગ થવાની શક્યતા જોવા મળી છે. વૈજ્ઞાનિકોએ એ પણ શોધી કાઢ્યું છે કે જે મહિલાઓ વધુ તૈયાર ખોરાક લે છે તેમાં કોલોન કેન્સરનું જોખમ 17 ટકા વધી જાય છે.

અલ્ટ્રા પ્રોસેસ્ડ ફૂડ શું છે અને તે કેમ કેન્સરનું કારણ બની શકે છે

અલ્ટ્રા-પ્રોસેસ્ડ ખાદ્યપદાર્થો તેને કહેવામાં આવે છે જેમાં એવા ઘટકો જોવા મળે છે કે જે તમે સામાન્ય રીતે ઘરે રસોઈ કરતી વખતે ઉપયોગમાં લેતા નથી, જેવા કે કેમિકલ અને ગળપણ, જે શરીરને ખૂબ નુકસાન પહોંચાડે છે. અલ્ટ્રા પ્રોસેસ્ડ અને પ્રોસેસ્ડ ફૂડ વચ્ચે તફાવત છે. પ્રોસેસ્ડ ફૂડમાં હીટિંગ, ફ્રીઝિંગ, ડાઇસિંગ, જ્યુસિંગનો સમાવેશ થાય છે. પ્રોસેસ્ડ ફૂડ તમારા માટે એટલું હાનિકારક નથી.

સામાન્ય રીતે ઉપયોગમાં લેવાતી અલ્ટ્રા પ્રોસેસ્ડ ફૂડ આઇટમ્સ

• ઇન્સ્ટન્ટ નૂડલ્સ અને સૂપ
• પેક્ડ નાસ્તો
• ફીજી કોલ્ડ ડ્રિંક્સ
• કેક, બિસ્કીટ, મીઠાઈઓ
• પિઝા, પાસ્તા, બર્ગર

આ ખાદ્યપદાર્થો સસ્તા અને સરળતાથી ઉપલબ્ધ છે પરંતુ તેમાં ઘણી બધી કેલરી હોય છે. આ કારણોસર, તમે ભૂખ્યા કરતાં વધુ ખાઓ છો અને પછી વજન પણ વધવા લાગે છે. અલ્ટ્રા પ્રોસેસ્ડ ફૂડ એ પશ્ચિમી જીવનશૈલીનો સામાન્ય ભાગ બની ગયો છે. લગભગ 23,000 લોકો પર હાથ ધરવામાં આવેલા અન્ય સંશોધનમાં, વૈજ્ઞાનિકોએ બિનઆરોગ્યપ્રદ આહાર અને અલ્ટ્રા-પ્રોસેસ્ડ ફૂડનું સેવન કરતા લોકોમાં મૃત્યુદર વધુ જોવા મળ્યો હતો. તેથી જ વૈજ્ઞાનિકોએ કહ્યું છે કે અલ્ટ્રા-પ્રોસેસ્ડ ફૂડથી અંતર રાખવું જોઈએ.

આ રીતે અલ્ટ્રા પ્રોસેસ્ડ ફૂડથી અંતર રાખો

બ્રાઝિલમાં થયેલા એક અભ્યાસ અનુસાર અલ્ટ્રા-પ્રોસેસ્ડ ફૂડ ખૂબ જ સામાન્ય છે અને આપણે ઈચ્છીએ તો પણ તેને ટાળી શકતા નથી, જ્યારે હકીકતમાં તે ખોટું છે. કોઈપણ પ્રકારના આહારમાં અલ્ટ્રા-પ્રોસેસ્ડ ફૂડની જરૂર હોતી નથી. લોકો તેને માત્ર સુવિધા અને સ્વાદ માટે પોતાના આહારમાં સામેલ કરે છે.