Research: એગના સેવનથી આ જીવલેણ ખતનાક રોગનું વધે છે જોખમ, સ્ટડીમાં થયો ચોંકાવનારો ખુલાસો

Eggs and Cancer :ન્યુટ્રિશન ફેક્ટ્સ વેબસાઈટ પર પ્રકાશિત એક સમાચાર અનુસાર, ઈંડાને ખાવા માટે જે રીતે રાંધવામાં આવે છે તે તેની આડઅસર નક્કી કરે છે. આ રિપોર્ટમાં કહેવામાં આવ્યું છે કે ઈંડા કાર્સિનોજેનિક કેમિકલનો સ્ત્રોત બની શકે છે, જે ઊંચા તાપમાને તળતી વખતે બને છે. તે એમ પણ કહે છે કે બાફેલા ઈંડા તળેલા ઈંડા કરતાં વધુ સુરક્ષિત છે

પ્રતીકાત્મક તસવીર ( freepik)

Source : freepik

Eggs and Cancer : જ્યારે પણ પ્રોટીનયુક્ત ખોરાકની વાત આવે છે, ત્યારે ઇંડાને શ્રેષ્ઠ માનવામાં આવે છે. તે નાસ્તો, લંચ અને ડિનર માટે ગમે ત્યારે ખાઈ શકાય છે. ઈંડાને આહાર માટે જરૂરી માનવામાં આવે છે. એવું કહેવાય છે કે રોજ એક ઈંડું ખાવાથી શરીરને ઘણા ફાયદા થાય છે. પરંતુ, શું તમે ક્યારેય વિચાર્યું છે કે ઈંડા ખાવાથી પણ કેન્સર થઈ શકે છે? તાજેતરમાં એક રિપોર્ટમાં આ ચોંકાવનારો ખુલાસો થયો છે. જેમાં કહેવામાં આવ્યું છે કે અઠવાડિયામાં થોડા ઈંડા ખાવાથી કેન્સરનું જોખમ 19% વધી શકે છે. ચાલો જાણીએ આ સંશોધન વિશે...

 ઈંડા ખાવાથી કેન્સર થવાનો ખતરો

ન્યુટ્રિશન ફેક્ટ્સ વેબસાઈટ પર પ્રકાશિત એક સમાચાર અનુસાર, ઈંડાને ખાવા માટે જે રીતે રાંધવામાં આવે છે તે તેની આડઅસર નક્કી કરે છે. આ રિપોર્ટમાં કહેવામાં આવ્યું છે કે ઈંડા કાર્સિનોજેનિક કેમિકલનો સ્ત્રોત બની શકે છે, જે ઊંચા તાપમાને તળતી વખતે બને છે. તે એમ પણ કહે છે કે બાફેલા ઈંડા તળેલા ઈંડા કરતાં વધુ સુરક્ષિત છે, જે કેન્સરનું જોખમ બમણું કરી શકે છે. આ જ રિપોર્ટમાં એવું પણ જણાવવામાં આવ્યું છે કે અઠવાડિયામાં થોડાક ઈંડા પણ કોલોરેક્ટલ કેન્સરના 19 ટકાના વધુ જોખમ સાથે સંકળાયેલા હોઈ શકે છે, પરંતુ જો તમે અઠવાડિયામાં ત્રણ કે તેથી વધુ ઈંડા ખાઓ તો આ જોખમ 71 ટકા વધી શકે છે.

શા માટે ઇંડા આટલું જોખમી છે?

ઈંડાં અને કેન્સર ન્યુટ્રિશન ફેક્ટ્સ વેબસાઈટના એક વિડિયો અનુસાર, ઈંડામાં કોલીનનું પ્રમાણ વધુ હોય છે અને જ્યારે આ કોલીન આંતરડાના બેક્ટેરિયાનો સંપર્ક કરે છે, ત્યારે તે ટ્રાઈમેથાઈલામાઈન (TMA) માં પરિવર્તિત થાય છે, જે આપણા લીવર દ્વારા ઓક્સિડાઈઝ થાય છે અને ટ્રાઈમેથાઈલામાઈન-એન-ઓક્સાઈડ (TMAO) માં પરિવર્તિત થાય છે, જે કેન્સરના વિકાસમાં વધુ વધારો કરે છે. એવું કહેવાય છે કે TMAO સ્તર સોજો  ઓક્સિડેટીવ સ્ટ્રેસ  અને ગાંઠોને વધુ ઉતેજીત કરે  છે, જે કેન્સરનું જોખમ વધારી શકે છે, ખાસ કરીને કોલોન અને લીવર કેન્સર.

અન્ય એક અભ્યાસમાં દાવો કરવામાં આવ્યો છે કે, ઈંડાથી કેન્સર થાય છે

નેશનલ લાઇબ્રેરી ઓફ મેડિસિન દ્વારા હાથ ધરવામાં આવેલા અન્ય એક અભ્યાસમાં પણ કહેવામાં આવ્યું છે કે ઇંડા કેન્સરનું કારણ બની શકે છે.

'Egg Consumption and the Risk of Cancer: a Multisite Case-Control Study in Uruguay': શીર્ષકવાળા અભ્યાસમાં 1996 અને 2004 વચ્ચે ઉરુગ્વેમાં 11 કેન્સર સાઇટ્સનો કેસ-કંટ્રોલ સ્ટડી હાથ ધરવામાં આવ્યો હતો, જેમાં 3,539 કેન્સરના કેસ અને 2,032 હૉસ્પિટલ કંટ્રોલનો સમાવેશ થાય છે. તેઓએ ઈંડાનું વધુ સેવન  અને અનેક કેન્સરના વધતા જોખમ વચ્ચેની કડી શોધી કાઢી છે.

તો શું ઈંડા ખાવાનું બંધ કરવું જોઈએ?

નિષ્ણાતો કહે છે કે અન્ય કોઈપણ ખોરાકની જેમ ઈંડાનું પણ એક મર્યાદામાં સેવન કરવું જોઈએ. એવું કહેવાય છે કે પ્રોબાયોટીક્સ, ફાઈબરથી ભરપૂર ખોરાક અને પ્રોસેસ્ડ ફૂડ્સને મર્યાદિત કરીને આંતરડાના માઇક્રોબાયોમને સંતુલિત રાખવાથી TMAO સ્તરને નિયંત્રિત કરવામાં મદદ મળી શકે છે. હાર્વર્ડ મેડિકલ સ્કૂલ અનુસાર, વ્યક્તિએ અઠવાડિયામાં એક કે બે ઈંડાથી વધુ ન ખાવા જોઈએ. ઈંડાની જરદીમાં કોલેસ્ટ્રોલની પણ વધુ માત્રા હોય છે.