Health Tips: શું તમને વારંવાર થાય છે પથરી? ડૉક્ટર પાસેથી જાણો બચાવના સરળ ઉપાયો

જો તમને વારંવાર કિડની સ્ટોન (પથરી) ની સમસ્યા થઈ રહી છે, તો તેને કંટ્રોલ કરવા માટે ડૉક્ટર દ્વારા જણાવવામાં આવેલી આ ટિપ્સને ફોલો કરો.

કિડની સ્ટોન

Source : Gemini AI

Show Quick Read

Key points generated by AI, verified by newsroom

• કિડની સ્ટોન અનિયમિત જીવનશૈલી, ખરાબ ખાનપાન, ઓછું પાણી પીવાથી થાય છે.
• દૂધ-દહીં અને લીંબુ પાણી કિડનીને સ્વસ્થ રાખવા માટે મદદરૂપ છે.
• ઓક્સાલેટયુક્ત ખોરાક ટાળો અને દર કલાકે એક ગ્લાસ પાણી પીઓ.
• લાંબા સમય સુધી કેલ્શિયમ સપ્લિમેન્ટ્સ લેવાનું ટાળવું જોઈએ.

Health Tips: કિડની સ્ટોનમાં પેટમાં દુખાવો થાય છે, ખાસ કરીને પેટના નીચેના ભાગમાં ખૂંચે તેવો દુખાવો થાય છે. આમ તો આ વાત દરેક વ્યક્તિ જાણે છે પરંતુ મોટાભાગના લોકો એ નથી જાણતા કે વારંવાર કિડની સ્ટોન બનવાથી કિડની ખરાબ થવાની શક્યતા વધી જાય છે. તેથી કિડનીને હેલ્ધી રાખવા માટે 'આપણે નિષ્ણાતો પાસેતી જાણીશું કે તેનાથી કેવી રીતે બચી શકાય.

 

કયા કારણોસર થાય છે કિડની સ્ટોનની સમસ્યા?

કિડનીમાં પથરીની સમસ્યા અનિયમિત જીવનશૈલી, ખરાબ ખાનપાન અને ઓછું પાણી પીવાના કારણે થાય છે. આ સિવાય જંક ફૂડનું સેવન, ઓક્સાલેટવાળા ખોરાકનું સેવન અને ડાયટમાં ખૂબ વધારે નમકનો ઉપયોગ પણ આના મુખ્ય કારણોમાંથી એક છે.

કિડનીને હેલ્ધી રાખવા માટે આ ટિપ્સને ફોલો કરો:

• દૂધ અને દહીંને ડાયટમાં સામેલ કરો: કિડનીને હેલ્ધી રાખવા માટે તમારા ડાયટમાં ડેરી પ્રોડક્ટ્સને સામેલ કરો. તમે એક વાટકી દહીં અથવા એક ગ્લાસ દૂધનું સેવન કરો. આમાં રહેલું નેચરલ કેલ્શિયમ, ફૂડના ઓક્સાલેટને બાઈન્ડ કરે છે અને કિડની સ્ટોનના રિસ્કને કંટ્રોલ કરે છે.
• લીંબુ પાણી પીઓ: કિડનીને ડિટોક્સ કરવા માટે રોજ સવારે એક ગ્લાસ નવશેકા પાણીમાં લીંબુ નીચોવીને પીઓ. લીંબુમાં રહેલા વિટામિન C અને ડિટોક્સિફાઈંગ ગુણો કિડનીમાં જમા થયેલા વેસ્ટેજને યુરિન દ્વારા ફિલ્ટર કરવામાં મદદ કરે છે.
• ઓક્સાલેટ રિચ ફૂડ્સ ન ખાઓ: જો તમે કિડનીમાં પથરીની સમસ્યા નથી ઈચ્છતા તો જરૂરી છે કે તમે તમારા ડાયટનું ખાસ ધ્યાન રાખો. તમે તમારા ડાયટમાં પાલક, બદામ, બીટરૂટ, ચોકલેટ, ચા અને સલગમ જેવા ઓક્સાલેટ રિચ ફૂડ્સને સામેલ ન કરો. આ ખોરાક પથરીની સમસ્યાને વધુ ઝડપથી વધારી શકે છે.
• દર કલાકે એક ગ્લાસ પાણી પીઓ: કિડનીમાં પથરી ન થાય એટલા માટે પાણી ખૂબ પીઓ, દર કલાકે એક ગ્લાસ પાણીનું સેવન કરો. પાણી પીવાથી શરીરમાં જમા થયેલા ટોક્સિન્સ (ઝેરી તત્વો) સરળતાથી નીકળી જાય છે, જેનાથી પથરીની સમસ્યા ટળી જાય છે.
• કેલ્શિયમ સપ્લિમેન્ટ્સ લાંબા સમય સુધી ન લો: જો તમે કેલ્શિયમ સપ્લિમેન્ટ્સ લો છો તો તેનો ઉપયોગ વધારે ન કરો. ડૉક્ટરની સલાહ પર જ તેનો ઉપયોગ કરો કારણ કે તેનાથી પણ પથરીની સમસ્યા વધે છે.

ડિસ્ક્લેમર: આ માહિતી સંશોધન અભ્યાસો અને નિષ્ણાતોના અભિપ્રાય પર આધારિત છે. તેને તબીબી સલાહનો વિકલ્પ માનશો નહીં. કોઈપણ નવી પ્રવૃત્તિ કે કસરત અપનાવતા પહેલા તમારા ડોક્ટર અથવા સંબંધિત નિષ્ણાતની સલાહ જરૂર લો.

 

આ પણ વાંચો

Vitamin Deficiency Symptoms: શું પૂરતી ઊંઘ લીધા પછી પણ લાગે છે થાક? ઇગ્નોર કરશો તો થઈ શકે છે ગંભીર બીમારી!

Best Roti for Health: મકાઈ-જુવાર-બાજરી કે ઘઉં... સૌથી ઝડપથી શેની રોટલી પચે છે, શેમાં હોય છે સૌથી વધુ તાકાત?