Health Tips: સવારે ઉઠ્યાં બાદ જો આ લક્ષણો અનુભવાય તો સાવધાન, આ ગંભીર સમસ્યાના છે સંકેત

Health Tips: જો સવારે ઉઠતાની સાથે જ તમારા ધબકારા વધી જાય અને તમે કોઈ કારણ વગર ગભરાટ અનુભવો, તો આ ચિંતાનો મોટો સંકેત છે. ઘણી વખત એવું લાગે છે કે કંઈક અપ્રિય બનવાનું છે, જ્યારે વાસ્તવમાં એવું કોઈ કારણ નથી હોતુ.

પ્રતીકાત્મક તસવીર

Source : freepik

Health Tips:  શું તમે સવારે ઉઠતાની સાથે જ બેચેની, નર્વસનેસ  કે તણાવ અનુભવો છો? શું તમારો દિવસ ઘણીવાર નકારાત્મક વિચારો અને ચિંતાથી શરૂ થાય છે? જો હા, તો તમે  મોર્નિગ એંગ્જાયટીના શિકાર  છો. આ એક એવી સ્થિતિ છે, જેમાં વ્યક્તિ સવારે ઉઠ્યા પછી તરત જ ભારે ચિંતા અને તણાવનો અનુભવ કરે છે. જે તમારા માનસિક અને શારીરિક સ્વાસ્થ્યને અસર કરી શકે છે. આ લક્ષણઓ મોર્નિગ એંગ્જાયટીના સંકેત છે.

ઝડપી ધબકારા અને ગભરાટ: જો સવારે ઉઠતાની સાથે જ તમારા ધબકારા વધી જાય અને તમે કોઈ કારણ વગર ગભરાટ અનુભવો, તો આ ચિંતાનો મોટો સંકેત છે. ઘણી વખત એવું લાગે છે કે કંઈક અપ્રિય બનવાનું છે, જ્યારે વાસ્તવમાં એવું કોઈ કારણ નથી.

હાથ અને પગમાં બેચેની અને ધ્રુજારી: જો તમે સવારે ઉઠતાની સાથે જ બેચેની અનુભવો છો અને તમારા હાથ અને પગ ધ્રુજવા લાગે છે, તો આ ગંભીર મોર્નિગ એન્જાઇટીના સંકેત છે. તે તમને શારીરિક રીતે થાકેલા અને ઉર્જાહીન અનુભવી શકે છે.

નકારાત્મક વિચારો: સવારની ચિંતાથી પીડાતા લોકો સવારે ઉઠતાની સાથે જ ઘણીવાર નકારાત્મક વિચારોથી ઘેરાયેલા હોય છે. તેઓ ભવિષ્યની ચિંતા કરવાની, રોજિંદા કામનો વધુ પડતો દબાણ અને દરેક નાની વસ્તુ વિશે વધુ પડતું વિચારવાની આદત પાડી દે છે. આ વસ્તઓ તેમને  માનસિક રીતે થકવી  દે છે અને દિવસની શરૂઆતને બોજારૂપ બનાવે છે.

માથાનો દુખાવો અને સ્નાયુઓમાં તણાવ: સવારે ઉઠતી વખતે સતત માથાનો દુખાવો અને ગરદન અથવા ખભાના સ્નાયુઓમાં તણાવ અનુભવવો પણ ચિંતાનું લક્ષણ હોઈ શકે છે. તણાવ સ્નાયુઓને કડક બનાવે છે, જેના કારણે દુખાવો અને અગવડતા થાય છે.

મોર્નિગ એંગ્જાઇટીને દૂર કરવાના ઉપાય

જો તમને આમાંના ઘણા લક્ષણોનો અનુભવ થઈ રહ્યો હોય, તો તમારી ઊંઘની આદતોમાં સુધારો કરો. સવારે ધ્યાન  પ્રાણાયામ કરો.  તમારા દિનચર્યામાં નિયમિત કસરતનો સમાવેશ કરો. કેફીન અને ખાંડનું સેવન ઓછું કરો. જો લક્ષણો ગંભીર હોય અને તમારા રોજિંદા જીવનને અસર કરતા હોય, તો મનોચિકિત્સકની  સલાહ લેવી હિતાવહ  છે.