Hair Care: વાળ પર જાદૂનું કામ કરે છે ક્લોંજી, આ રીતે બનાવો હેર માસ્ક

Kalonji For Hair: કલોંજી વાળ માટે ખૂબ જ ફાયદાકારક છે. તે વાળને કન્ડીશનીંગ કરવામાં મદદ કરે છે અને તૂટતા અટકાવે છે. ઉનાળામાં તમારે કલોંજીમાંથી બનેલો આ હેર માસ્ક જરૂર ટ્રાય કરવો જોઈએ.

હેર કેર ટિપ્સ

Kalonji For Hair: કલોંજી વાળ માટે ખૂબ જ ફાયદાકારક છે. તે વાળને કન્ડીશનીંગ કરવામાં મદદ કરે છે અને તૂટતા અટકાવે છે. ઉનાળામાં તમારે કલોંજીમાંથી બનેલો આ હેર માસ્ક જરૂર ટ્રાય કરવો જોઈએ.

ખાવાનો સ્વાદ વધારનાર કલોંજીનો ઉપયોગ બ્યુટી પ્રોડક્ટ્સમાં પણ થાય છે. આયુર્વેદમાં કલોંજી ખૂબ જ ફાયદાકારક માનવામાં આવે છે. ખાસ કરીને લોકો વાળની ​​સમસ્યાને દૂર કરવા માટે કલોંજીનો ઉપયોગ કરે છે. કલોંજી ને કાળા બીજ કહે છે. કલોંજીનો ઉપયોગ સ્ટફ્ડ કારેલા કે અન્ય સ્ટફ્ડ શાકભાજીમાં થાય છે. લોકો અથાણું બનાવવામાં કલોંજીનો ઉપયોગ કરે  છે. કલોંજી આયર્ન, કેલ્શિયમ, પોટેશિયમ, સોડિયમ અને ફાઈબરથી ભરપૂર હોય છે. તેમાં લગભગ 15ટકા એમિનો એસિડ હોય છે જે વાળ અને ત્વચાને કોમળ બનાવે છે. શરીરમાં પ્રોટીનની ઉણપને કલોનીજીના સેવનથી પૂરી કરી શકાય છે. તે એક સારું એન્ટીઑકિસડન્ટ પણ છે. કલોંજી વાળ માટે કન્ડિશનરનું કામ કરે છે. તેનાથી વાળ તૂટવાની સમસ્યા ઓછી થાય છે. કલોંજી હેર પેક લગાવવાથી વાળ લાંબા થાય છે અને સ્કેલ્પ હેલ્ધી બને છે. જાણો વાળ માટે કલોંજી કેટલું ફાયદાકારક છે અને તેમાંથી હેર પેક કેવી રીતે બનાવી શકાય

વાળ માટે ફાયદાકારક કલોંજી

• કલોંજીનો ઉપયોગ કરવાથી વાળમાં મોશ્ચર રહે છે, જેના કારણે વાળ ગ્લોઇંગ  દેખાય છે.
•  કલોંજી વાળમાં ફ્રિઝિનેસની સમસ્યાને દૂર કરે છે.
• તેમાં જોવા મળતું ફેટી એસિડ વાળને હાઇડ્રેટ રાખે છે.
•  તેના ઉપયોગથી વાળ પ્રદૂષણ, સ્ટાઇલ અને હીટિંગ ટ્રીટમેન્ટની આડ અસરથી બચે છે.
• સ્કેલ્પની સમસ્યા, ખોડો અને ખંજવાળ પણ તેનાથી દૂર થાય છે.

ક્લોંજી હેર ઓઇલ

આપ  કલોંજીમાંથી હેર ઓઈલ પણ બનાવી શકો છો. આ માટે 1 ટેબલસ્પૂન કલોંજી, 1/4 કપ કોઈપણ હેર ઓઈલ લો. ક્લોંજીને  થોડી પીસી લો અને પછી તેમાં તેલ ઉમેરો. હવે તેમાં રોઝમેરી એસેન્શિયલ ઓઇલના લગભગ 10 ટીપાં નાખો. હવે આ બધી વસ્તુઓને આખી રાત તેલમાં પલાળેલી રાખો.  સવારે વાળમાં તેલ લગાવતા પહેલા તેને ગરમ પાણીના બાઉલમાં રાખીને થોડું ગરમ ​​કરો. હવે તેલને ગરમ કરો અને તેને સ્કાલ્પ પર લગાવો અને હળવો મસાજ કરો. જ્યારે વાળ સુકાઈ જાય ત્યારે તેને એક વાર બ્રશ કરો જેથી વાળમાં અટવાયેલો કલોંજીનો પાવડર નીકળી જાય. બાદ  1 કલાક બાદ હેર વોશ કરી લો.

ક્લોંજી માસ્ક કેવી રીતે બનાવશો

કલોંજીમાંથી હેર માસ્ક બનાવવા માટે 1 ટેબલસ્પૂન કલોંજી પીસી લો અને પાઉડરને ચાળણીથી ચાળી લો. હવે તેમાં 2 ચમચી તાજી એલોવેરા જેલ ઉમેરો અને તેને પેસ્ટની જેમ બનાવો. હવે તૈયાર કરેલી પેસ્ટને 30 મિનિટ સુધી રાખો અને પછી તેને વાળમાં સારી રીતે લગાવો. પેક લગાવ્યાના 1 કલાક બાદ સાદા પાણીથી હેર વોશ કરી લો.  આ પ્રયોગ  તમારે અઠવાડિયામાં બે વાર લગાવવું. જેનું રિઝલ્ટ એક બે મહિનામાં જ દેખાશે.

Disclaimer: આ લેખમાં દર્શાવેલ પદ્ધતિ, પદ્ધતિઓ અને દાવાઓને માત્ર એક સૂચન તરીકે લો, એબીપી અસ્મિતા તેમની પુષ્ટિ કરતું નથી. આવી કોઈપણ સારવાર/દવા/આહારને અનુસરતા પહેલા ડૉક્ટરની સલાહ લો.