Health Alert: લિવરની જેમ આપના હાર્ટ પણ બને છે ફેટી, જાણો શું કહે છે એક્સ્પર્ટ

Health Alert: જેમ લીવરમાં ફેટનું સંચય ખતરનાક છે, તેમ હૃદયમાં ચરબીનું સંચય ખૂબ જ ગંભીર બાબત છે. સમયસર ચેકઅપ, સ્વસ્થ જીવનશૈલી અને જાગૃતિ વડે તમે તમારા હૃદયને ફિટ અને ચરબી રહિત રાખી શકો છો.

પ્રતીકાત્મક તસવીર

Source : google

Heart Fat Problem : ફેટી લીવર આજકાલ ખૂબ જ સામાન્ય સમસ્યા બની ગઈ છે. દરેક ઉંમરના લોકો તેનાથી પરેશાન છે. લીવરની યોગ્ય કાળજી ન લેવી, વધુ પડતો આલ્કોહોલ પીવો અને બિનઆરોગ્યપ્રદ ખોરાક ખાવાથી ફેટી લીવરની સમસ્યા થઈ શકે છે. તે જીવલેણ પણ બની શકે છે. લીવરની જેમ હૃદયમાં પણ ચરબી જમા થવાનું જોખમ રહેલું છે. હૃદયમાં પણ ચરબી જમા થઈ શકે છે. મતલબ કે હૃદય પણ ફેટી થઈ શકે છે. તે ફેટી લિવરની બીમારી જેટલી ગંભીર છે. ચાલો જાણીએ કે, હૃદયમાં ચરબીનો સંચય કેટલો ખતરનાક બની શકે છે...

ફેટી હાર્ટ એટલે શું

જ્યારે હૃદયની આજુબાજુ અથવા અંદર વધારાની ચરબી એકઠી થાય છે, ત્યારે તેને ફેટી હાર્ટ અથવા તબીબી ભાષામાં એપીકાર્ડિયલ ફેટ એક્યુમ્યુલેશન કહેવામાં આવે છે. આ ચરબી ધીમે ધીમે હૃદયના કાર્યને અસર કરવાનું શરૂ કરે છે અને હાર્ટ એટેક, હાઈ બ્લડ પ્રેશર જેવા કાર્ડિયોવેસ્ક્યુલર રોગોનું જોખમ વધારી શકે છે.

હૃદયમાં ચરબી કેવી રીતે જમા થાય છે

સ્થૂળતાને કારણે

બિનઆરોગ્યપ્રદ આહાર, ખૂબ તળેલા ખોરાક, જંક ફૂડ ખાવું

એકસરસાઇઝનો  અભાવ, બેઠાડુ જીવનશૈલી,

ડાયાબિટીસ અને ઉચ્ચ કોલેસ્ટ્રોલ

ધૂમ્રપાન અને દારૂનું સેવન

ફેટી હાર્ટના લક્ષણો શું છે?

ચરબીયુક્ત હૃદયમાં ઘણીવાર શરૂઆતમાં કોઈ લક્ષણો હોતા નથી, પરંતુ સમય જતાં તે સમસ્યાઓનું કારણ બની શકે છે. આ છાતીમાં ભારેપણું અથવા દબાણની લાગણીનું કારણ બની શકે છે. ઝડપી થાક, શ્વાસ લેવામાં તકલીફ, ઝડપી અથવા અનિયમિત ધબકારા, હાઈ બ્લડ પ્રેશર અથવા કોલેસ્ટ્રોલ જેવી સમસ્યાઓ થઈ શકે છે.

હાર્ટ ફેટી થઈ ગયું છે કે કેવી રીતે ખબર પડે?

ઇસીજી

ઇકોકાર્ડિયોગ્રાફી (ઇકો)

એમઆરઆઈ અથવા સીટી સ્કેન

બ્લડ રિપોર્ટ્સ (લિપિડ પ્રોફાઇલ, સુગર)

આ ટેસ્ટ કરીને જાણી શકાય છે 

ચરબીયુક્ત હૃદયને કેવી રીતે અટકાવવું?

તમારા આહારમાં ફેરફાર કરો, ઓમેગા-3 જેવી તંદુરસ્ત ચરબી લો, જંક ફૂડ, તળેલા ખોરાકને ઓછો કરો, શાકભાજી, ફળો અને ફાઈબર વધુ લો.

સક્રિય જીવન જીવો. દરરોજ 30-45 મિનિટ ચાલો અથવા કસરત કરો, યોગ અને ધ્યાનને તમારી દિનચર્યાનો એક ભાગ બનાવો.

કોલેસ્ટ્રોલને કંટ્રોલ કરવા માટે ડોક્ટરની સલાહ મુજબ દવાઓ લો.

બ્લડ પ્રેશર અને સુગરને મેનેજ કરો.