ABP Ideas of India: માનસિક સ્વાસ્થ્યની સમસ્યાઓ વાસ્તવિક છે, તેના પ્રત્યે જાગૃતિ શાળા કક્ષાએથી શરૂ થવી જોઈએ : નીરજા બિરલા

આદિત્ય બિરલા એજ્યુકેશન ટ્રસ્ટના સ્થાપક અને ચેરપર્સન નીરજા બિરલાએ 'લર્નિંગ ટુ સ્પીક અપઃ બ્રેકિંગ ધ સાયલન્સ' વિશે વાત કરી.

Neerja_Birla

MUMBAI : આદિત્ય બિરલા એજ્યુકેશન ટ્રસ્ટના સ્થાપક અને ચેરપર્સન નીરજા બિરલાએ શનિવારે જણાવ્યું હતું કે માનસિક સ્વાસ્થ્ય સાથે જોડાયેલા કલંકને કારણે અને પહેલા પરિસ્થિતિ ઘણી ખરાબ હતી તેને કારણે માનસિક સ્વાસ્થ્ય  વિશે આજે પણ વધુ વાત કરવામાં આવતી નથી, કારણ કે તેની સાથે જોડાયેલા કલંકને કારણે અને 

એબીપી નેટવર્કના આઈડિયાઝ ઓફ ઈન્ડિયા સમિટના બીજા દિવસે નીરજા બિરલાએએ કહ્યું, "છ વર્ષ પહેલાં, જ્યારે અમે કામ કરવાનું શરૂ કર્યું, ત્યારે તે આજની સરખામણીમાં ઓછું બોલવામાં આવતું હતું કારણ કે તેની સાથે જોડાયેલ કલંક ખૂબ ઊંડું છે." નીરજા બિરલાએ પોતે તેમના જીવનમાં માનસિક સ્વાસ્થ્ય સમસ્યાઓનો સામનો કર્યો હતો.+

ગુલ પનાગ 'લર્નિંગ ટુ સ્પીક અપઃ બ્રેકિંગ ધ સાયલન્સ' સત્રની અધ્યક્ષતા કરી રહ્યા હતા. આ સત્ર દરમિયાન નીરજા બિરલાએ કહ્યું “અમારા કાર્ય દરમિયાન, અમને સમજાયું કે માનસિક સ્વાસ્થ્ય વિશે જાગૃતિનો અભાવ છે. જ્યારે તમે જાણતા થયા ત્યારે સારવારનો અભાવ હતો. તેથી અમે જાગૃતિ અને તેને વધુ સુલભ બનાવવા વચ્ચેના અંતરને દૂર કરવાનો પ્રયાસ કરી રહ્યા છીએ.”

નીરજા બિરલાએ કહ્યું કે જ્યારે તેની પુત્રી અનન્યાનો જન્મ થયો, ત્યારે તે ડિપ્રેશનનો શિકાર બન્યા હતા અને આ માટે પોતાને  દોષિત સમજતા હતા. તેમણે કહ્યું, "હું મારી દીકરી માટે કંઈ ન કરી શકી. પરિવારમાં દરેક વ્યક્તિ મૂંઝવણમાં હતી. પછી મેં માનસિક સ્વાસ્થ્ય વિશે, પોસ્ટપાર્ટમ ડિપ્રેશન વિશે વાંચ્યું. જો મને અગાઉ ખબર હોત, તો મેં પહેલાથી તૈયારી કરી લીધી હોત. આવી પરિસ્થિતિ માટે તૈયારીઓ કરવી જોઈએ.” 

તેમણે કહ્યું કે બાળકોમાં માનસિક સ્વાસ્થ્ય સંબંધિત ફરિયાદો પણ જોવા મળી રહી છે, તેથી શાળા સ્તરેથી જ જાગૃતિ વધારવી જોઈએ અને શિક્ષકો આમાં મહત્વની ભૂમિકા ભજવી શકે છે.

તેમણે જીવનના પ્રારંભિક તબક્કામાં તેનો સામનો કેવી રીતે કરી શકાય તે પણ સમજાવ્યું. તેમણે કહ્યું, "એમ્પાવર માઇન્ડ મેન્ટલ હેલ્થ અભ્યાસક્રમ એ ગણિતનો અભ્યાસક્રમ, ઇતિહાસ અભ્યાસક્રમ જેવો જ છે જે નાની ઉંમરથી શરૂ થાય છે. તે માનસિક સ્વાસ્થ્યના મુદ્દા વિશે વાત કરે છે. આનાથી બાળકો માટે શરૂઆતથી જ સમજવામાં સરળતા રહે છે કે સમસ્યા શું છે. અને તેનો ઉકેલ શું હોવો જોઈએ”