સમોસા, જલેબી પર સરકારની હેલ્થ વોનિંગ? PIB Fact Checkએ જણાવ્યું દાવા પાછળનું સત્ય

ખાસ કરીને ઉત્તર ભારતમાં ચાટ, સમોસા, જલેબી અને મીઠાઈઓ દરેક ખાસ પ્રસંગે ખાવામાં આવે છે

પ્રતિકાત્મક તસવીર

Source : Envato

તાજેતરમાં સોશિયલ મીડિયા અને કેટલાક મીડિયા રિપોર્ટ્સ પર એવો દાવો કરવામાં આવ્યો હતો કે ભારત સરકારના આરોગ્ય મંત્રાલયે સમોસા, જલેબી અને લાડુ જેવા પરંપરાગત ભારતીય નાસ્તા પર હેલ્થ વોનિંગ જાહેર કરી છે. આ દાવો ઝડપથી વાયરલ થયો અને લોકોમાં ભ્રમ ફેલાયો હતો કે હવે તેમના મનપસંદ સ્ટ્રીટ ફૂડ પર પણ સરકાર પ્રતિબંધ મૂકવા જઈ રહી છે. પરંતુ PIB ફેક્ટ ચેક ટીમે આ વાયરલ દાવાને સંપૂર્ણપણે ખોટો ગણાવ્યો છે. કેટલાક મીડિયા રિપોર્ટ્સમાં કહેવામાં આવ્યું છે કે આરોગ્ય મંત્રાલયે એક એડવાઇઝરી જાહેર કરી હતી જેમાં કહેવામાં આવ્યું છે કે સમોસા, જલેબી, લાડુ જેવા ફૂડ્સમાં છૂપાયેલી ફેટ અને સુગરને કારણે હેલ્થ વોનિંગ લાદવામાં આવશે.

Some media reports claim that the Ministry of Health & Family Welfare, Government of India has issued a health warning on food products such as samosas, jalebi, and laddoo. This claim is fake. The advisory of the Union Health Ministry does not carry any warning labels on food… pic.twitter.com/uGBNFaI4K5

— ANI (@ANI) July 15, 2025

PIB ફેક્ટ ચેક દ્વારા ટ્વિટર (હવે X) પર શેર કરાયેલી પોસ્ટમાં કહેવામાં આવ્યું હતું કે: “@MoHFW_INDIA એ સમોસા, જલેબી અને લાડુ જેવા ફૂડ્સ પર કોઈ આરોગ્ય ચેતવણી લાદી નથી. આ દાવો સંપૂર્ણપણે ખોટો છે.” આરોગ્ય મંત્રાલયે ખાસ કરીને કોઈપણ સ્થાનિક વિક્રેતા અથવા પરંપરાગત નાસ્તાને લક્ષ્ય બનાવ્યું નથી.

PIB એ સ્પષ્ટતા કરી - “કોઈ ચેતવણી જાહેર નથી”

હેલ્થ એડવાઇઝરી શું છે?

PIBના મતે આ એડવાઇઝરી ફક્ત એક Behavioral Nudge છે, એટલે કે, લોકોને જાગૃત રહેવા માટે પ્રેરિત કરવામાં આવ્યા છે કે તેઓએ તેમના ખોરાકમાં છૂપાયેલી સુગર અને ફેટ પર ધ્યાન આપવું જોઈએ. આ કોઈ ખાસ વાનગીની વિરુદ્ધ નથી, પરંતુ એક સામાન્ય સલાહ છે કે લોકોએ કાર્યસ્થળો અને રોજિંદા જીવનમાં સ્વસ્થ વિકલ્પો પસંદ કરવા જોઈએ અને વધુ પડતા તેલ અને સુગરથી દૂર રહેવું જોઈએ.

આવી સ્પષ્ટતા શા માટે જરૂરી છે?

ભારતમાં સ્ટ્રીટ ફૂડ ફક્ત ખોરાક નથી, તે આપણા જીવનનો એક ભાગ છે. ખાસ કરીને ઉત્તર ભારતમાં ચાટ, સમોસા, જલેબી અને મીઠાઈઓ દરેક ખાસ પ્રસંગે ખાવામાં આવે છે. આવી સ્થિતિમાં જ્યારે આવા ભ્રામક સમાચાર ફેલાય છે કે સરકાર તેમના પર પ્રતિબંધ મૂકવા જઈ રહી છે અથવા ચેતવણી આપવા જઈ રહી છે, ત્યારે લોકોમાં મૂંઝવણ ફેલાવવી સ્વાભાવિક છે.

તો આગામી વખતે જ્યારે તમે જલેબી-સમોસાના સ્વાદમાં ડૂબકી લગાવો છો તો ચોક્કસપણે વિચારો કે સંતુલન અને સ્વસ્થ વિકલ્પો પણ મહત્વપૂર્ણ છે પરંતુ ગભરાવાની જરૂર નથી.