Homemade Skin Toner: સ્કિનને યંગ લૂક આપવા માટે વરદાન છે આ સ્કિન ટોનર, આ રીતે કરો ઘરે તૈયાર

ટોનરના ઉપયોગથી ત્વચાને મોશ્ચર  મળે છે. શિયાળાની ઋતુમાં આ ટોનરનો ઉપયોગ કરીને તમે શુષ્ક ત્વચાની સમસ્યાથી રાહત મેળવી શકો છો.

પ્રતીકાત્મક તસવીર ( ગૂગલમાંથી)

Skin Care Tips:વિટામિન-સીથી ભરપૂર સંતરા  સ્વાસ્થ્યની સાથે સાથે ત્વચા માટે પણ ખૂબ જ ફાયદાકારક માનવામાં આવે છે. તેનો ઉપયોગ કરીને તમે ફેસ ટોનર બનાવી શકો છો.  જે સ્કિનના ગ્લોને યથાવત રાખવામાં કારગર છે.

સંતરા  સ્વાસ્થ્ય માટે ખૂબ જ ફાયદાકારક માનવામાં આવે છે. તે વિટામિન-સીનો ભરપૂર સ્ત્રોત છે. જે ઘણી બીમારીઓને દૂર કરવામાં મદદ કરે છે. તે સ્વાસ્થ્યની સાથે ત્વચા માટે પણ ખૂબ જ ફાયદાકારક છે. સંતરાની  છાલનો ઉપયોગ કરીને ફેસ ટોનર બનાવી શકો છો. તેનાથી તમારી ત્વચાને કોઈ નુકસાન નહીં થાય. તેના નિયમિત ઉપયોગથી ગ્લોઇંગ સ્કિન  મેળવી શકો છો.

સંતરાથી આ રીતે બનાવો સ્કિન ટોનર

ટોનર માટે તૈયાર કરો આ સામગ્રી

સંતરાની છાલ- 1થી2

તજ સ્ટીક – 1થી 2

ફુદીનાના પાન -8 નંગ

લવિંગની કળી- 3

 આ રીતે તૈયાર કરો ટોનર

સૌપ્રથમ પેનમાં પાણી નાખો, તેમાં નારંગીની છાલ ઉમેરો. તેને ગેસ પર ઉકળવા માટે રાખો. જ્યારે તે થોડું ઉકળવા લાગે, ત્યારે બાકીની સામગ્રી ઉમેરો. આ મિશ્રણને થોડી વાર વધુ  ઉકળવા માટે મૂકો. જ્યારે પાણીનો રંગ બદલાવા લાગે ત્યારે ગેસ બંધ કરી દો. હવે આ પાણીને ઠંડુ થવા દો, પછી તેને સ્પ્રે બોટલમાં ભરીને ફ્રીજમાં રાખો. તમે નિયમિતપણે અપ ઓરેન્જ સ્કિન ટોનરનો ઉપયોગ કરી શકો છો.

સંતરાનું જ્યુસ અને બદામ તેલ

આ ટોનરના ઉપયોગથી ત્વચાને મોશ્ચર  મળે છે. શિયાળાની ઋતુમાં આ ટોનરનો ઉપયોગ કરીને તમે શુષ્ક ત્વચાની સમસ્યાથી રાહત મેળવી શકો છો.

સામગ્રી

સંતરા- 1થી2

લીંબુનો રસ – 1 ચમચી

બદામ તેલ – 2 ચમચી

ગ્લિસરીન – 1 ચમચી

અડધો કપ પાણી

ટોનર બનાવવાની રીત

સૌપ્રથમ સંતરાની છાલ ઉતારી લો,  હવે તેની સ્લાઈસને ગ્રાઇન્ડરમાં નાખીને પીસી લો. હવે તેને એક બાઉલમાં ગાળી લો. તેમાં લીંબુનો રસ, બદામનું તેલ અને ગ્લિસરીન ઉમેરો. હવે આ ઘટકોને સારી રીતે મિક્સ કરો. આ મિશ્રણને સ્પ્રે બોટલમાં નાખો. ચમકતી ત્વચા માટે દરરોજ આ ટોનરનો ઉપયોગ કરો.

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા  કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો