પુુરુષો માટે ખતરનાક છે અલ્ટ્રા પ્રોસેસ્ડ ફૂડ, ઘટી જાય છે સ્પર્મ કાઉન્ટ, અભ્યાસમાં ખુલાસો
અભ્યાસમાં જાણવા મળ્યું છે કે તમે જે ખાઓ છો તે તમારા જાતીય સ્વાસ્થ્ય પર ઊંડી અસર કરે છે. આ અભ્યાસ સેલ મેટાબોલિઝમ જર્નલમાં પ્રકાશિત થયો છે.
બાળપણથી જ આપણને બધાને કહેવામાં આવ્યું છે કે સ્વસ્થ રહેવા માટે સ્વસ્થ આહાર ખૂબ જ મહત્વપૂર્ણ છે. પરંતુ આજના ઝડપી જીવનમાં લોકો અલ્ટ્રા-પ્રોસેસ્ડ ખોરાકને વધુ મહત્વ આપી રહ્યા છે. ભલે આ ઓછા સમયમાં તૈયાર થાય છે અને સ્વાદિષ્ટ લાગે છે, તે આપણા સ્વાસ્થ્યને ગંભીર નુકસાન પહોંચાડે છે.
હવે એક નવા અભ્યાસમાં એવું પણ બહાર આવ્યું છે કે તે પુરુષોના sexual health માટે પણ હાનિકારક હોઈ શકે છે. અભ્યાસમાં જાણવા મળ્યું છે કે તમે જે ખાઓ છો તે તમારા જાતીય સ્વાસ્થ્ય પર ઊંડી અસર કરે છે. આ અભ્યાસ સેલ મેટાબોલિઝમ જર્નલમાં પ્રકાશિત થયો છે. અભ્યાસ મુજબ, વધુ અલ્ટ્રા-પ્રોસેસ્ડ ખોરાક ખાવાથી પુરુષોની પ્રજનન ક્ષમતા અને મેટાબોલિક સ્વાસ્થ્ય પર અસર પડી શકે છે.
43 સ્વસ્થ પુરુષો પર કરવામાં આવેલ સર્વે
જે પુરુષોએ તેમની ઉંમર, વજન, ઊંચાઈ અને એક્ટિવિટી લેવલ અનુસાર અલ્ટ્રા-પ્રોસેસ્ડ ખોરાક ખાધો હતો તેમના વજન અને શરીરની ચરબી સ્વસ્થ ખોરાક ખાતા લોકો કરતા વધુ વધી હતી. તેમના મેટાબોલિક રેટ પર પણ અસર પડી હતી. આ અભ્યાસ માટે 20 થી 35 વર્ષની વયના 43 સ્વસ્થ પુરુષોનો સમાવેશ કરવામાં આવ્યો હતો.
પુરુષોની પ્રજનન ક્ષમતા પર પ્રતિકૂળ અસર પડી હતી
તેમને બે જૂથોમાં વહેંચવામાં આવ્યા હતા. એક જૂથને ત્રણ અઠવાડિયા માટે વધુ અલ્ટ્રા-પ્રોસેસ્ડ ખોરાક અને ત્રણ અઠવાડિયા માટે અનપ્રોસેસ્ડ ખોરાક આપવામાં આવ્યો. બીજા જૂથને જરૂર કરતાં 500 કેલરી વધુ હાઈ-કેલરી ફૂડ ખાવાનું કહેવામાં આવ્યું. આ દરમિયાન એવું જોવા મળ્યું કે અલ્ટ્રા-પ્રોસેસ્ડ ફૂડ પુરુષોની પ્રજનન ક્ષમતા પર અસર કરે છે.
સ્પર્મ કાઉન્ટ ઘટવાની શક્યતા વધારે છે
અભ્યાસમાં એ પણ જાણવા મળ્યું છે કે વધુ અલ્ટ્રા-પ્રોસેસ્ડ ફૂડ્સ ખાવાથી પુરુષોમાં સ્પર્મ કાઉન્ટ ઘટી શકે છે. આ તેમની પ્રજનન ક્ષમતાને પણ અસર કરે છે. બીજી બાજુ હાઈ કેલેરી, અલ્ટ્રા-પ્રોસેસ્ડ ફૂડ્સ ખાતા પુરુષોમાં ફોલિકલ-સ્ટિમ્યુલેટિંગ હોર્મોન (FSH) નું સ્તર ઓછું જોવા મળ્યું, જે શુક્રાણુઓની રચના માટે ખૂબ જ મહત્વપૂર્ણ છે.
સેક્સ હોર્મોન્સને પણ અસર કરે છે
આ ઉપરાંત, આ પુરુષોમાં સ્પર્મ મોટિલિટી (sperm motility) માં પણ ઘટાડો થયો. એવું માનવામાં આવે છે કે આનું કારણ એક રાસાયણિક cxMINP હોઈ શકે છે. આ એન્ડોક્રાઈન ડિસરપ્ટર્સ (endocrine-disruptors) હોર્મોન સ્તરમાં મોટા ફેરફારો લાવી શકે છે. આને કારણે અલ્ટ્રા-પ્રોસેસ્ડ ફૂડ્સ માત્ર વજનમાં વધારો જ નહીં પરંતુ સેક્સ હોર્મોન્સ પર પણ ખરાબ અસર કરે છે.
Check out below Health Tools-
Calculate Your Body Mass Index ( BMI )
ટોપ સ્ટોરી
ટ્રેન્ડિંગ સમાચાર
