Ultra Processed Foods:અલ્ટ્રા પ્રોસેસ્ડ ફૂડ શું છે, જે ખાવાથી થઇ શકે છે 32 ખતરનાક બીમારીઓ

સંશોધનમાં જાણવા મળ્યું છે કે, વધુ પડતા અલ્ટ્રા પ્રોસેસ્ડ ખોરાક ખાવાથી મૃત્યુનું જોખમ 21 ટકા વધી જાય છે. કારણ કે આ ફૂડથી હૃદય રોગ, સ્થૂળતા અને ટાઇટ 2 ડાયાબિટીસથી મૃત્યુનું જોખમ 40-66% વધી જાય છે.

પ્રતીકાત્મક તસવીર ( ગૂગલમાંથી)

Ultra Processed Foods: ખાવા-પીવાની ખરાબ આદતોને કારણે અનેક ગંભીર બીમારીઓ વધી રહી છે. આજકાલ સમયના અભાવે ઓછા સમયમાં પેટ ભરવા માટે લોકો ચિપ્સ, નમકીન, બિસ્કીટ, પીઝા-બર્ગર કે કોલ્ડ ડ્રિંક્સ જેવી વસ્તુઓ ખાઈ રહ્યા છે. આ ખોરાકને 'અલ્ટ્રા પ્રોસેસ્ડ ફૂડ્સ' કહેવામાં આવે છે, જે તમારા સ્વાસ્થ્ય માટે ઝેરથી કમ નથી. એક અભ્યાસમાં જાણવા મળ્યું છે કે, જો અલ્ટ્રા પ્રોસેસ્ડ ફૂડનું રોજ સેવન કરવામાં આવે તો કેન્સર અને ડાયાબિટીસ સહિત 32 ગંભીર બીમારીઓનું જોખમ વધી શકે છે. ચાલો જાણીએ શું છે અભ્યાસ અને અલ્ટ્રા પ્રોસેસ્ડ ફૂડ કેટલા જોખમી છે?

 અલ્ટ્રા પ્રોસેસ્ડ ફૂડ કેમ જોખમી છે?

અભ્યાસ મુજબ, નાસ્તા અથવા ખાંડયુક્ત ઠંડા પીણા બજારમાં પહોંચતા પહેલા ઘણી પ્રક્રિયાઓમાંથી પસાર થાય છે. આને કોસ્મેટિક ખોરાક B કહેવામાં આવે છે. તેને સ્વાદિષ્ટ બનાવવા માટે કલર અને બીજી ઘણી વસ્તુઓ ઉમેરવામાં આવે છે. તેમાં વધારાની ખાંડ અને ચરબી પણ હોય છે. તેથી તેઓ સ્વાસ્થ્ય માટે હાનિકારક માનવામાં આવે છે.

અલ્ટ્રા પ્રોસેસ્ડ ફૂડથી કયા રોગોનું જોખમ છે?

યુએસ, ફ્રાન્સ, ઑસ્ટ્રેલિયા અને આયર્લેન્ડના સંશોધકોની એક ટીમે શોધી કાઢ્યું છે કે, ઉચ્ચ અલ્ટ્રા-પ્રોસેસ્ડ ખોરાક ખાવાથી હૃદય રોગ સંબંધિત મૃત્યુનું જોખમ 48-53 ટકા વધી જાય છે. તેના કારણે તણાવ અને માનસિક વિકૃતિઓનું જોખમ લગભગ 12 ટકા વધી જાય છે. BMJના આ સંશોધનમાં જાણવા મળ્યું છે કે વધુ અલ્ટ્રા પ્રોસેસ્ડ ફૂડ ખાવાથી મૃત્યુનું જોખમ 21 ટકા વધી જાય છે. આ ખાવાથી હૃદયરોગ, સ્થૂળતા અને ટાઇપ 2 ડાયાબિટીસથી મૃત્યુનું જોખમ પણ 40-66 ટકા વધી જાય છે. ઊંઘ અને ડિપ્રેશનની સમસ્યામાં 22 ટકાનો વધારો થાય છે.

 

અલ્ટ્રા પ્રોસેસ્ડ ફૂડને કેવી રીતે ઓળખવું

અલ્ટ્રા પ્રોસેસ્ડ ફૂડ્સ એવા ખોરાક છે. જે સામાન્ય રીતે ઘરના રસોડામાં તૈયાર થતા નથી. ઉદાહરણ તરીકે, જો દૂધમાંથી દહીં બનાવવામાં આવે તો કોઈ વાંધો નથી, પરંતુ જો કોઈ મોટી ફેક્ટરીમાં દૂધમાંથી દહીં બનાવવામાં આવે અને તેને સ્વાદિષ્ટ બનાવવા માટે કલર, ફ્લેવર, ખાંડ કે કોર્ન સિરપ ઉમેરવામાં આવે તો તેને અલ્ટ્રા પ્રોસેસ્ડ ફૂડ કહેવામાં આવે છે. WHO અનુસાર, કાર્બોનેટેડ કોલ્ડ ડ્રિંક્સ, મીઠાઈઓ, ખારા નાસ્તા, તૈયાર માંસ, ચીઝ, પાસ્તા, પિઝા, માછલી, સોસેજ, કેન્ડી, પેકેજ્ડ બ્રેડ, બિસ્કિટ, પેસ્ટ્રી, કેક, ફ્રુટ દહીં, બર્ગર, હોટ ડોગ્સ, ઇન્સ્ટન્ટ. સૂપ અને ઇન્સ્ટન્ટ નૂડલ્સ અલ્ટ્રા પ્રોસેસ્ડ ફૂડ હેઠળ આવે છે.