Health Tips: ઠંડીમાં પણ થશે ગરમીનો અહેસાસ, રોજ તમારા આહારમાં સામેલ કરો આ ડ્રાયફ્રૂટ્સ

Health Tips: ડ્રાયફ્રુટ્સ ખાવાથી શરીરને એનર્જી અને ઘણા જરૂરી પોષક તત્વો મળે છે. દરરોજ ડ્રાયફ્રૂટ્સ ખાવાથી પોષક તત્વોનું સંતુલન જળવાઈ રહે છે, જે શરીરને રોગોથી બચાવે છે અને સ્વસ્થ પણ રાખે છે.

ડ્રાયફ્રૂટ્સ

Dry Fruits for Winter: ઓછા સૂર્યપ્રકાશ અને યોગ્ય આહારના અભાવે શિયાળામાં રોગપ્રતિકારક શક્તિ નબળી પડી જાય છે. તેનાથી શરદી, ઉધરસ અને ઈન્ફેક્શનનો ખતરો વધી જાય છે. આનાથી બચવા અને રોગપ્રતિકારક શક્તિને મજબૂત રાખવા માટે શરીરને અંદરથી ગરમ રાખવાની જરૂર છે. આ માટે તમે તમારા આહારમાં કેટલાક ડ્રાય ફ્રૂટ્સનો સમાવેશ કરી શકો છો. આ ડ્રાય ફ્રૂટ્સ વિટામિન્સ, મિનરલ્સ અને એન્ટિઓક્સિડન્ટ્સથી ભરપૂર હોય છે, જે તમને શરદીથી તો બચાવશે જ પરંતુ દિવસભર શરીરની એનર્જી પણ જાળવી રાખશે. તો ચાલો જાણીએ કે કયા ડ્રાય ફ્રુટ્સ શિયાળામાં શરીરને ગરમીનો અહેસાસ આપી શકે છે...

1. બદામ

શિયાળામાં બદામ ખાવા માટે સૌથી પરફેક્ટ માનવામાં આવે છે. તેમાં પ્રોટીન, ફાઈબર, વિટામિન ઈ, કેલ્શિયમ, કોપર અને મેગ્નેશિયમ જેવા તત્વો પુષ્કળ પ્રમાણમાં મળી આવે છે. દિવસમાં બેથી પાંચ પલાળેલી બદામ ખાવાની સલાહ આપવામાં આવે છે, તેનાથી શરીર ગરમ રહે છે.

2. અખરોટ

અખરોટમાં ભરપૂર માત્રામાં ઓમેગા-3 ફેટી એસિડ હોય છે, જે હૃદય અને મગજ માટે ખૂબ જ ફાયદાકારક છે. આ સિવાય અખરોટ એન્ટીઓક્સીડેન્ટનો પણ સારો સ્ત્રોત છે, જે વાયરસના ચેપ સામે લડવામાં મદદ કરે છે.

3. સૂકા અંજીર

સૂકા અંજીર શિયાળામાં શરીરને ગરમ રાખવામાં મદદરૂપ છે. તેમાં ઝિંક, મેગ્નેશિયમ, આયર્ન જેવા પોષક તત્વો મળી આવે છે. શિયાળામાં રોજ અંજીર ખાવાથી રોગપ્રતિકારક શક્તિ મજબૂત બને છે અને પાચનતંત્ર પણ સારું રહે છે. આને ખાવાથી કબજિયાતમાં પણ રાહત મળે છે.

4. પિસ્તા

પિસ્તામાં ભરપૂર માત્રામાં ફાઈબર અને પ્રોટીન હોય છે, જે શિયાળામાં શરીરને એનર્જી આપે છે. તેમાં વિટામીન અને મિનરલ્સ ભરપૂર માત્રામાં જોવા મળે છે, જે બ્લડ સુગર લેવલને નિયંત્રિત કરવામાં મદદ કરે છે. શિયાળામાં રોજ માત્ર 3-4 પિસ્તા ખાવાથી ફાયદો થાય છે.

5. કાજુ

કાજુ એ પ્રોટીન, ઝીંક અને મેગ્નેશિયમ જેવા આવશ્યક ખનિજોનો ભંડાર છે. ઝિંક રોગપ્રતિકારક શક્તિને મજબૂત કરવાનું કામ કરે છે અને મેગ્નેશિયમ સ્નાયુઓને સારી રાખવાનું કામ કરે છે. દરરોજ સૂતા પહેલા દૂધ સાથે કાજુ ખાવાથી સારી ઊંઘ આવે છે. તમે તેને શેકીને કે કાચા ખાઈ શકો છો.

6. ખજૂર

ઘણા લોકો શિયાળામાં મિઠાઈ ખાવાનું પસંદ કરે છે. ખજુર તેમના માટે સારો વિકલ્પ છે. તેમાં ફાઈબર અને પોટેશિયમ મળી આવે છે, જે એનર્જી લેવલ વધારવાનું કામ કરે છે. ખજૂર વજન ઘટાડવામાં અને શરીરને અંદરથી ગરમ રાખવામાં મદદ કરે છે. દૂધ અને ખજૂર એકસાથે ખાવાથી શરદી અને ખાંસી દૂર રહે છે.

ડિસ્ક્લેમર: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનને અમલમાં મૂકતા પહેલા, તમારે સંબંધિત નિષ્ણાતની સલાહ લેવી જોઈએ.