Health: ઉધરસ સાથે જો આ લક્ષણો શરીરમાં અનુભવાય તો સાવઘાન, હોઇ શકે છે આ ઘાતક રોગ

ક્યારેક ખાવામાં તકલીફ, પાણી પીવામાં તકલીફ, ગળામાં દુખાવો આ પ્રકારના કોઇ લક્ષણો અનુભવાય તો તાત્કાલિક તબીબની સલાહ લેવી જોઇએ

પ્રતીકાત્મક તસવીર

Health:માથા અને ગરદનના કેન્સર એ વિશ્વભરમાં 10 સૌથી સામાન્ય કેન્સર પૈકીનું એક છે. ભારતમાં એક ચતુર્થાંશ પુરુષો અને સ્ત્રીઓ કેન્સરના દર્દીઓ છે. માથા અને ગરદનના પ્રારંભિક લક્ષણો ભાગ્યે જ દેખાય છે. જેને આપણે ઘણી વખત અવગણી શકીએ છીએ. પરંતુ જો આ લક્ષણો શરૂઆતમાં જ ઓળખી લેવામાં આવે તો તમે તેને સમયસર રહેતા તેનો ઇલાજ કરી શકો છો. અને તમારી જાણકારી માટે તમને જણાવી દઈએ કે, આનો ઈલાજ પણ થઈ શકે છે. વાસ્તવમાં, માથા અને ગરદનના કેન્સરના લક્ષણો અલગ-અલગ વ્યક્તિઓમાં અલગ-અલગ રીતે દેખાય છે. જો તમારે આમાંથી બચવું હોય તો પહેલા તો તમાકુના સેવને ટાળવું પડશે.HPV રસીકરણ કેન્સરનું જોખમ ઘટાડે છે.

ગરદનના કેન્સરના કેટલાક પ્રારંભિક લક્ષણો

અવાજમાં ફેરફાર

માથા અને ગરદનના કેન્સરને કારણે શરીરમાં ઘણા ફેરફારો જોવા મળે છે. લાંબા સમયથી  ઉધરસ,  કાનમાં દુખાવો એ તેના પ્રારંભિક લક્ષણો છે. આ લક્ષણો એટલા ઓછા હોય છે કે, ઘણી વખત લોકો તેને સામાન્ય રોગ અથવા હવામાનને કારણે થતો રોગ માનીને અવગણના કરે છે. જો તમને પણ શરીરમાં આવા કોઈ લક્ષણો દેખાય તો સમયસર તેનો ઈલાજ કરાવો, નહીં તો તે કેન્સરનું રૂપ લઈ લેશે.

ગળામાં ખરાશ

માથા અને ગરદનમાં દુખાવો ક્યારેક કેન્સરને કારણે થઈ શકે છે. ક્યારેક ખાવામાં તકલીફ, પાણી પીવામાં તકલીફ, ગળામાં દુખાવો કેન્સરને કારણે થઈ શકે છે. જ્યારે આવા લક્ષણો દેખાય, ત્યારે ચોક્કસપણે ડૉક્ટરની સલાહ લો.

ઘામાં રૂઝ ન આવવી

ઘણીવાર એવું કહેવામાં આવે છે કે જો કેન્સર શરીરમાં પ્રવેશ્યું હોય, તો તેના પ્રારંભિક લક્ષણો એ છે કે કોઈપણ ઘા ઝડપથી રૂઝ થતો નથી. જો તમારા શરીરમાં આવા કોઈ લક્ષણો દેખાય છે તો કેટલીક ખાસ બાબતોનું ખાસ ધ્યાન રાખો. જો શરીર પર કોઈ ઘા લાંબા સમય સુધી ચાલુ રહે તો તરત જ ડોક્ટર સાથે વાત કરો.

માથા અને ગરદનના કેન્સરથી બચવાના ઉપાયો

જો તમારે માથા અને ગરદનના કેન્સરથી બચવું હોય તો ખાનપાનમાં ધ્યાન રાખો ખાસ કરીને આલ્કોહોલ અને તમાકાનું સેવન ટાળો,જો તમે ધૂમ્રપાન કરો છો, તો તમારા સ્વાસ્થ્યનું વિશેષ ધ્યાન રાખો. ધૂળમાં વધારે ન રહો. જેથી  ઘાતક રોગ  કેન્સરથી બચી શકાય. આપ આ જોખમને ટાળવા માટે  HPV રસી પણ લઇ શકો છો.