Women Health: મહિલાઓમાં એક વધી રહ્યાં છે સર્વાઇકલ કેન્સરના કેસ,જાણો મુખ્ય કારણો
Cervical Cancer :સર્વાઇકલ કેન્સરનું સૌથી મોટું કારણ HPV છે. તે ખૂબ જ સામાન્ય જાતીય સંક્રમિત ચેપ છે. HPV ના ઘણા પ્રકારો છે, જેમાંથી ચોક્કસ પ્રકારો (જેમ કે HPV 16 અને 18) કેન્સરનું કારણ બની શકે છે.
Cervical Cancer Rise: સર્વાઇકલ કેન્સર એ વિશ્વભરમાં સ્ત્રીઓમાં જોવા મળતા સૌથી સામાન્ય કેન્સરમાંનું એક છે. તાજેતરના વર્ષોમાં, ભારતમાં પણ તેના કેસોમાં ઝડપથી વધારો જોવા મળ્યો છે, જે ગંભીર ચિંતાનો વિષય છે. આ રોગનું સૌથી મુખ્ય કારણ હ્યુમન પેપિલોમાવાયરસ નામનો વાયરસ છે, જે સામાન્ય રીતે જાતીય સંભોગ દ્વારા ફેલાય છે. જો કે, HPV એકમાત્ર કારણ નથી. આપણી જીવનશૈલી, સામાજિક અને આર્થિક કારણો પણ આ રોગનું જોખમ વધારે છે.
આ તરફ ધ્યાન આપવું ખૂબ જ મહત્વપૂર્ણ છે કારણ કે જો આ રોગનું પ્રારંભિક તબક્કામાં નિદાન થઇ જાય તો તેની સંપૂર્ણ સારવાર કરી શકાય છે. કમનસીબે જાગૃતિના અભાવ અને આરોગ્ય સેવાઓની મર્યાદિત પહોંચને કારણે, નિદાનમાં બહુ લેઇટ થઇ જાય છે.. આ લેખમાં, ચાલો કેટલાક મુખ્ય કારણો વિશે જાણીએ જેના કારણે સ્ત્રીઓમાં સર્વાઇકલ કેન્સરના કેસ વધી રહ્યા છે.
હ્યુમન પેપિલોમાવાયરસ (HPV) ચેપ
સર્વાઇકલ કેન્સરનું સૌથી મોટું કારણ HPV છે. તે ખૂબ જ સામાન્ય જાતીય સંક્રમિત ચેપ છે. HPV ના ઘણા પ્રકારો છે, જેમાંથી ચોક્કસ પ્રકારો (જેમ કે HPV 16 અને 18) કેન્સરનું કારણ બની શકે છે. આ વાયરસ સામે રક્ષણ મેળવવા માટે, છોકરીઓને નાની ઉંમરે HPV રસી લેવાની સલાહ આપવામાં આવે છે. આ રસીને આ કેન્સરને રોકવા માટે સૌથી અસરકારક રીત માનવામાં આવે છે.
સ્વચ્છતાનો અભાવ અને વહેલા લગ્ન
વ્યક્તિગત સ્વચ્છતાનો અભાવ સર્વાઇકલ કેન્સરનું જોખમ વધારી શકે છે. વધુમાં, વહેલા લગ્ન અને વહેલા જાતીય સંબંધો માનવ પેપિલોમાવાયરસ (HPV) ચેપનું જોખમ પણ વધારે છે, જે સર્વાઇકલ કેન્સરનું જોખમ પણ વધારે છે. બહુવિધ જાતીય ભાગીદારો રાખવાથી અથવા એક જીવનસાથી જેના અનેક જાતીય ભાગીદારો હોય તેનાથી HPV ચેપ અને સર્વાઇકલ કેન્સરનું જોખમ ખૂબ વધી જાય છે. સુરક્ષિત સેક્સ અને એકપત્નીત્વ સંબંધો આ જોખમ ઘટાડવામાં મદદ કરી શકે છે.
જાગૃતિ અને સ્ક્રીનીંગનો અભાવ
ગર્ભાશયના કેન્સરની શરૂઆતના તબક્કામાં જ સારવાર શક્ય છે. પરંતુ ભારતના ઘણા ગ્રામીણ અને શહેરી વિસ્તારોમાં મહિલાઓમાં આ રોગના લક્ષણો અને નિવારણ પદ્ધતિઓ વિશે જાગૃતિનો અભાવ છે. આ ઉપરાંત, પેપ ટેસ્ટ જેવી નિયમિત સ્ક્રીનીંગનો અભાવ પણ એક મુખ્ય કારણ છે જેના કારણે આ રોગની બહુ મોડી ખબર પડે છે અને પછી રિકવરી શક્ય નથી બનતી
ટોપ સ્ટોરી
ટ્રેન્ડિંગ સમાચાર
