Health: 30ની ઉંમર વટાવતા જ મહિલાઓના આ અંગો થઇ જાય છે કમજોર, ફિટ રહેવા કરો આ કામ

Women's Health After 30: હાડકાના જથ્થામાં વધુ પડતા નુકશાનથી ઓસ્ટીયોપોરોસીસ જેવી ગંભીર સમસ્યાઓ પણ થઈ શકે છે

(તસવીર- એબીપી લાઇવ)

Source : એબીપી લાઇવ

Women's Health After 30: મહિલાઓમાં ઉંમર વધે તેમ તેમ નવી નવી સમસ્યાઓ ઉભી થાય છે. શરીરને લગતી બિમારીઓ અને વિકનેસ ઝડપથી આવે છે. આમાં સૌથી અસર મહિલાઓના હાકડાને થાય છે. ઉંમર વધતા હાડકાં ઝડપથી નબળા થવા લાગે છે. ખાસ કરીને મહિલાઓમાં આ સમસ્યા વધુ જોવા મળે છે. 30 વર્ષ પછી મહિલાઓના હાડકાંમાં નબળાઇ આવવા લાગે છે. વાસ્તવમાં, આ સમય દરમિયાન નવા હાકડા ઓછા બને છે અને જુના હાકડા ઝડપથી ગળવા લાગે છે. જેના કારણે હાડકાઓ કમજોર બની જાય છે.

હાડકાના જથ્થામાં વધુ પડતા નુકશાનથી ઓસ્ટીયોપોરોસીસ જેવી ગંભીર સમસ્યાઓ પણ થઈ શકે છે. આના કારણે હાડકાં આસાનીથી તૂટી જાય છે અને ચાલવામાં તકલીફ થઈ શકે છે. તેથી આ ઉંમર પછી મહિલાઓએ પોતાના હાડકાંની યોગ્ય કાળજી લેવી જોઈએ. તેઓએ દરરોજ કંઈક કામ કરવું જોઈએ.

30 ની ઉંમર બાદ મહિલાઓ આ રીતે રાખો પોતાનું ધ્યાન 

1. કેલ્શિયમ અને વિટામીન D ને મેન્ટેન કરો 
પુખ્ત વયની મહિલાઓ દરરોજ 1000 થી 1200 મિલિગ્રામ કેલ્શિયમની જરૂર પડે છે. આ સિવાય હાડકાને મજબૂત કરવા માટે વિટામિન ડી પણ જરૂરી છે. પૂરતું કેલ્શિયમ મેળવવા માટે, તમે બદામ, ડેરી ઉત્પાદનો, શાકભાજી અને ફોર્ટિફાઇડ અનાજ ખાઈ શકો છો. આ ઉપરાંત, વિટામિન ડીની ઉણપને દૂર કરવા માટે તમારા રોજિંદા આહારમાં ઓછી ચરબીવાળા ડેરી ઉત્પાદનો જેમ કે સોયા દૂધ, ટોફુ, લીલા પાંદડાવાળા શાકભાજી, ફળોનો સમાવેશ કરો.

2. દરરોજ તડકે બેસો 
સવારના સૂર્યપ્રકાશમાં અઠવાડિયામાં બેથી ત્રણ વખત ઓછામાં ઓછા 10-15 મિનિટ સુધી બેસો. તેનાથી શરીરમાં વિટામિન ડી ફરી ભરાઈ જશે. શરીરમાં કેલ્શિયમને શોષવા માટે પણ આ ખૂબ જ મહત્વપૂર્ણ વિટામિન છે. તેથી, સૂર્યથી દૂર રહેવાની ભૂલ ન કરો.

3. એક્સરસાઇઝ કરો 
દરરોજ 30 મિનિટ હળવી કસરત કરો. તેનાથી હાડકાં અને સ્નાયુઓ મજબૂત બને છે. તમારી દિનચર્યામાં યોગ, વૉક, બૉડી મૂવમેન્ટ, વેઇટ બેરિંગ એક્સરસાઇઝ જેવી કે સ્ટ્રેન્થ ટ્રેનિંગ, ડાન્સિંગ, જૉગિંગનો સમાવેશ કરો.

4. દારુ-સિગારેટ છોડો, કેફીન ઓછુ કરો 
ધૂમ્રપાન અને વધુ પડતાં પીવાથી હાડકાંને નુકસાન થવાનું જોખમ વધારે છે. જેના કારણે હાડકાની ઘનતા ઓછી થવા લાગે છે. તેથી, શક્ય હોય ત્યાં સુધી તમારી જાતને તેમનાથી દૂર રાખો. આ ઉપરાંત કેટલાક સંશોધનોમાં એવું જાણવા મળ્યું છે કે કેફીનની વધુ માત્રા કેલ્શિયમના ઉત્સર્જનને વધારે છે અને શોષણ ઘટાડે છે. આવી સ્થિતિમાં વધુ પડતી ચા કે કોફી ન પીવી.

5. બૉડી વેઇટ મેન્ટેન કરો 
વધારે વજન હોવાને કારણે ઓસ્ટીયોપોરોસીસ અને હાડકાંનું નુકશાન થાય છે, જે વજનમાં ઘટાડો તરફ દોરી જાય છે. આ સિવાય વધારે વજન હોવાને કારણે હાડકાં પર ઘણું દબાણ પડે છે, જેનાથી સમસ્યાઓ વધી શકે છે. તેથી તમારું વજન જાળવી રાખવાનો પ્રયાસ કરો.

6. હાકડાની તપાસ કરાવતા રહો 
મોટાભાગના લોકો હાડકાંના નબળા પડવાને યોગ્ય રીતે સમજી શકતા નથી, જેના કારણે ફ્રેક્ચરનું જોખમ વધી શકે છે. આવી સ્થિતિમાં સમયાંતરે તમારી બોન ડેન્સિટી ચેક કરાવતા રહો. હૉર્મોન રિપ્લેસમેન્ટ થેરાપી એ સ્ત્રીઓ માટે મદદરૂપ થઈ શકે છે જેમણે તાજેતરમાં મેનોપૉઝ પસાર કર્યો હોય અથવા એસ્ટ્રોજનનું સ્તર ઓછું હોય અને ઑસ્ટિયોપોરોસિસ હોય.

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનને અમલમાં મૂકતા પહેલા તમારે સંબંધિત નિષ્ણાતની સલાહ લેવી જોઈએ.

આપણ વાંચો