Ahmedabad : યુવતી દિયર સાથે રૂમમાં માણી રહી હતી એકાંત ને 6 વર્ષનો દીકરો જોઇ ગયો, ને પછી....

અપરણીત દિયર સાથે ભાભીને આંખ મળી ગઈ હતી અને તેનો પરિવારના સભ્યોની ગેરહાજરીમાં ઘરમાં જ રંગરેલિયા મનાવતા હતા. આ જ  સમયે 6 વર્ષીય હાર્દિક અચનાક રૂમમાં આવી ગયો હતો અને મમ્મીને કાકા સાથે જોઈ ગયો હતો.

પ્રતિકાત્મક તસવીર.

અમદાવાદઃ વિરમગામ તાલુકાના એક ગામમાં સંબંધોને શર્મસાર કરતી એક ઘટના સામે આવી છે, જે  વાંચીને તમે તેમના પર ફીટકાર વરસાવશે. હવસખોર માતાએ પોતાનું પ્રેમપ્રકરણ ખુલ્લુ ન પડી જાય તે માટે ખૂદ પોતાના જ 6 વર્ષના દીકરાની હત્યા કરી નાંખી હતી અને પછી દીકરો ગુમ થયો હોવાની વાત ઘડી કાઢી હતી. જોકે, પોલીસે તપાસ કરી બાળકની હત્યા થઈ હોવાનો ખુલાસો કર્યો છે અને હત્યારી માતા અને તેને સાથ આપનારા દિયરની ધરપકડ કરી લીધી છે. 

આ અંગેની વિગતો એવી છે કે, વિરમગામ તાલુકાના એક ગામમાં એક પરિવાર રહેતો હતો. આખો પરિવાર સંયુક્ત કુટુંબમાં રહેતો હતો. જેમાં મોટાભાઈના લગ્ન થઈ ગયા હતા અને તેમને લગ્ન સંબંધથી 6 વર્ષીય દીકરો અને 3 વર્ષીય દીકરી હતી. જ્યારે નાનો ભાઈ અપરણીત હતો. આ અપરણીત દિયર સાથે ભાભીને આંખ મળી ગઈ હતી અને તેનો પરિવારના સભ્યોની ગેરહાજરીમાં ઘરમાં જ રંગરેલિયા મનાવતા હતા. 

એક દિવસ ઘરે કોઈ ન હોવાથી દિયર-ભાભી રૂમમાં રંગરેલિયા મનાવી રહ્યા હતા. આ જ  સમયે 6 વર્ષીય હાર્દિક અચનાક રૂમમાં આવી ગયો હતો અને મમ્મીને કાકા સાથે કઢંગી હાલતમાં જોઈ ગયો હતો. દીકરો બંનેને જોઇ જતાં બંને હેબતાઇ ગયા હતા અને પોતાના આડાસંબંધોની પોલ ખુલી જવાની તેમને બીક લાગવા માંડી હતી. જેથી તેમણે પોતાનું પ્રેમપ્રકરણ ખુલ્લુ ન પડી જાય તે માટે દીકરાની હત્યાનું કાવતરું ઘડી કાઢ્યું હતું. 

આ પ્રમાણે, 28 સપ્ટેમ્બર 2018માં મમ્મી અને દિયર દીકરાને ખેતર લઈ ગયા હતા. અહીં કાકાએ ભત્રીજાનું ગળું દબાવીને હત્યા કરી નાંખી હતી અને લાશ બાળીને નાશ કરી નાંખ્યો હતો. તેમજ તેના અવશેષ કોથળામાં ભરી દાટી દીધા હતા. તેમજ આ પછી તે નોકરી પર જતો રહ્યો હતો અને પરિણીતા ઘરે આવી ગઈ હતી. બીજા દિવસે દાટેલો કોથળો કાઢી પુરાવાનો નાશ કરી દીધો હતો. 

બીજી તરફ 6 વર્ષીય દીકરો ઘર આંગણેથી ગુમ થયો હોવાની પરિવાર વિરમગામ રૂરલ પોલીસ સ્ટેશનમાં ફરિયાદ નોંધાવવામાં આવી હતી. પોલીસે આ અંગે તપાસ કરતાં ચોંકાવનારી વિગતો સામે આવી હતી. પોલીસને જાણવા મળ્યું હતું કે, દિયર અને ભાભીને આડાસંબંધો છે. તેમજ આ આડાસંબંધોની દીકરાને ખબર પડી જતાં પોતાનો ભાંડો ન ફૂટી જાય તે માટે ઠંડા કલેજે હત્યા કરી નાંખી હતી. આમ, પોલીસે આ ગુનામાં હત્યારા દિયર-ભાભીને ઝડપી પાડ્યા છે તેમજ અત્યારે તેઓ રિમાન્ડ પર છે.