ગુજરાતમાં આંશિક લોકડાઉન 31મી મે સુધી લંબાવવાની કોણે કરી માંગ? CM રૂપાણીને લખ્યો પત્ર
ઈન્ડિયન મેડિકલ અસોસિસએશન(IMA) ગુજરાત ચેપ્ટરએ મુખ્યમંત્રી વિજય રૂપાણીને પત્ર લખીને આ આંશિક લોકડાઉન 31મી મે સુધી લંવવાની માંગ કરી છે. પત્રમાં જણાવ્યું હતું કે, કોવિડ-19ની સ્થિતિ ઘણી મહેનત અને તણાવ બાદ નિયંત્રણમાં આવી છે. પત્રમાં વિનંતી કરી છે કે, ફરીથી કોરોનાને પ્રસરતો અટકાવવા માટે 36 શહેરોમાં નાઈટ કર્ફ્યૂ અને નિયંત્રણો સહિત આંશિક લોકડાઉન આગામી 31મી મે સુધી લંબાવવું જોઈએ.
અમદાવાદઃ ગુજરાતમાં 36 શહેરોમાં આંશિક લોકડાઉન લગાવવામાં આવ્યું છે. આ સાથે કેટલાક નિયંત્રણો પણ લાદવામાં આવ્યા છે. ગુજરાતમાં સરકારે 21મી મે સુધી લોકડાઉન લંબાવવામાં આવ્યું છે. આંશિક લોકડાઉન ( Mini Lockdown)ને કારણે રાજ્યમાં કોરોનાનો કહેર ધીરે ધીરે કાબૂમાં આવી રહ્યો છે. ત્યારે ઈન્ડિયન મેડિકલ અસોસિસએશન(IMA) ગુજરાત ચેપ્ટરએ મુખ્યમંત્રી (Gujarat CM) વિજય રૂપાણી (Vijay Rupani)ને પત્ર લખીને આ આંશિક લોકડાઉન 31મી મે સુધી લંવવાની માંગ કરી છે.
પત્રમાં જણાવ્યું હતું કે, કોવિડ-19ની સ્થિતિ ઘણી મહેનત અને તણાવ બાદ નિયંત્રણમાં આવી છે. પત્રમાં વિનંતી કરી છે કે, ફરીથી કોરોનાને પ્રસરતો અટકાવવા માટે 36 શહેરોમાં નાઈટ કર્ફ્યૂ (Night Curfew) અને નિયંત્રણો સહિત આંશિક લોકડાઉન આગામી 31મી મે સુધી લંબાવવું જોઈએ.
IMAના ગુજરાત ચેપ્ટરના ડો. કમલેશ સૈનાની અને ડો. મહેન્દ્ર પટેલે પત્રમાં રજૂઆત કરી છે કે, ગુજરાતમાં કોવિડ-19ની બીજી લહેર બાદ કેટલાક દિવસથી કોરોનાના કેસોમાં ઘટાડો થઈ રહ્યો છે. રાજ્ય સરકારે સમયસર આંશિક લોકડાઉન લાદી દેતા આ શક્ય બન્યું હતું. જેમાં તમામ બિન-જરૂરી સેવા બંધ રાખવામાં આવી છે અને ઘર બહાર નીકળતા લોકોની સંખ્યામાં પણ ઘટાડો થયો છે. જેના પરિણામરુપે કોરોનાના કેસ ઘટ્યા છે.
તેમણે પત્રમાં ચેતવણી આપી કે, ભૂતકાળના અનુભવ મુજબ, આગામી થોડાક દિવસોમાં આંશિક લોકડાઉનમાં રાહત આપવી અથવા હટાવી લેવું તે ભૂલ ગણાશે. જો આમ કરાશે તો જે કેસ ઓછા થયા છે તે ફરી વધી જશે. તેમજ લોકોના જીવન ગુમાવ્યા સિવાય તેમાંથી બહાર નીકળવાનું મુશ્કેલ થશે.
નોંધનીય છે કે, રાજ્ય સરકારે 36 શહેરોમાં આંશિક લોકડાઉન આગામી 21મી મે એટલે કે શુક્રવાર સુધી લંબાવ્યું છે. વાવાઝોડાની સ્થિતિ નિયંત્રણમાં આવ્યા બાદ બિન-જરૂરી ધંધાઓ ખોલવા કે કેમ તે અંગેનો નિર્ણય લેશે તેવી શક્યતા છે.
ટોપ સ્ટોરી
ટ્રેન્ડિંગ સમાચાર
