Gujarat Corona Case: છેલ્લા 24 કલાકમાં ગુજરાતમાં 24 કોરોનાના કેસ નોંધાયા, સૌથી વધુ અમદાવાદમાં

Gujarat Corona Case: સમગ્ર વિશ્વમાં કોરોનાના કેસમાં ફરી ઉછાળો આવ્યો છે. તો બીજી તરફ ગુજરાતમાં પણ કોરોનાના કેસમાં ઉછાળો જોવા મળ્યો છે. રાજ્યમાં જ્યાં પહેલા બે-પાંચ કેસો આવતા હતા ત્યાં હવે 20થી વધુ કેસો સામે આવવા લાગ્યા છે.

પ્રતિકાત્મક તસવીર

Gujarat Corona Case: સમગ્ર વિશ્વમાં કોરોનાના કેસમાં ફરી ઉછાળો આવ્યો છે. તો બીજી તરફ ગુજરાતમાં પણ કોરોનાના કેસમાં ઉછાળો જોવા મળ્યો છે. રાજ્યમાં જ્યાં પહેલા બે-પાંચ કેસો આવતા હતા ત્યાં હવે 20થી વધુ કેસો સામે આવવા લાગ્યા છે. આજે રાજ્યમાં છેલ્લા 24 કલાકમાં કોરોનાના 24 કેસ નોંધાયા છે.  રાજ્યમાં આજે કોરોનાથી 1 વ્યક્તિનું મોત થયું છે. આજે નોંધાયેલા કેસોમાં અમદાવાદમાં 11 , મહેસાણામાં 3, રાજકોટમાં 3, સુરતમાં 4 અને અમરેલી,સાબરકાંઠા અને વડોદરામાં 1-1 કેસ નોંધાયા છે.

ભારતમાં ઈન્ફલ્યુએન્ઝા વાયરસથી બેના મોત

ઈન્ફલ્યુએન્ઝા વાયરસ H3N2 ભારતમાં તેનો પ્રકોપ બતાવવાનું શરૂ કર્યું છે. વાયરસના કારણે બે લોકોના મોત થયા છે. હરિયાણા અને કર્ણાટકમાં એક-એક વ્યક્તિએ જીવ ગુમાવ્યો છે. અહેવાલો અનુસાર, કર્ણાટકના હાસનમાં એક 82 વર્ષીય વ્યક્તિ દેશમાં H3N2 થી મૃત્યુ પામનાર પ્રથમ વ્યક્તિ છે. આરોગ્ય અધિકારીઓના જણાવ્યા અનુસાર, રેન્ટ ગૌડાને 24 ફેબ્રુઆરીએ હોસ્પિટલમાં દાખલ કરવામાં આવ્યા હતા અને 1 માર્ચના રોજ તેમનું અવસાન થયું હતું. કહેવામાં આવી રહ્યું છે કે તેમને ડાયાબિટીસ અને હાઈ બ્લડ પ્રેશરની સમસ્યા પણ હતી.

દેશમાં H3N2 વાયરસના લગભગ 90 કેસ નોંધાયા છે. H1N1 વાયરસના આઠ કેસ પણ નોંધાયા છે. છેલ્લા કેટલાક મહિનામાં દેશમાં ફ્લૂના કેસ વધી રહ્યા છે. મોટાભાગના ચેપ H3N2 વાયરસના કારણે થયા છે, જેને 'હોંગ કોંગ ફ્લૂ' તરીકે પણ ઓળખવામાં આવે છે. આ વાયરસ દેશના અન્ય ઈન્ફલ્યુએન્ઝા પેટા પ્રકારો કરતા વધુ શક્તિશાળી છે.

કોરોના જેવા લક્ષણો

ભારતમાં અત્યાર સુધી માત્ર H3N2 અને H1N1 ચેપ જ જોવા મળ્યા છે. આ બંનેમાં કોવિડ જેવા લક્ષણો છે, જેણે વિશ્વભરમાં લાખો લોકોને ચેપ લગાવ્યો છે. રોગચાળાના બે વર્ષ પછી, ફ્લૂના વધતા કેસોએ લોકોમાં ચિંતા વધારી છે.

આ વાયરસ કેવી રીતે ફેલાય છે?

નિષ્ણાતોના મતે, બંને વાયરસ ખૂબ જ ચેપી છે અને તે ખાંસી, છીંક અને ચેપગ્રસ્ત વ્યક્તિના નજીકના સંપર્ક દ્વારા ફેલાય છે. ડોક્ટરોએ નિયમિત હાથ ધોવા અને માસ્ક પહેરવાની સલાહ આપી છે. ઇન્ડિયન કાઉન્સિલ ઑફ મેડિકલ રિસર્ચ (ICMR) એ નાગરિકોને છીંક અને ખાંસી વખતે મોં અને નાક ઢાંકવાનો પ્રયાસ કરવા વિનંતી કરી છે.

આ રીતે સાચવો

નિયમિતપણે હાથ ધોવા અને જાહેરમાં હાથ મિલાવવાનું અને થૂંકવાનું ટાળો.

આંખો અને નાકને સ્પર્શ કરવાનું ટાળો.

ખાંસી વખતે મોં અને નાકને ઢાંકવું.

ઘરની બહાર નીકળતી વખતે માસ્ક પહેરવું જરૂરી છે.

પ્રદૂષિત સ્થળોએ જવાનું ટાળો.

વધુ ને વધુ પ્રવાહીનું સેવન કરો.

શરીરમાં દુખાવો કે તાવ આવે તો પેરાસીટામોલ લો.

H3N2 વાયરસની સારવાર શું છે?

તેની સારવાર એકદમ સરળ છે. તમારે વધુને વધુ પ્રવાહી લેવું જોઇએ. જેથી કરીને તમે તમારી જાતને હાઈડ્રેટ રાખી શકો. તાવ, ઉધરસ અથવા માથાનો દુખાવોના કિસ્સામાં, ડૉક્ટર દ્વારા સૂચવવામાં આવેલી દવાઓ નિયમિતપણે લેવી જોઈએ. દરમિયાન, IMAએ ડૉક્ટરની સલાહ વિના એન્ટિબાયોટિકનું સેવન ન કરવાની ચેતવણી આપી છે. કે ઘણા લોકો ઈન્ફલ્યુએન્ઝાથી થતા તાવ અને ઉધરસને ઘટાડવા માટે એન્ટિબાયોટિક્સ સ્વ-નિર્ધારિત કરે છે, દર્દીઓની તબિયત વધુ બગડે છે. તેથી, કોઈપણ તબીબી સલાહ વિના એન્ટિબાયોટિકનું સેવન ન કરો.