પૂર કે હોનારતથી નહિ થાય નુકસાન, સરકાર બનાવી રહી છે, આ પ્લાન, અમિત શાહની અધ્યક્ષતામાં બેઠક

Flood Management Meeting: દેશમાં ચોમાસાનું આગમન થઈ ચૂક્યું છે. અત્યારે દક્ષિણના રાજ્યોમાં ભારે વરસાદ પડી રહ્યો છે અને ચોમાસાના વાદળો પણ ઉત્તર ભારત તરફ જઇ રહ્યાં છે.

અમિત શાહની અધ્યક્ષતામા બેઠક

Amit Shah Meeting on Monsoon: કેન્દ્રીય ગૃહ પ્રધાન અમિત શાહે રવિવારે (23 જૂન) દિલ્હીમાં પૂર વ્યવસ્થાપનની તૈયારીઓની સમીક્ષા કરવા માટે ઉચ્ચ સ્તરીય બેઠક બોલાવી હતી. આ બેઠકમાં કેન્દ્રીય જલ શક્તિ મંત્રી સીઆર પાટીલ સહિત અનેક વરિષ્ઠ અધિકારીઓએ ભાગ લીધો હતો. ચોમાસાના આગમન સાથે, દેશના ઘણા રાજ્યોમાં ભારે વરસાદથી પૂર જેવી સ્થિતિ સર્જાય છે. કેટલાક રાજ્યોમાં નદીઓના જળસ્તરમાં વધારો થવાને કારણે પૂર પણ આવે છે. આવી સ્થિતિમાં, પૂરને પહોંચી વળવા માટે પહેલેથી જ યોજના બનાવવામાં આવી રહી છે.

 જળ શક્તિ મંત્રી સી.આર. પાટીલ ઉપરાંત ગૃહ રાજ્ય મંત્રી નિત્યાનંદ રાય, ગૃહ મંત્રાલયો અને વિભાગોના સચિવો, જળ સંસાધન, નદી વિકાસ અને નદી સંરક્ષણના અધિકારીઓએ પણ બેઠકમાં હાજરી આપી હતી. આ ઉપરાંત પૃથ્વી વિજ્ઞાન વિભાગ; પર્યાવરણ, વન અને આબોહવા પરિવર્તન; રોડ ટ્રાન્સપોર્ટ અને હાઈવે અધિકારીઓ, રેલ્વે બોર્ડના અધ્યક્ષ, એનડીએમએના સભ્યો, એનડીઆરએફ અને આઈએમડીના ડિરેક્ટર જનરલ અને સંબંધિત મંત્રાલયો અને વિભાગોના અધિકારીઓએ બેઠકમાં ભાગ લીધો હતો.                                    

દેશના આ રાજ્યો પૂરથી પીડિત છે

 ઉત્તરાખંડ, હિમાચલ પ્રદેશ, સિક્કિમ અને કેટલાક અન્ય ઉત્તર-પૂર્વીય રાજ્યોને પણ ચોમાસા દરમિયાન ભૂસ્ખલન અને અન્ય વરસાદ સંબંધિત સમસ્યાઓનો સામનો કરવો પડે છે. તાજેતરના વર્ષોમાં તમિલનાડુ, કેરળ અને જમ્મુ અને કાશ્મીરમાં પણ પૂર જોવા મળ્યા છે. સમાચાર એજન્સી પીટીઆઈના જણાવ્યા અનુસાર, અધિકારીઓએ જણાવ્યું કે હાલમાં આસામ પૂરથી ઝઝૂમી રહ્યું છે અને 19 જિલ્લાઓમાં લગભગ 3.90 લાખ લોકો પ્રભાવિત છે.

શનિવારે એક સત્તાવાર બુલેટિનમાં જણાવ્યું હતું કે, આસામમાં પૂરની સ્થિતિમાં થોડો સુધારો થયો છે કારણ કે અસરગ્રસ્ત લોકો અને જિલ્લાઓની સંખ્યામાં ઘટાડો થયો છે. જો કે પૂરના કારણે વધુ બે લોકોના મોત નોંધાયા છે. આસામ સ્ટેટ ડિઝાસ્ટર મેનેજમેન્ટ ઓથોરિટી (ASDMA) બુલેટિનમાં જણાવ્યું હતું કે, રાજ્યમાં છેલ્લા 24 કલાકમાં બે મૃત્યુ નોંધાયા છે, જે આ વર્ષે પૂર, ભૂસ્ખલન અને તોફાનમાં મૃત્યુઆંક 39 પર લઈ ગયો છે.