Gujarat Election 2022: આણંદ જિલ્લાની 7 બેઠકોની કઈ જગ્યાએ થશે મતગણતરી ? જાણો બેઠક દીઠ ફાઇનલ મતદાનની ટકાવારી
આણંદ જિલ્લાની સાત બેઠકો પર કુલ 68.42 ટકા મતદાન થયું છે. આણંદ જિલ્લામાં સૌથી વધુ આંકલાવ બેઠક પર 74.12 ટકા અને સૌથી ઓછું આણંદ બેઠક 61.13 ટકા મતદાન થયું છે.
Gujarat Election 2022: ગુજરાત અને હિમાચલમાં વિધાનસભાની ચૂંટણી પૂર્ણ થયા બાદ હવે પરિણામોની રાહ જોવાઈ રહી છે. આણંદ જિલ્લાની સાત બેઠકો પર કુલ 68.42 ટકા મતદાન થયું છે. આણંદ જિલ્લામાં સૌથી વધુ આંકલાવ બેઠક પર 74.12 ટકા અને સૌથી ઓછું આણંદ બેઠક 61.13 ટકા મતદાન થયું છે.
આણંદ જિલ્લાની કઈ બેઠક પર કેટલું મતદાન
- 108 -ખંભાત 67.61 %
- 109 -બોરસદ 69.31 %
- 110 - આંકલાવ 74.12 %
- 111- ઉમરેઠ 68.44 %
- 112 - આણંદ 61.13 %
- 113- પેટલાદ 70.86%
- 114 -સોજીત્રા 70.13%
વિદ્યાનગરમાં બે કેન્દ્રમાં મત ગણતરી
વિદ્યાનગર ખાતે બે કેન્દ્રમાં મતગણતરી યોજાશે. 10 થી 15 રાઉન્ડમાં ગણતરી કરવામાં આવશે. બોરસદ, આંકલાવ, પેટલાદ અને સોજીત્રા બેઠકની મતગણતરી બી.જે.વી.એમ. કોમર્સ કોલેજ, વિદ્યાનગર ખાતે કરવામાં આવશે. જ્યારે ખંભાત, ઉમરેઠ તથા આણંદની મતગણતરી નલીની અરવિંદ એન્ડ ટી. વી. પટેલ આર્ટસ કોલેજ, વિદ્યાનગર ખાતે કરવામાં આવશે.
સટ્ટાબજારમાં હાર્દિકની જીતનો કેટલો છે ભાવ ?
મતદાન પૂર્ણ થયા અને એક્ઝીટ પોલ બાદ સટ્ટા બજારમાં પણ ભાજપના પ્રચંડ બહુમતના સંકેત છે.
સટ્ટોડીયાઓના મતે ભાજપને 140-142 બેઠક તો આપને 4-6 બેઠક અને કોંગ્રેસને 30-34 બેઠક મળવાનું અનુમાન છે. બીજા તબક્કાના મતદાન અગાઉ સટ્ટાબજારનું સેશન ભાજપને 137-139નું હતું જે વધીને 140-142નું થયું છે.
સુરતમાં ભાજપને કેટલી સીટ મળશે
સટ્ટોડીયાઓના મતે સુરત શહેરની 12 પૈકી ઓછામાં ઓછી 11 બેઠકો ભાજપના ફાળે જવાની શક્યતા છે. જ્યારે કચ્છ સૌરાષ્ટ્રની 54 પૈક્કી ભાજપના ફાળે 40-42 બેઠકો આવવાની શક્યતા છે. સૌથી વધુ સટ્ટો હાર્દિક પટેલની વિરમગામ બેઠક, અલ્પેશ ઠાકોરની ગાંધીનગર દક્ષિણ બેઠક પર લાગી રહ્યો છે. આ ઉપરાંત
સટ્ટાબજારમાં ખંભાળિયા બેઠક પર લાગી રહ્યો છે સૌથી વધુ સટ્ટો, ભાજપના ઉમેદવાર મુળુભાઈ બેરાની જીતનો ભાવ 95 પૈસા છે.
હાર્દિક પટેલ અને અલ્પેશ ઠાકોરની જીતનો કેટલો છે ભાવ
બનાસકાંઠાની વાવ અને થરાદ બેઠક પર કાંટાની ટક્કરની વચ્ચે મોટો સટ્ટો લાગી રહ્યો છે. સટ્ટાબજારમાં હાર્દિક પટેલની જીતનો ભાવ 90 પૈસા તો અલ્પેશ ઠાકોરની જીતનો ભાવ 80 પૈસા છે. સટ્ટાબજારમાં ખેડબ્રહ્મા , મહેસાણા , ઊંઝા , માણસા , ઈડર , મોરબી , રાજકોટ પશ્ચિમ બેઠક પર ભાજપની જીત નક્કી છે. સટ્ટોડીયાઓને પાટણ બેઠકથી કોંગ્રેસની ઉમેદવાર કિરીટ પટેલની જીત નક્કી લાગી રહી છે. વડોદરા શહેરની તમામ બેઠકો પર સટ્ટોડીયાઓ ભાજપની જીત બેઠક માની રહ્યા છે.
વડોદરા જિલ્લાની વાઘોડીયા અને પાદરા બેઠક પર ભાજપ કોંગ્રેસના ઉમેદવારની જીતનો ભાવ લગભગ સરખો છે.
અમરેલી જિલ્લામાં શું થશે
સટ્ટાબજારમાં વિસાવદરથી હર્ષદ રીબડીયા, માણાવદરમાં જવાહર ચાવડાની જીત નિશ્ચિત છે. આ ઉપરાંત
સટ્ટોડીયાઓના મતે ધોરાજી બેઠક પર લલિત વસોયા , જામજોધપુરથી ચિરાગ કાલરીયાની જીત નિશ્ચિત છે.
અમરેલી જિલ્લાની 5 પૈકી 3 બેઠક પર ભાજપ તો 3 બેઠક પર કોંગ્રેસના ઉમેદવારો જીત માટે હોટ ફેવરીટ છે.
કાંધલ જાડેજાની જીત નક્કી
સટ્ટાબજારના મતે મોરબી બેઠકથી ભાજપના કાંતિ અમૃતીયાની જીત નિશ્ચિત , ટંકારા બેઠક પર લલિત કગથરાની મામુલી સરસાઈથી જીત થઈ શકે છે. સટ્ટાબજાર પોરબંદરની બેઠક પર જીત માટે અર્જૂન મોઢવાડીયા જીત માટે હોટ ફેવરીટ તો કુતિયાણા બેઠક પર કાંધલ જાડેજાની જીત નક્કી છે.
સટ્ટાબજારમાં નર્મદા જિલ્લામાં ભાજપની જીત મુશ્કેલ
સટ્ટાબજારમાં વલસાડ જિલ્લાની તમામ 5 બેઠકો અને ડાંગ જિલ્લાની 1 બેઠક પર ભાજપની જીત નિશ્ચિત છે. નવસારી જિલ્લાની 4 પૈકી 3 બેઠક પર ભાજપની જીત નિશ્ચિત છે. સટ્ટાબજારના મતે નર્મદા જિલ્લાની બન્ને બેઠક પર ભાજપ માટે જીત મુશ્કેલ છે.
ટ્રેન્ડિંગ સમાચાર
ટોપ સ્ટોરી
