Bhavnagar: નાયક અવતારમાં જોવા મળ્યા ભાવનગર કમિશનર, ગેરકાયદે દબાણો દૂર કરી બોલાવ્યો સપાટો
ભાવનગર: નાયક ફિલ્મની માફક ભાવનગર કમિશનર દ્વારા શહેરના વિવિધ વિસ્તારોમાં ખુદ હાજર રહીને ગેરકાયદેસર દબાણો પર બુલડોઝર ફેરવ્યું છે.
ભાવનગર: નાયક ફિલ્મની માફક ભાવનગર કમિશનર દ્વારા શહેરના વિવિધ વિસ્તારોમાં ખુદ હાજર રહીને ગેરકાયદેસર દબાણો પર બુલડોઝર ફેરવ્યું છે. દાયકાઓથી ગેરકાયદેસર દબાણો ખડકી દેવામાં આવ્યા હતા જેને એક ઝટકામાં હટાવી જાહેર જનતા માટે રોડ રસ્તા ખુલા કરી દેવામાં આવ્યા છે. કોઈની પણ શેહ શરમ વગર પોતાની ફરજ નિભાવતા મનપાના કમિશ્નર પબ્લીક માટે એક પ્રમાણિક અધિકારી બની ગયા છે.
મનમાં કામ કરવાનું દ્રઢ સંકલ્પ હોય તો કોઈ પણ કામ પોસિબલ હોય છે. આ સંકલ્પ સાથે ભાવનગર મનપાના કમિશનર એન.વી ઉપાધ્યાય દ્વારા ધડાધડ પબ્લિક માટે નિર્ણય લઈ રહ્યા છે. જેના કારણે તેઓ ભાવનગરના મોટાભાગના દબાણ હટાવી લેવામાં સફળ થયા છે. છેલ્લા 15 દિવસમાં શહેરમાં 200થી વધુ ગેરકાયદેસર દબાણો હટાવી લેવામાં આવ્યા છે. જોકે કમિશનર દ્વારા શહેરના રોડ રસ્તા પર રખડતા પશુઓનો ત્રાસ દૂર કરવા માટે 50થી વધુ ફરિયાદ દાખલ કરી તે રાજ્યમાં પ્રથમ વખત કહી શકાય છે. આ સાથે જ રખડતા ઢોરને પણ ઢોર ડબ્બે પુરી ત્રાસ દૂર કર્યો છે, ત્યારબાદ ગેરકાયદેસર દબાણોની ઝુંબેશ ચલાવવામાં આવી છે. જેમાં કમિશનર દ્વારા વહેલી સવારથી જ અધિકારીના કાફલા સાથે વિવિધ વિસ્તારોમાં પોચીને મનપાનું જીસીબી દબાણ હટાવી રહ્યું છે.
ભાવનગરના ઇતિહાસમાં પ્રથમ વખત પોલીસ બંદોબસ્ત વગર સાંઢિયાવાડ જેવા વિસ્તારમાં એક દસકા કરતા વધું સમય બાદ ભાવનગર મહાનગરપાલિકા દબાણ હટાવાની ઝુંબેશ મોટાપાયે થયેલી જોવા મળી હતી. ભાવનગર શહેરમાં કમિશનર સવારે વહેલા 7 વાગે નીકળ્યાં હતાં અને લઘુમતી સમાજના સાંઢિયાવાડ વિસ્તારમાં ખુરશી નાખીને બપોર સુધી બેસીને અધધધ દબાણો હટાવ્યા હતાં. આ સાથે જ બોરતળાવ, નીલમબાગ, વાઘાવાડી રોડ, મેન બજાર, પીરછલા વિસ્તાર, સાંઢીયાવાડ સહિતના વિસ્તારમાં વર્ષોથી અડીંગો જમાવીને બેઠેલા ગેરકાયદેસર દબાણોને તાકી દે હટાવી લેવામાં આવ્યા છે. જેના કારણે વાહન ચાલકો અને રાહદારીઓ હવે ખુલ્લા રોડ પર ચાલી શકશે. આ સાથે જ મહાનગરપાલિકાના કમિશનર દ્વારા જાહેર જનતાના હિત માટે કહેવામાં આવ્યું છે કે કોઈપણ વ્યક્તિ મનપાને ગેરકાયદેસર દબાણની જાણ કરશે તો તે દબાણ તાકીદે હટાવી લેવામાં આવશે મનપાના કમિશનર દ્વારા થઈ રહેલ કાર્યવાહીને લઈ ભાવનગર હવે દબાણ મુક્ત બનશે.
ભાવનગર શહેરમાં છેલ્લા ઘણા સમયથી કમિશનર વહેલી સવારમાં કોઈપણ એક વિસ્તારમાં વોકિંગમાં નીકળે છે. વોકિંગ દરમિયાન રસ્તા ઉપરની સફાઈ દબાણો અને રસ્તાઓ દરેક પ્રકારનું નિરીક્ષણ કરે છે. જે વિસ્તારમાં વોકિંગમાં હોય ત્યાં દબાણ, રસ્તા, સાફસફાઈનો પ્રશ્ન નજરે પડે એટલે સવારે 5, 6, 7 કોઈપણ કલાકે અધિકારીઓને એક કોલ કરીને બોલાવે છે, વિવિધ વિસ્તારોમાં સમગ્ર તંત્રને કામે લગાવે છે તેમણે ફાયર વિભાગ, જીઈબી વિભાગ, એસ્ટેટ વિભાગ તેમજ સોલીડ વેસ્ટ વિભાગ બોલાવીને આજે દબાણ, સાફ-સફાઈના કાર્યો હાથ ઉપર લીધા હતાં. આસપાસના દબાણકર્તાઓની અનેક રજૂઆત બાદ પણ કમિશનર ટસના મશ થયા નહીં દબાણ હટાવ કામગીરી ચાલી ત્યાં સુધી અધિકારીઓને સાથે રાખી રસ્તા ખુલ્લા કરવામાં આવ્યા હતા અને સાફસફાઈ કરવામાં આવી હતી, દબાણ હટાવવા માટે 2 જેસીબી, 1 ક્રેઇન, 5 ટ્રક 7 ટ્રેકટર અને 30 થી 35 મહાનગરપાલિકાનો સ્ટાફ કામે લાગ્યો હતો.
ટ્રેન્ડિંગ સમાચાર
ટોપ સ્ટોરી
