Bhavnagar: ભાવનગરમાં દહેજના ભૂખ્યા સાસરિયાઓએ પુત્રવધુને એટલો ત્રાસ આપ્યો કે મહિલાએ કરી લીધી આત્મહત્યા

ભાવનગર: ભાલના કોટડા ગામે દહેજ માટે આપવામાં આવતા ત્રાસના લીધે મહિલાએ ગળાફાંસો ખાઈ આપઘાત કરી લીધો છે. વેળાવદર ભાલના જુના કોટડા ગામે દહેજની માંગથી કંટાળી મહિલાએ ગળાફાંસો ખાઈ લેતા ચકચાર મચી ગઈ છે.

કોટડા ગામે મહિલાએ ગળાફાંસો ખાઈ આપઘાત કરી લીધો

ભાવનગર: ભાલના કોટડા ગામે દહેજ માટે આપવામાં આવતા ત્રાસના લીધે મહિલાએ ગળાફાંસો ખાઈ આપઘાત કરી લીધો છે. વેળાવદર ભાલના જુના કોટડા ગામે દહેજની માંગથી કંટાળી મહિલાએ ગળાફાંસો ખાઈ લેતા ચકચાર મચી ગઈ છે. 26 વર્ષીય મહિલાએ 2 દિવસ પહેલા પોતાના ઘરે ગળાફાંસો ખાઈ આપઘાત કરી લીધો હતો. મૃતક મહિલાના પિતાએ વેળાવદર ભાલ પોલીસ મથકમાં પતિ, સસરા, સાસુ અને દીયર વિરુદ્ધ ફરિયાદ નોંધાવી છે. છેલ્લા 2 વર્ષથી મૃતક મહિલા પાસે સાસરિયાઓ દહેજની માંગણી કરી શારીરિક માનસિક ત્રાસ આપતા કંટાળીને આપઘાત કરી લીધો હતો. દહેજના ભૂખ્યા સાસરિયાઓએ દીકરીના મોત અંગે પૂછતાં જમાઈ અને તેના ભાઈએ મારામારી પણ કરી હતી. વેળાવદર ભાલ પોલીસે ગુન્હો નોંધી વધુ તપાસ હાથ ધરી છે.

અમદાવાદની આ બિલ્ડીંગના પાંચમાં માળે લાગી ભીષણ આગ

અમદાવાદ: શહેરના ગિરધર નગર સર્કલ પાસે આર્કેડ ગ્રીનમાં આગની ઘટના સામે આવી છે. બિલ્ડીંગના પાંચમા માળે આગ લાગી છે. B73મા આગ લાગી હતી. આ આગની ઘટનામાં એક કિશોરીનું મોત થયું છે. જ્યારે ઘરના અન્ય સભ્યોનો બચાવ થયો છે. આ ઘટના અંગે સામે આવેલી વિગતો અનુસાર ડ્રોઈંગ રૂમની પાછળ બાથરૂમ હતો. જેમાં ગીઝરમાં શોટ સર્કિટના કારણે આગ લાગી હતી. ઇલેક્ટ્રોનિક ગીઝરના વાયરિંગમાં સ્પાર્ક થતા ધડાકો થયો હતો. જેના કારણે આગ લાગી હતી. ફાયર વિભાગના પ્રાયમરી તારણમાં શિયાળાના કારણે ઇલેક્ટ્રિક સપ્લાયમાં ઓવરલોડિંગ થયું હતું જેના કારણે સ્પાર્ક થયો હોવો જોઈએ. ઘટનાની જાણ થતા ફાયરની 11 ગાડીઓ ઘટના સ્થળે પહોંચી છે અને આગ પર કાબુ મેળવવાનો પ્રયાસ હાથ ધર્યો છે.

સુરતમાં શાકમાં મિઠું વધુ પડી જતા પતિએ પત્નીને ઘરમાંથી કાઢી મૂકી

સુરત: ત્રિપલ તલાકનો વિચિત્ર કિસ્સો સામે આવ્યો છે જેને લઈને પોલીસ ફરિયાદ કરવામાં આવી છે. પતિએ શાકમાં મીઠું વધું પડતાં પત્નીને ઘરમાંથી કાઢી મૂકી હતી.  પત્નીએ પતિને ફોન કરી ખબરઅંતર પૂછ્યા તો તેમણે ફોન પર કહ્યું, તલાક! તલાક! તલાક!

હવે આ મામલો ઉધના પોલીસ મથકે પહોંચ્યો છે. નાનપુરા કાદરશાની નાળમાં રહેતી ૨૨ વર્ષીય યુવતીના લગ્ન આંજણા ફાર્મમાં રહેતાં અનિશ મુસ્તાક શાહ સાથે થયા હતા. એક મહિના બાદ આ યુવતીને પતિનું અન્ય યુવતી સાથે અફેયર હોવાની શંકા જતાં ઘરમાં કંકાસ શરૂ થયો હતો. એક વખત શાકમાં મીઠું વધુ પડી જતાં પતિ અને સાસરીયાઓ ઝઘડો કરી તેને ઘરમાંથી કાઢી મૂકી હતી. દહેજનાં પાંચ લાખ રૂપિયા લાવે તો જ ઘરમાં લાવવાનું કહી પિયર મોકલી અપાઇ હતી.

તો બીજી તરફ ગત ડિસેમ્બર મહિનમાં પતિ અનિશની તબિયત ખરાબ હોવાનું જાણવા મળતાં યુવતીએ પાડોશીના ફોનથી પતિને ખબર અંતર પૂછવા કોલ કર્યો હતો.  ફોન ઉપર જ પોતાને તેડી જવાની વાત કહેતાં પતિએ આવેશમાં આવી તલાક! તલાક! તલાક! કહી છૂટાંછેડાં આપી દેતાં યુવતી હેબતાઈ ગઈ હતી. પોતાની સાથે થયેલાં અન્યાયને લઇને તેણે પતિ અને સાસરીયાઓ વિરૂદ્ધ ફરિયાદ નોંધાવી હતી.