8મું પગાર પંચ: કેન્દ્રીય કર્મચારીઓ અને પેન્શનરોને થવાનો છે સૌથી મોટો લાભ, જાણો શું થઈ શકે છે ફેરફાર
કેન્દ્ર સરકાર કર્મચારીઓ અને પેન્શનરો માટે નવી સ્વાસ્થ્ય વીમા યોજના આવી શકે છે, 8મા પગાર પંચ પર સૌની નજર.
8th pay commission update: કેન્દ્ર સરકારના કર્મચારીઓ અને પેન્શનરો માટે 8મા પગાર પંચને લઈને મોટા સમાચાર આવી શકે છે. જાન્યુઆરી 2025માં રચાયેલા આ પંચનું મુખ્ય કાર્ય કર્મચારીઓ અને પેન્શનરોના પગાર અને ભથ્થાંમાં (CGHS employees benefits) સુધારો કરવાની ભલામણ કરવાનું છે. પરંતુ આ વખતે સૌની નજર એ વાત પર છે કે શું આ પંચ વર્તમાન કેન્દ્રીય સરકારી આરોગ્ય યોજના (CGHS)માં કોઈ ફેરફારની ભલામણ કરશે કે કેમ.
હાલમાં CGHS કેન્દ્ર સરકારના કર્મચારીઓ અને પેન્શનરોને આરોગ્ય સુવિધાઓ પ્રદાન કરે છે. જો કે, આ યોજનાની સૌથી મોટી સમસ્યા એ છે કે તેનું નેટવર્ક સમગ્ર દેશમાં ફેલાયેલું નથી. ખાસ કરીને નાના શહેરો અને ગ્રામીણ વિસ્તારોમાં રહેતા કર્મચારીઓ અને પેન્શનરો આ યોજનાનો લાભ મેળવી શકતા નથી.
અગાઉના 6ઠ્ઠા અને 7મા પગાર પંચે પણ CGHSમાં ફેરફાર કરવાની ભલામણ કરી હતી. 6ઠ્ઠા પગાર પંચે વૈકલ્પિક સ્વાસ્થ્ય વીમા યોજના શરૂ કરવાનું સૂચન કર્યું હતું, જ્યારે 7મા પગાર પંચે સ્પષ્ટપણે જણાવ્યું હતું કે લાંબા ગાળા માટે માત્ર સ્વાસ્થ્ય વીમો જ યોગ્ય ઉકેલ હોઈ શકે છે.
હવે એવી શક્યતાઓ સેવાઈ રહી છે કે જાન્યુઆરી 2025માં આરોગ્ય મંત્રાલય CGHSને 'કેન્દ્ર સરકારના કર્મચારીઓ અને પેન્શનરો સ્વાસ્થ્ય વીમા યોજના' (CGEPHIS) સાથે બદલી શકે છે. આ નવી યોજના IRDAI દ્વારા રજિસ્ટર્ડ વીમા કંપનીઓ દ્વારા લાગુ કરવામાં આવી શકે છે.
8મા પગાર પંચ સમક્ષ સૌથી મોટો પ્રશ્ન એ હશે કે શું તે આ દિશામાં કોઈ નક્કર ભલામણ કરે છે. જો આ નવી યોજના અમલમાં આવે છે, તો કેન્દ્ર સરકારના કર્મચારીઓ અને પેન્શનરોને વધુ સારી આરોગ્ય સુવિધાઓ મળી શકશે. ખાસ કરીને જે લોકો નાના શહેરોમાં રહે છે અને હાલમાં CGHSના લાભોથી વંચિત છે, તેમને આ યોજનાથી ઘણો ફાયદો થશે.
નિષ્ણાતોનું માનવું છે કે વીમા આધારિત યોજનાથી કેશલેસ સારવારની પ્રક્રિયા સરળ બનશે અને વધુ હોસ્પિટલો આ નેટવર્કમાં જોડાશે. જો કે, આ અંગે હજુ સુધી કોઈ સત્તાવાર જાહેરાત કરવામાં આવી નથી. હવે સૌની નજર 8મા પગાર પંચના રિપોર્ટ પર ટકેલી છે, જે આગામી થોડા મહિનામાં જાહેર થઈ શકે છે.
Before You Go
Bhavnagar Lattha kand: ભાવનગર લઠ્ઠાકાંડની ઘટનાને લઇને અમદાવાદમાં કોંગ્રેસનો વિરોધ
ટોપ સ્ટોરી
ટ્રેન્ડિંગ સમાચાર
