Bank Strike: શનિવારે બેંકિંગ સેવાઓ થઇ શકે છે પ્રભાવિત, બેંક કર્મચારીઓની હડતાળ

ઓલ ઈન્ડિયા બેંક એમ્પ્લોઈઝ એસોસિએશન દ્વારા હડતાળના એલાનને કારણે એટીએમ સેવાઓથી લઈને બેંકિંગ સેવાઓને અસર થઈ શકે છે.

ફાઈલ ફોટો

Bank Strike on 19th November 2022: શનિવાર એટલે કે આવતીકાલે સમગ્ર દેશમાં બેંકિંગ કામગીરી પ્રભાવિત થઈ શકે છે. બેંક કર્મચારીઓ શનિવાર, 19 નવેમ્બર, 2022ના રોજ હડતાળ પર રહેશે. ઓલ ઈન્ડિયા બેંક એમ્પ્લોઈઝ એસોસિએશને બે દિવસની હડતાળનું એલાન કર્યું છે. એવું માનવામાં આવે છે કે હડતાલને કારણે ચેક ક્લિયરિંગમાં વિલંબ થવાને કારણે એટીએમમાં ​​રોકડની અછત સર્જાઈ શકે છે.

દેશની સૌથી મોટી જાહેર ક્ષેત્રની બેંક SBI એ 18 નવેમ્બર, 2022ના રોજ એક નિયમનકારી ફાઇલિંગમાં જણાવ્યું હતું કે અમને ભારતીય બેંક એસોસિએશન (IBA) દ્વારા કહેવામાં આવ્યું છે કે ઓલ ઈન્ડિયા બેંક એમ્પ્લોઈઝ એસોસિએશન (AIBEA) એ એક દિવસીય હડતાળ પર જવાનો નિર્ણય લીધો છે. તેમની માંગણીઓના સમર્થનમાં નોટિસ આપવામાં આવી છે. એસબીઆઈએ કહ્યું કે તેણે હડતાળના દિવસે તેની શાખાઓમાં સામાન્ય કામગીરી જાળવવા માટે જરૂરી પગલાં લીધા છે.  પરંતુ હડતાલને કારણે કામકાજને અમુક અંશે અસર થઈ શકે છે. હડતાલને કારણે ચેક ક્લિયરિંગમાં વિલંબ થવાને કારણે એટીએમમાં ​​રોકડની અછત સર્જાઈ શકે છે. જેના લીધે આમ આદમીને થોડા અંશે સમસ્યાનો સામનો કરવો પડી શકે છે. 

તમને જણાવી દઈએ કે 19 નવેમ્બર, 2022 શનિવાર આવી રહ્યો છે.દર મહિનાના બીજા ચોથા શનિવારે બેંક બંધ રહે છે. પરંતુ આ મહિનાના ત્રીજા શનિવારે હડતાળના કારણે બેંકિંગ સેવાઓ પ્રભાવિત થશે. જો શનિવારે બેંક કર્મચારીઓ હડતાળ પર રહેશે તો બીજા દિવસે રવિવાર હોવાથી બેંકો આ જ રીતે બંધ રહેશે.આવી સ્થિતિમાં સામાન્ય લોકોને બે દિવસ સુધી બેંક એટીએમમાં ​​રોકડની તંગીનો સામનો કરવો પડી શકે તેમ છે.

AIBEAના જનરલ સેક્રેટરી સીએચ વેંકટચલમે કહ્યું કે 11 નવેમ્બરે દિલ્હીમાં મુખ્ય શ્રમ કમિશનર સાથે બેઠક યોજાઈ હતી. જેમાં લેબર કમિશ્નરે IBAને યુનિયન સાથે વાત કરીને રસ્તો કાઢવા જણાવ્યું હતું. મુંબઈમાં IBA સાથે યુનિયનની બેઠક પણ યોજાઈ હતી પરંતુ કોઈ રસ્તો મળી શક્યો નહોતો. તેમણે કહ્યું કે ઘણી બેંકોમાં લોકોની છટણી કરવામાં આવી રહી છે. નોકરીની સુરક્ષા પર સવાલો ઉઠી રહ્યા છે. જેથી કર્મચારીઓ સાથે બદલાની ભાવનાથી વર્તન કરવામાં આવી રહ્યું છે. આ હુમલાઓને કારણે AIBEA પાસે હડતાળ પર જવા સિવાય કોઈ વિકલ્પ નથી.