ઈદ પર બેંકો ખુલ્લી રહેશે, RBIએ ૩૧ માર્ચની રજા કેમ રદ કરી? જાણો શેરબજાર ચાલુ રહેશે કે બંધ?
RBIના રજાના કેલેન્ડર મુજબ, ૩૧ માર્ચના રોજ દેશના મોટાભાગના વિસ્તારોમાં બેંકોમાં રજા હતી.
RBI cancels bank holiday: ઈદ-ઉલ-ફિત્ર ૩૧ માર્ચે દેશભરમાં ઉજવવામાં આવશે. આ અવસરે સરકારી કચેરીઓ, શાળાઓ અને કોલેજો બંધ રહેશે. જો કે, ભારતીય રિઝર્વ બેંક (RBI)એ ઈદ પર બેંકોમાં જાહેર કરવામાં આવેલી રજા રદ કરી દીધી છે. આ નિર્ણય પાછળનું કારણ નાણાકીય વર્ષ ૨૦૨૪-૨૫નો છેલ્લો દિવસ હોવાનું જણાવવામાં આવ્યું છે.
RBIના રજાના કેલેન્ડર મુજબ, ૩૧ માર્ચના રોજ દેશના મોટાભાગના વિસ્તારોમાં બેંકોમાં રજા હતી. જો કે, કેન્દ્રીય બેંકે એક પ્રેસ રિલીઝ બહાર પાડીને આ રજા રદ કરી દીધી છે. RBIએ ટ્વીટ કરીને પણ આ અંગે માહિતી આપી હતી. વાસ્તવમાં, ૩૧ માર્ચ એ નાણાકીય વર્ષનો છેલ્લો દિવસ છે, તેથી RBIએ બેંક કર્મચારીઓની રજા રદ કરવાનો નિર્ણય લીધો છે.
નાણાકીય વર્ષનો અંતિમ દિવસ હોવાથી ૩૧ માર્ચે બેંકો ખુલ્લી રહેશે, જેથી નાણાકીય વ્યવહારોને સંતુલિત કરી શકાય. જો કે, એવું પણ જણાવવામાં આવ્યું છે કે ૩૧ માર્ચે બેંકોમાં તમામ પ્રકારના કામકાજ કરવામાં આવશે નહીં, પરંતુ માત્ર અમુક ચોક્કસ વ્યવહારો જ થશે. વર્તમાન નાણાકીય વર્ષનો આ છેલ્લો દિવસ હોવાથી આવકવેરા, કસ્ટમ ડ્યુટી, એક્સાઈઝ ડ્યુટી અને જીએસટી સંબંધિત ચૂકવણીઓ આ દિવસે કરવામાં આવશે. આ ઉપરાંત, પેન્શન અને સરકારી ભથ્થાંના વિતરણ સંબંધિત ચૂકવણીઓ પણ થઈ શકશે.
જો બેંકોની વાત કરીએ તો ૩૧ માર્ચે ખુલ્લી રહેશે, પરંતુ શેરબજાર ઈદ-ઉલ-ફિત્રના અવસરે બંધ રહેશે. BSE અને NSE દ્વારા જાહેર કરવામાં આવેલા રજાના કેલેન્ડર મુજબ, આ બંને સ્ટોક એક્સચેન્જ ૩૧ માર્ચ, ૨૦૨૫ના રોજ બંધ રહેશે. આ સાથે કરન્સી ડેરિવેટિવ્ઝ પણ બંધ રહેશે.
Annual Closing of Government Accounts – Transactions of Central / State Governments – Special Measures for the Current Financial Year (2024-25)https://t.co/98Abdt9aYv
— ReserveBankOfIndia (@RBI) March 17, 2025
ઉલ્લેખનીય છે કે બેંકો ૩૧ માર્ચે ખુલ્લી રહેશે, પરંતુ તેના પછીના દિવસે એટલે કે ૧લી એપ્રિલે દેશના કેટલાક રાજ્યોને બાદ કરતાં લગભગ દરેક જગ્યાએ બેંકોમાં કામકાજ બંધ રહેશે. આમ, ઈદના દિવસે બેંકો ખુલ્લી રહેવાથી નાણાકીય વર્ષના અંતિમ દિવસના કામકાજને સરળતાથી પૂર્ણ કરી શકાશે.
જો બેંકો પછી શેરબજારની વાત કરીએ તો ઈદ-ઉલ-ફિત્ર એટલે કે 31 માર્ચ, 2025ના રોજ શેરબજારો બંધ રહેશે. BSE અને NSE રજાના કેલેન્ડર મુજબ, આ બંને સ્ટોક એક્સચેન્જ 31 માર્ચ, 2025ના રોજ ઈદ-ઉલ-ફિત્ર માટે બંધ રહેશે. કરન્સી ડેરિવેટિવ પણ બંધ રહેશે. બેંકો ખુલ્લી રહેશે કારણ કે 31 માર્ચ નાણાકીય વર્ષનો છેલ્લો દિવસ છે. પરંતુ બીજા દિવસે એટલે કે 1લી એપ્રિલે દેશના કેટલાક રાજ્યો સિવાય દરેક જગ્યાએ કામકાજ બંધ રહેશે.
ટોપ સ્ટોરી
ટ્રેન્ડિંગ સમાચાર
