20 લાખ સુધીની ગોલ્ડ લોન માત્ર 30 મિનિટમાં મળશે, આ ભારતીય કંપનીએ ગ્રાહકો માટે શરૂ કરી નવી સુવિધા!

કંપનીએ દાવો કર્યો છે કે તે ગ્રાહકોને માત્ર 30 મિનિટમાં ગોલ્ડ લોનની સુવિધા આપી શકે છે. આ માટે કંપની ડિજિટલ માધ્યમનો ઉપયોગ કરી રહી છે.

પ્રતિકાત્મક તસવીર

જો તમને કટોકટીની સ્થિતિમાં પૈસાની જરૂર હોય તો તમે BharatPeની ગોલ્ડ લોન સ્કીમનો લાભ લઈ શકો છો. Fintech ફર્મ BharatPe હવે તેના ગ્રાહકો માટે ગોલ્ડ લોનની સુવિધા લઈને આવી છે. BharatPe ગ્રાહકો માટે 20 લાખ રૂપિયાની ઇન્સ્ટન્ટ ગોલ્ડ લોન ઓફર લઈને આવ્યું છે. આ માટે કંપનીએ નોન-બેંકિંગ ફાયનાન્સ કંપની (NBFC) સાથે જોડાણ કર્યું છે.

કંપની છેલ્લા કેટલાક દિવસોથી તેના વિવાદોને કારણે ચર્ચામાં છે. કંપનીના સ્થાપક અશ્નીર ગ્રોવરને કંપનીમાંથી બહારનો રસ્તો દેખાડવામાં આવ્યો છે. આ સિવાય એન્ફોર્સમેન્ટ એજન્સીઓ દ્વારા ઘણા મામલામાં અશ્નીર ગ્રોવર અને કંપનીના વ્યવહારોની તપાસ કરવામાં આવી રહી છે. ગોલ્ડ લોનની સુવિધા શરૂ કરતી વખતે કંપનીએ કહ્યું કે કંપનીએ હાલમાં દિલ્હી-NCR, હૈદરાબાદ અને બેંગ્લોર જેવા શહેરોમાં આ સેવા શરૂ કરી છે. આ પછી, તેને ધીમે ધીમે વિસ્તારીને ભારતના 20 શહેરોમાં લઈ જવાની યોજના છે. આ સાથે કંપની ગોલ્ડ લોન દ્વારા 500 કરોડ રૂપિયાની લોન આપવાની તૈયારી કરી રહી છે.

ભારતપે- દ્વારા ગોલ્ડ લોનની સુવિધા 30 મિનિટમાં ઉપલબ્ધ થશે.

BharatPe કંપનીએ દાવો કર્યો છે કે તે ગ્રાહકોને માત્ર 30 મિનિટમાં ગોલ્ડ લોનની સુવિધા આપી શકે છે. આ માટે કંપની ડિજિટલ માધ્યમનો ઉપયોગ કરી રહી છે. સાથે જ કંપનીએ કહ્યું કે આ ગોલ્ડ લોન ખૂબ જ પોસાય તેવા ભાવે શરૂ કરવામાં આવી છે. ગ્રાહકો આ લોન સુવિધા વાર્ષિક માત્ર 4.68 ટકા અથવા દર મહિને 0.39 ટકાના વ્યાજ દરે મેળવી શકે છે.

ભારતપે ગોલ્ડ લોનનો ગાળો

કંપનીએ હાલમાં એક વર્ષ માટે લોનની સુવિધા શરૂ કરી છે. મીડિયા રિપોર્ટ્સ અનુસાર, BharatPe એક્ઝિક્યુટિવ સુહેલ સમીરે કહ્યું છે કે અમે ગોલ્ડ લોન દ્વારા સુરક્ષિત લોનની શ્રેણીમાં પ્રવેશ કર્યો છે. આ લોન દ્વારા અમે નાના અને MSME ઉદ્યોગોને મદદ કરી શકીશું. આ લોન ખૂબ જ સારા પરિણામો સાથે પાયલોટ બેઝ પ્રોજેક્ટ તરીકે શરૂ કરવામાં આવી હતી. આ લોન કંપની દ્વારા 3, 6 અને 12 મહિનાના સમયગાળા માટે શરૂ કરવામાં આવી છે.