2000 Rupee Notes: રૂ.2000ની કેટલી નોટ આવી પરત? હજુ કેટલી નોટ આવવાની છે બાકી, જાણો વિગત
આરબીઆઈએ કહ્યું કે 19 મે, 2023ના રોજ ચલણમાં 2000 રૂપિયાની નોટોમાંથી 97.69 ટકા નોટ પાછી આવી ગઈ છે અને હવે માત્ર 2.31 ટકા નોટો જ પરત આવવાની બાકી છે.
2000 Rupee Notes: બેન્કિંગ સેક્ટર રેગ્યુલેટર રિઝર્વ બેન્ક ઓફ ઈન્ડિયાએ જણાવ્યું છે કે 29 માર્ચ, 2024 સુધીમાં રૂ. 2000ની કુલ 97.69 ટકા ચલણી નોટો બેન્કિંગ સિસ્ટમમાં પાછી આવી ગઈ છે. RBIએ કહ્યું કે હવે 8202 કરોડ રૂપિયાની 2000 રૂપિયાની નોટો જમા કરવાની બાકી છે.
2.31 ટકા નોટો જ પરત આવવાની બાકી
રિઝર્વ બેંક ઓફ ઈન્ડિયાએ એક પ્રેસ રિલીઝ જારી કરીને કહ્યું કે 19 મે, 2023ના રોજ જ્યારે આરબીઆઈએ ચલણમાંથી રૂ. 2000ની નોટો પાછી ખેંચવાની જાહેરાત કરી ત્યારે રૂ. 3.56 લાખ કરોડના મૂલ્યની રૂ. 2000ની નોટો ચલણમાં હતી. પરંતુ 29 માર્ચ, 2024ના રોજ, હવે માત્ર રૂ. 2000ના મૂલ્યની રૂ. 8202 કરોડની નોટો ચલણમાં બચી છે, જે હજુ બેન્કિંગ સિસ્ટમમાં પાછી આવવાની બાકી છે. આરબીઆઈએ કહ્યું કે 19 મે, 2023ના રોજ ચલણમાં 2000 રૂપિયાની નોટોમાંથી 97.69 ટકા નોટ પાછી આવી ગઈ છે અને હવે માત્ર 2.31 ટકા નોટો જ પરત આવવાની બાકી છે.
આરબીઆઈએ કહ્યું કે 19 મે, 2023થી જ આરબીઆઈની 19 ઈસ્યુ ઓફિસમાં 2000 રૂપિયાની નોટ બદલવાની સુવિધા શરૂ કરવામાં આવી હતી. ઑક્ટોબર 9, 2023 થી, આ RBI ઑફિસો તેમના બેંક ખાતામાં જમા કરાવવા માટે કોઈપણ વ્યક્તિ અથવા એન્ટિટી પાસેથી રૂ. 2000 ની નોટો સ્વીકારી રહી છે. આરબીઆઈએ સામાન્ય લોકોને કહ્યું છે કે તેઓ પોસ્ટ ઓફિસમાં પણ 2000 રૂપિયાની નોટ જમા કરાવી શકે છે. આ સુવિધાનો લાભ લેવાથી, નોટો જમા કરાવવા અથવા બદલવા માટે RBI ઓફિસની મુલાકાત લેવાની જરૂર નથી. નાગરિકો રૂ. 2,000ની નોટોના નિકાલ માટે ટપાલ સેવા દ્વારા RBIને પણ મોકલી શકે છે. જેના માટે આરબીઆઈએ એપ્લિકેશન ફોર્મેટ પણ બહાર પાડ્યું છે.
Withdrawal of ₹2000 Denomination Banknotes – Statushttps://t.co/VbYT4wMLvS
— ReserveBankOfIndia (@RBI) April 1, 2024
RBI એ સ્પષ્ટ કર્યું છે કે 2,000 રૂપિયાની નોટ લીગલ ટેન્ડર રહેશે. 9 મે, 2023 ના રોજ રૂ. 2,000ની નોટો પાછી ખેંચવાની જાહેરાત કરતી વખતે, આરબીઆઈએ કહ્યું હતું કે ક્લીન નોટ પોલિસી હેઠળ, આરબીઆઈએ ચલણમાંથી રૂ. 2000ની નોટો પાછી ખેંચવાનો નિર્ણય લીધો છે.
RBI પ્રાદેશિક કચેરીઓની યાદી
RBIની દેશમાં 19 પ્રાદેશિક કચેરીઓ છે. તે અમદાવાદ, બેંગ્લોર, બેલાપુર, ભોપાલ, ભુવનેશ્વર, ચંદીગઢ, ચેન્નાઈ, ગુવાહાટી, હૈદરાબાદ, જયપુર, જમ્મુ, કાનપુર, લખનૌ, કોલકાતા, મુંબઈ, નાગપુર, નવી દિલ્હી, પટના અને તિરુવનંતપુરમમાં છે.
ટોપ સ્ટોરી
ટ્રેન્ડિંગ સમાચાર
