મારૂતિના પૂર્વ MD જગદીશ ખટ્ટરે કર્યો 110 કરોડનો ગોટાળો, CBIએ દાખલ કર્યો કેસ

સીબીઆઈની એફઆઈઆર મુજબ ખટ્ટર અને તેમની કંપની કારનેશન ઓટો ઈન્ડિયા 110 કરોડ રૂપિયાના લોન ગોટાળામાં આરોપી છે. કંપનીએ 2009માં પંજાબ નેશનલ બેંક (પીએનબી) પાસેથી 170 કરોડ રૂપિયાની લોન લીધી હતી.

( મારુતિના પૂર્વ એમડી જગદીશ ખટ્ટરની ફાઇલ તસવીર)

નવી દિલ્હીઃ દેશની સૌથી લોકપ્રિય કાર કંપની મારુતિના પૂર્વ મેનેજિંગ ડાયરેકટર જગદીશ ખટ્ટર સામે CBIએ કેસ દાખલ કર્યો હતો. ખટ્ટર હાલ કારનેશન ઓટો ઈન્ડિયા કંપનીના ડાયરેક્ટર છે. તપાસ એજન્સીએ નાણાકીય ગોટાળાના આરોપમાં તેમના પર કેસ દાખલ કર્યો છે. ઉપરાંત કેટલાક અજાણ્યા લોકો સામે છેતરપિંડી, કાવતરું અને ગુનાહિત ષડયંત્રનો કેસ નોંધવામાં આવ્યો છે. સીબીઆઈની એફઆઈઆર મુજબ ખટ્ટર અને તેમની કંપની કારનેશન ઓટો ઈન્ડિયા 110 કરોડ રૂપિયાના લોન ગોટાળામાં આરોપી છે. કંપનીએ 2009માં પંજાબ નેશનલ બેંક (પીએનબી) પાસેથી 170 કરોડ રૂપિયાની લોન લીધી હતી. મીડિયા રિપોર્ટ પ્રમાણે 2015માં લોન એનપીએ થઈ ગઈ અને આ દરમિયાન 110 કરોડ રૂપિયાની ખોટ ગઈ હતી.

CBI has filed FIR against Director of Carnation Auto India, Jagdish Khattar(former Maruti MD) and the said company(Carnation Auto India) and other unknown private person under criminal breach of trust,cheating and criminal misconduct. pic.twitter.com/6bBhdQxUt4

— ANI (@ANI) December 24, 2019