Ration Card E KYC : રાશનકાર્ડમાં e-KYC કરો ઓનલાઈન, મોબાઈલથી ઘરે બેઠા જ થઈ જશે આ કામ
ભારત સરકાર તેના નાગરિકો માટે ઘણી યોજનાઓ ચલાવે છે. આવી જ એક રાશન કાર્ડ યોજના છે જેના દ્વારા સરકાર ગરીબ અને જરૂરિયાતમંદ લોકોને અનાજ પૂરું પાડે છે.
Ration Card E-Kyc: ભારત સરકાર તેના નાગરિકો માટે ઘણી યોજનાઓ ચલાવે છે. આવી જ એક રાશન કાર્ડ યોજના છે જેના દ્વારા સરકાર ગરીબ અને જરૂરિયાતમંદ લોકોને અનાજ પૂરું પાડે છે. રાષ્ટ્રીય ખાદ્ય સુરક્ષા કાયદા હેઠળ ગરીબ જરૂરિયાતમંદ લોકોને રાશન કાર્ડ પર ખૂબ જ ઓછી કિંમતે રાશન આપવામાં આવે છે. એટલું જ નહીં રાશન કાર્ડની મદદથી નાગરિકો સરકારની અન્ય ઘણી યોજનાઓનો લાભ પણ મેળવી શકે છે. સરકારે તાજેતરમાં રેશનકાર્ડ ધારકો માટે એક મહત્વપૂર્ણ માહિતી બહાર પાડી છે. જે અંગે તમામ રેશનકાર્ડ ધારકોને જાણ હોવી જોઈએ.
તમામ રેશનકાર્ડ ધારકોએ તેમના ઇ-કેવાયસી એટલે કે ઇલેક્ટ્રોનિક કેવાયસી સમયસર પૂર્ણ કરવાનું રહેશે. જો કોઈ રેશનકાર્ડ ધારક સમયસર તેનું ઈ-કેવાયસી પૂર્ણ નહીં કરે તો તેનું નામ રેશનકાર્ડમાંથી કાઢી નાખવામાં આવશે અને તેને રાશન મળવાનું બંધ થઈ જશે.
અગાઉ ઇ-કેવાયસી કરાવવાની છેલ્લી તારીખ 31 સપ્ટેમ્બર 2024 હતી, જે પછીથી વધારીને 30 નવેમ્બર 2024 કરવામાં આવી હતી. હવે ફરી એકવાર સમયમર્યાદા 31 ડિસેમ્બર, 2024 સુધી લંબાવવામાં આવી છે. જો કોઈ રેશનકાર્ડ ધારક 31 ડિસેમ્બર, 2024 સુધીમાં ઇ-કેવાયસી નહીં કરાવે, તો 1 જાન્યુઆરી, 2025 થી, તેમને સરકાર તરફથી ઓછા ભાવે રાશન મળવાનું બંધ થઈ જશે. અને જે લોકો ઈ-કેવાયસી કરાવતા નથી તેમના નામ રાશન લાભાર્થીની યાદીમાંથી કાઢી નાખવામાં આવશે.
આ રીતે કરો e-KYC
વિભાગે e-KYC PDS HP એપ (Android મોબાઈલ એપ્લિકેશન) પણ લોન્ચ કરી છે. ગ્રાહકો તેમના એન્ડ્રોઈડ મોબાઈલ ફોનમાં ગૂગલ પ્લે સ્ટોર પરથી આ એપ ડાઉનલોડ કરીને ઘરે બેઠા ઈ-કેવાયસી કરી શકે છે.
તમે દેશમાં ગમે ત્યાં લોકમિત્ર કેન્દ્ર પર વેબ-આધારિત એપ્લિકેશન દ્વારા તમારા બાયોમેટ્રિક્સને પ્રમાણિત કરીને ઇ-કેવાયસી પ્રક્રિયા પૂર્ણ કરી શકો છો.
ગ્રાહકો પારદર્શિતા પોર્ટલ https://epds.hp.gov.in પર જઈને તેમનો મોબાઈલ નંબર અપડેટ કરી શકે છે અને અપડેટ મોબાઈલ નંબર વિકલ્પ હેઠળ તેમનું 12 અંકનું આધાર કાર્ડ દાખલ કરીને તમે નજીકની સસ્તા અનાજની દુકાનની મુલાકાત લઈને પણ તમારો મોબાઈલ નંબર અપડેટ કરી શકો છો ઈ-કેવાયસી કરી શકો છો.
ઇ-કેવાયસી કરાવવાની રીત
ઇ-કેવાયસી કરાવવું મુશ્કેલ નથી. તમે તમારી e KYC પ્રક્રિયાને નીચે દર્શાવેલ રીતે સરળતાથી પૂર્ણ કરી શકો છો.
સ્ટેપ 1. ઈ-કેવાયસી કરાવવા માટે, સૌ પ્રથમ રેશનકાર્ડ ધારકોએ તેમના આધાર કાર્ડ અને રેશનકાર્ડ સાથે નજીકની રાશનની દુકાનમાં જવું પડશે.
સ્ટેપ 2. તમારે દુકાન પર હાજર POS મશીન પર તમારી ઓળખ ચકાસવી પડશે. જેના માટે તમારે તમારો અંગૂઠો POS મશીન પર લગાવવો પડશે.
સ્ટેપ 3. ફિંગરપ્રિન્ટ ચકાસણી પછી, તમારી e KYC પ્રક્રિયા પૂર્ણ થશે.
સ્ટેપ 4. એકવાર ઇ-કેવાયસી પ્રક્રિયા પૂર્ણ થઈ જાય, પછી રાશન ડીલર સાથે તેની પુષ્ટિ કરો.
ટ્રેન્ડિંગ સમાચાર
ટોપ સ્ટોરી
