Eighth Pay Commission: આઠમા પગાર પંચ બાદ કેટલું વધી જશે તમારુ પેન્શન, જાણો સંપૂર્ણ ગણિત

Eighth Pay Commission: આ નિર્ણયથી માત્ર 50 લાખ વર્તમાન કેન્દ્રીય સરકારી કર્મચારીઓ જ નહીં પરંતુ આશરે 68.72 લાખ પેન્શનરો પણ ઉત્સાહિત છે

પ્રતિકાત્મક તસવીર

Source : Freepik

Eighth Pay Commission:  કેન્દ્ર સરકારે આઠમા પગાર પંચની રચના તરફ એક મોટું પગલું ભર્યું છે. સરકારે કમિશનના સંદર્ભ નિયમો (ToR) ને મંજૂરી આપી છે. કમિશનને કેન્દ્ર સરકારના કર્મચારીઓ અને પેન્શનરો સાથે પરામર્શ કરવા અને તેનો અહેવાલ તૈયાર કરવા માટે 18 મહિનાનો સમય આપવામાં આવ્યો છે.

આ નિર્ણયથી માત્ર 50 લાખ વર્તમાન કેન્દ્રીય સરકારી કર્મચારીઓ જ નહીં પરંતુ આશરે 68.72 લાખ પેન્શનરો પણ ઉત્સાહિત છે, જેઓ તેમના પેન્શન અને પગારમાં અપેક્ષિત વધારો જાણવા માટે ઉત્સુક છે.

પેન્શનની રકમ કેવી રીતે નક્કી કરવામાં આવશે?

સરકારના પેન્શનર પોર્ટલ અનુસાર, હાલમાં પોસ્ટલ, રેલવે, ટેલિકોમ્યુનિકેશન, સંરક્ષણ અને નાગરિક સેવાઓ સહિત વિવિધ વિભાગોમાં આશરે 68.72 લાખ પેન્શનરો છે. પગાર પંચની ભલામણો ફિટમેન્ટ ફેક્ટરના આધારે પેન્શનની ગણતરી કરે છે - એટલે કે, નવો પગાર અને પેન્શન અગાઉના બેસિક સેલેરીને ચોક્કસ પરિબળથી ગુણાકાર કરીને નક્કી કરવામાં આવે છે.

સાતમા પગાર પંચમાં આ ફિટમેન્ટ ફેક્ટર 2.57 પર સેટ કરવામાં આવ્યો હતો. આનો અર્થ એ થયો કે છઠ્ઠા પગાર પંચની બેસિક સેલેરીને 2.57 વડે ગુણાકાર કરીને નવી બેસિક સેલેરી અને પેન્શન નક્કી કરવામાં આવ્યું હતું.

આ વખતે પેન્શનમાં કેટલો વધારો થઈ શકે છે?

આઠમા પગાર પંચની ભલામણોને કેન્દ્રીય મંત્રીમંડળની મંજૂરી પછી જ અંતિમ સ્વરૂપ આપવામાં આવશે, પરંતુ એવો અંદાજ છે કે ફિટમેન્ટ ફેક્ટર 2.57 થી વધારીને 3.0 અથવા 3.68 કરી શકાય છે.

સંભવિત પેન્શન ગણતરીના ઉદાહરણ માટે નીચે જુઓ—

જૂની બેસિક સેલેરી (રૂપિયા)	ફિટમેન્ટ ફેક્ટર	નવી બેસિક સેલેરી	રિવાઈઝ્ડ  બેસિક પેન્શન (50 ટકા) (રૂપિયામાં)
40,000	2.57	1,02,800	51,400
40,000	3.00	1,20,000	60,000
40,000	3.68	1,47,200	73,600

ઓલ ઈન્ડિયા એનપીએસ એમ્પ્લોયીઝ ફેડરેશનના રાષ્ટ્રીય પ્રમુખ મનજીત સિંહ પટેલના જણાવ્યા અનુસાર, પેન્શનરો માત્ર ફિટમેન્ટ ફેક્ટરમાં વધારાની અપેક્ષા રાખતા નથી પરંતુ પેન્શનમાં સમાનતા, મોંઘવારી ભથ્થા (ડીએ)નું નિયમિત અપડેટ અને તબીબી લાભો સંબંધિત વિસંગતતાઓ જેવા પડતર મુદ્દાઓના ઉકેલની પણ માંગ કરી રહ્યા છે.

ફિટમેન્ટ ફેક્ટર દરેક પગાર પંચનો આધારસ્તંભ રહ્યો છે. 7મા પગાર પંચમાં તેને 2.57 ગણો નિશ્ચિત કરવામાં આવ્યો હતો, જેના કારણે કર્મચારીઓના મૂળ પગારમાં નોંધપાત્ર ઉછાળો આવ્યો હતો. જોકે, હવે નાણા મંત્રાલયના સૂત્રોના જણાવ્યા મુજબ, સરકાર 8મા પગાર પંચમાં એક નિશ્ચિત ગુણક પર નિર્ભર રહેવાને બદલે નવી, ફોર્મ્યુલા-આધારિત સિસ્ટમ અપનાવી શકે છે.

આ પણ વાંચો

8th Pay Commission: 8મા પગાર પંચમાં ફિટમેન્ટ ફેક્ટર રદ્દ થઈ શકે છે? જો આમ થશે તો કેન્દ્રીય કર્મચારીઓના પગાર પર કેવી અસર થશે?

બેન્કમાં ક્યાંક તમારા પરિવારના અનક્લેમ્ડ રૂપિયા તો પડ્યા નથી ને , આ રીતે જાણી શકશો