6.5 કરોડ કર્મચારીઓ માટે સારા સમાચાર, માત્ર 3 દિવસમાં મળશે 1 લાખ રૂપિયા, EPFOએ બદલ્યા નિયમો
EPFO તેના સબ્સ્ક્રાઇબર્સને અમુક પ્રકારની ઇમરજન્સીમાં ફંડમાંથી પૈસા ઉપાડવાની મંજૂરી આપે છે. જેમાં બીમારીની સારવાર, શિક્ષણ, લગ્ન અને ઘર ખરીદવાનો સમાવેશ થાય છે.
EPFO Rule Change: એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ PFમાંથી પૈસા ઉપાડવાની પ્રક્રિયાને સરળ બનાવી દીધી છે. EPFOએ ઓટો મોડ સેટલમેન્ટ શરૂ કર્યું છે. 6 કરોડથી વધુ પીએફ (Provident Fund) સભ્યોને આનો ફાયદો થશે. આ એક એવી સુવિધા છે જે કટોકટીમાં પીએફ (Provident Fund) સભ્યોને ભંડોળ પૂરું પાડે છે. આ અંતર્ગત 3 દિવસની અંદર તમારા બેંક ખાતામાં પૈસા મોકલવામાં આવશે.
ઓટો મોડ સેટલમેન્ટ હેઠળ, કર્મચારીઓ કટોકટીના સમયે તેમના EPFમાંથી એડવાન્સ પૈસા ઉપાડી શકે છે. EPFO તેના સબ્સ્ક્રાઇબર્સને અમુક પ્રકારની ઇમરજન્સીમાં ફંડમાંથી પૈસા ઉપાડવાની મંજૂરી આપે છે. જેમાં ઈમરજન્સી રોગોની સારવાર, શિક્ષણ, લગ્ન અને ઘર ખરીદવાનો સમાવેશ થાય છે. આમાંની કોઈપણ કટોકટી માટે, તમે તમારા પીએફ (Provident Fund) ખાતામાંથી એડવાન્સ ફંડ ઉપાડી શકો છો.
દાવાની પતાવટ ઓટો મોડ સિસ્ટમ દ્વારા કરવામાં આવશે, કટોકટીના કિસ્સામાં, આ ફંડના ક્લેમ સેટલમેન્ટ માટે ઓટો મોડ એપ્રિલ 2020માં જ શરૂ કરવામાં આવ્યો હતો, પરંતુ તે સમયે માત્ર બીમારીના સમયે જ પૈસા ઉપાડી શકાતા હતા. હવે તેનો વ્યાપ વિસ્તારવામાં આવ્યો છે. તમે બીમારી, શિક્ષણ, લગ્ન અને ઘર ખરીદવા માટે પણ EPFમાંથી પૈસા ઉપાડી શકો છો. આ સાથે હવે સબ્સ્ક્રાઇબર્સ બહેન કે ભાઈના લગ્ન માટે એડવાન્સ ફંડ પણ ઉપાડી શકશે.
EPF ખાતામાંથી એડવાન્સ ફંડની મર્યાદા વધારવામાં આવી છે. પહેલા આ મર્યાદા 50,000 રૂપિયા હતી, જે હવે વધારીને 1 લાખ રૂપિયા કરવામાં આવી છે. એડવાન્સ ઉપાડવાનું કામ ઓટો સેટલમેન્ટ મોડ કોમ્પ્યુટર દ્વારા કરવામાં આવશે. કોઈની મંજૂરીની જરૂર નથી. ત્રણ દિવસમાં પૈસા તમારા ખાતામાં આવે છે. જો કે, તમારે કેટલાક દસ્તાવેજો સબમિટ કરવાની જરૂર પડશે. આમાં KYC, દાવાની વિનંતીની પાત્રતા, બેંક ખાતાની વિગતોનો સમાવેશ થાય છે.
એડવાન્સ રૂપિયા ઉમાડવાની પ્રક્રિયા શું છે
સૌથી પહેલા તમારે EPFO પોર્ટલ પર લોગ ઈન કરવું પડશે. આ માટે UAN અને પાસવર્ડ જરૂરી છે. લૉગ ઇન કર્યા પછી, તમારે ઑનલાઇન સેવાઓ પર જવું પડશે અને પછી દાવો વિભાગ પસંદ કરવો પડશે. ત્યારપછી તમારે બેંક એકાઉન્ટ વેરીફાઈ કરવું પડશે. આ બેંક ખાતામાં એડવાન્સ પૈસા આવશે. હવે તમારે તમારા બેંક એકાઉન્ટ ચેક અથવા પાસબુકની કોપી અપલોડ કરવાની રહેશે. પછી તમારે તે કારણ જણાવવું પડશે જેના કારણે તમે પૈસા ઉપાડવા માંગો છો. હવે તમારે કેટલીક વધુ પ્રક્રિયાઓ અનુસરવી પડશે અને અરજી કરવી પડશે. ત્રણથી ચાર દિવસમાં તમારા ખાતામાં પૈસા આવી જશે.
ટોપ સ્ટોરી
ટ્રેન્ડિંગ સમાચાર
