Fact Check: 500 રૂપિયાની નોટને લઈ વાયરલ થઈ રહ્યો છે આ મેસેજ, જાણો શું છે હકીકત
PIB Fact Check: સોશિયલ મીડિયા પર ઘણા મેસેજ વાયરલ થતા હોય છે, જે પૈકી ઘણા ભ્રામક પણ હોય છે.
PIB Fact Check: દેશમાં 2016ના નોટબંધી બાદ 500 અને 2000ની નવી નોટો બજારમાં આવી. મોટાભાગના લોકો 500 જેવી ઊંચી કિંમતની નોટો અસલી છે કે નકલી તે અંગે ચિંતિત છે. નોટોની ઓળખ અંગેના મેસેજ સોશિયલ મીડિયા પર વારંવાર વાયરલ થાય છે. આવી સ્થિતિમાં ઘણી વખત સમજાતું નથી કે કયો મેસેજ સાચો છે અને કયો ખોટો.
વાયરલ મેસેજમાં શું છે
આજકાલ વોટ્સએપ અને અન્ય સોશિયલ મીડિયા પ્લેટફોર્મ પર એક મેસેજ ખૂબ જ વાયરલ થઈ રહ્યો છે, જેમાં એવો દાવો કરવામાં આવી રહ્યો છે કે 500 રૂપિયાની નોટ નકલી છે જેમાં આરબીઆઈ ગવર્નરની નિશાની લીલી પટ્ટીની નજીક નથી પરંતુ ગાંધીજીની તસવીરની નજીક છે. આ મેસેજને તમારા પરિવાર અને મિત્રો સુધી પહોંચાડો.
PIBની ફેક્ટ ચેક ટીમે વાયરલ મેસેજની જણાવી સચ્ચાઈ
PIB ફેક્ટ ચેક ટીમ આ પ્રકારના વાયરલ મેસેજની તપાસ કરીને સચ્ચાઈ જણાવી છે. PIB અનુસાર આ વાયરલ મેસેજ સંપૂર્ણપણે ખોટો છે. આ મેસેજમાં કોઈ સત્યતા નથી. PIBએ ટ્વિટ કરીને માહિતી આપી છે કે, 'એક સંદેશમાં દાવો કરવામાં આવી રહ્યો છે કે ₹500ની નોટ નકલી છે, જેમાં લીલી પટ્ટી RBI ગવર્નરની સહી સાથે નહીં પરંતુ ગાંધીજીની તસવીર સાથેની છે. આ દાવો ખોટો છે. આરબીઆઈના મતે બંને પ્રકારની નોટો માન્ય છે.
एक मैसेज में यह दावा किया जा रहा है कि ₹500 का वह नोट नकली है जिसमें हरी पट्टी आरबीआई गवर्नर के सिग्नेचर के पास ना होकर गांधीजी की तस्वीर के पास होती है।#PIBFactCheck
— PIB Fact Check (@PIBFactCheck) May 11, 2022
➡️यह दावा #फ़र्ज़ी है।
➡️@RBI के अनुसार दोनों ही तरह के नोट मान्य होते हैं।
🔗https://t.co/DuRgmRJxiN pic.twitter.com/AEGQfCM8kZ
અસલી અને નકલી નોટો કેવી રીતે ઓળખવી
- અસલી અને નકલી નોટોની ઓળખ માટે ભારતીય રિઝર્વ બેંકે કેટલીક ઓળખ આપી છે.
- 500 રૂપિયાની જમણી બાજુએ દેવનાગરીમાં નંબર લખેલો છે.
- મધ્યમાં મહાત્મા ગાંધીની તસવીર છે.
- આ સિવાય ભારત લખાયેલું છે.
- ઉપરાંત તેમાં એક સિક્યોરિટી થ્રેડ પણ છે જે નમેલી વખતે વાદળી થઈ જાય છે.
- આની મદદથી તમે જાણી શકશો કે નોટ અસલી છે કે નકલી.
- આ સિવાય મહાત્મા ગાંધીના ફોટાની જમણી બાજુએ આરબીઆઈનું પ્રતીક પણ છે.
ટોપ સ્ટોરી
ટ્રેન્ડિંગ સમાચાર
