Gold Silver Price Today: સપ્તાહના પહેલા દિવસે સસ્તુ થયું સોનું, ચાંદીના ભાવમાં પણ ઘટાડો, જાણો કેટલા છે લેટેસ્ટ રેટ

સોનાનો હાજર ભાવ આજે 0.28 ટકા ઘટીને 1,745.03 ડોલર પ્રતિ ઔંસ થયો હતો. તે જ સમયે, આંતરરાષ્ટ્રીય બજારમાં, ચાંદીની કિંમત આજે 0.73 ટકા ઘટીને 20.77 ડોલર પ્રતિ ઔંસ થઈ ગઈ છે.

પ્રતિકાત્મક તસવીર

Gold Silver Price Today: લગ્નની સિઝનમાં સોના-ચાંદીના દાગીના ખરીદનારાઓ માટે સારા સમાચાર છે. સોનાની કિંમત ફરી બેકફુટ પર આવી ગઈ છે. ભારતીય વાયદા બજારમાં આજે 21 નવેમ્બર સોમવારના રોજ સોનાની કિંમત ઘટાડા સાથે ખુલી હતી. ચાંદીનો ભાવ પણ આજે તૂટ્યો છે. આંતરરાષ્ટ્રીય બજારમાં આજે પણ સોના અને ચાંદીના ભાવ નરમ છે. મલ્ટી કોમોડિટી એક્સચેન્જ (MCX) પર આજે સોનાની કિંમત 0.07 ટકા ઘટીને ટ્રેડ થઈ રહી છે. અગાઉના વેપારમાં, એમસીએક્સ પર સોનાની કિંમત 0.37 ટકા ઘટીને બંધ થઈ હતી. તે જ સમયે, આજે એમસીએક્સ પર ચાંદીનો દર 0.32 ટકા ઘટ્યો છે. છેલ્લા ટ્રેડિંગ સેશનમાં વાયદા બજારમાં ચાંદીના ભાવમાં 0.08 ટકાનો ઘટાડો નોંધાયો હતો.

સોમવારે, વાયદા બજારમાં 24 કેરેટ શુદ્ધતાના સોનાનો ભાવ સવારે 9:05 વાગ્યા સુધી રૂ. 38ના સામાન્ય ઘટાડા સાથે રૂ. 52,550 પ્રતિ 10 ગ્રામ પર ટ્રેડ થઈ રહ્યો હતો. સોનાનો ભાવ આજે 52,508 રૂપિયા પર ખુલ્યો હતો. ખુલ્યાના થોડા સમય બાદ તેમાં થોડી તેજી આવી અને કિંમત 52,550 રૂપિયા થઈ ગઈ.

ચાંદીની ચમક ઝાંખી પડી છે

આજે મલ્ટી કોમોડિટી એક્સચેન્જમાં પણ ચાંદીના ભાવમાં ઘટાડો થયો છે. આજે ચાંદીનો ભાવ 197 રૂપિયા ઘટીને 60,678 રૂપિયા પર ટ્રેડ થઈ રહ્યો છે. ચાંદીનો ભાવ રૂ. 60,580 પર ખુલ્યો હતો. એકવાર કિંમત 62,680 રૂપિયા થઈ ગઈ. પરંતુ બાદમાં કિંમત ઘટીને 60,678 રૂપિયા થઈ ગઈ. અગાઉના વેપારમાં, વાયદા બજારમાં ચાંદીનો ભાવ કિલોદીઠ રૂ. 60,950 પર બંધ હતો.

આંતરરાષ્ટ્રીય બજારમાં સોનું અને ચાંદી તૂટ્યા

આંતરરાષ્ટ્રીય બજારમાં આજે સોના અને ચાંદીના ભાવમાં ઘટાડો થયો છે. સોનાનો હાજર ભાવ આજે 0.28 ટકા ઘટીને 1,745.03 ડોલર પ્રતિ ઔંસ થયો હતો. તે જ સમયે, આંતરરાષ્ટ્રીય બજારમાં, ચાંદીની કિંમત આજે 0.73 ટકા ઘટીને 20.77 ડોલર પ્રતિ ઔંસ થઈ ગઈ છે.

સોનાના સાપ્તાહિક હાજર ભાવમાં વધારો થયો હતો

ગયા સપ્તાહે ભારતીય બુલિયન માર્કેટમાં સોનાના હાજર ભાવમાં વધારો થયો હતો. ચાંદીમાં નરમાઈ. છેલ્લા ટ્રેડિંગ સપ્તાહમાં (14 નવેમ્બરથી 18 નવેમ્બર) સોનાના ભાવ 10 ગ્રામ દીઠ રૂ. 523 વધ્યા હતા, જ્યારે ચાંદીના ભાવમાં પ્રતિ કિલો રૂ. 263નો નજીવો ઘટાડો થયો હતો. ઈન્ડિયન બુલિયન એન્ડ જ્વેલર્સ એસોસિએશન (IBJA)ની વેબસાઈટ અનુસાર, છેલ્લા ટ્રેડિંગ સપ્તાહની શરૂઆતમાં, 24-કેરેટ સોનાનો ભાવ રૂ. 52,430 હતો, જે શુક્રવાર સુધીમાં વધીને રૂ. 52,953 પ્રતિ 10 ગ્રામ થયો છે. તે જ સમયે, 999 શુદ્ધતાની ચાંદીની કિંમત 61,583 રૂપિયાથી ઘટીને 61,320 રૂપિયા પ્રતિ કિલોગ્રામ થઈ ગઈ છે.