Income Tax Return Last Date: રિટર્ન ફાઈલ કરવા થોડા જ કલાકો રહ્યા છે બાકી, જાણો ટ્વિટર પર શું થઈ રહ્યું છે ટ્રેન્ડ

Income Tax Return: 31મી જુલાઈ રિટર્ન ફાઈલ કરવાની છેલ્લી તારીખ છે.

ફાઈલ તસવીર

Income Tax Return Last Date:  ઈન્કમટેક્સ રિટર્ન ફાઈલ કરવા માટે માત્ર થોડા કલાકો જ બાકી છે. 31મી જુલાઈ રિટર્ન ફાઈલ કરવાની છેલ્લી તારીખ છે. તમે વિચારી રહ્યા હશો કે સરકાર નોટિફિકેશન જારી કરીને ITR ફાઈલ કરવાની છેલ્લી તારીખ લંબાવી શકે છે, પરંતુ હજુ સુધી આવી કોઈ સૂચના જારી કરવામાં આવી નથી.

તાત્કાલીક તારીખ લંબાવવા માંગ

ITR ફાઈલ કરવાને હવે ગણતરીના કલાકો જ બાકી છે તેમ છતાં હજુ સુધી આ તારીખ વધારવાની કોઈ જાહેરાત કરવામાં આવી નથી. આવી સ્થિતિમાં લોકોએ સોશિયલ નેટવર્કિંગ સાઇટ ટ્વિટર દ્વારા તેમની માંગ ઉઠાવી છે. આજે, આ માંગ કરતી વખતે, લોકોએ ડ્યુ ડેટ તાત્કાલિક લંબાવવાનો ટ્રેન્ડ કર્યો છે. આનો અર્થ એ છે કે છેલ્લી તારીખ તરત જ લંબાવવી જોઈએ.

કરદાતાઓએ આ 5 કારણો ગણાવ્યા

કરદાતાઓ પોર્ટલ સંબંધિત સમસ્યા અંગે ફરિયાદ કરી રહ્યા છે અને આવકવેરા વિભાગને સમય મર્યાદા વધારવા વિનંતી કરી રહ્યા છે. ટ્વિટર પર CA નીતિન નાયક નામના યુઝરે લખ્યું – #Extend_Due_date_Immediately. તેને વધારવાની માંગ પાછળ તેણે પોતાનો તર્ક પણ આપ્યો. તેણે લખ્યું-

1. 26AS અને AIS મેળ ખાતા નથી.
2. પોર્ટલ સંપૂર્ણ રીતે કાર્યરત નથી.
3. 15મી જૂન સુધી 26AS અપડેટ નથી.
4. સમયસર ફાઇલ કરવા માટે ફોર્મ ઉપલબ્ધ નથી.
5. TDS અને GST રિટર્ન ફાઈલ કરવાની તારીખો અથડામણ.

લેટ ફી ભરવાની રહેશે

છેલ્લી તારીખ પસાર થયા પછી, ITR ફાઇલ કરનારા કરદાતાઓએ લેટ ફી ચૂકવવી પડશે. ITR મોડું ફાઈલ કરવા પર 5 લાખ રૂપિયાથી ઓછી આવક ધરાવતા લોકો માટે 1,000 રૂપિયાનો દંડ લાગશે. જો કોઈ વ્યક્તિની કુલ આવક 5 લાખ રૂપિયાથી વધુ હોય તો તેણે 5,000 રૂપિયા દંડ ભરવો પડશે.

41% ભારતીયોએ રિટર્ન ફાઈલ કર્યું નથી

કોમ્યુનિટી સોશિયલ મીડિયા પ્લેટફોર્મ લોકલસર્કલ દ્વારા આપવામાં આવેલા ડેટા અનુસાર, રિટર્ન ફાઈલ કરવા માટે લાયક 41 ટકા ભારતીયોએ હજુ સુધી રિટર્ન ફાઈલ કર્યું નથી. લગભગ 10 ટકા લોકો કહે છે કે તેઓ તકનીકી ખામીઓનો સામનો કરી રહ્યા હતા.

Over 4.52 crore ITRs filed till 29th July, 2022 & more than 43 lakh ITRs filed on 29th July, 2022 itself.
Hope you have filed yours too! If not, pl #FileNow
Due date to file ITR for AY 2022-23 is 31st July, 2022.
Pl visit: https://t.co/GYvO3mStKf#ITR @FinMinIndia

— Income Tax India (@IncomeTaxIndia) July 30, 2022