ભારતીય બેન્કિંગને મળશે નવી દિશા! પતંજલિએ લોન્ચ કર્યું 360° ERP સિસ્ટમ, જાણો તેના વિશે
પતંજલિ ગ્રુપે ભારતીય બેન્કિંગ ક્ષેત્રમાં તેના રણનીતિક પ્રવેશની જાહેરાત કરી છે. ભરુવા સોલ્યુશન્સ પ્રાઇવેટ લિમિટેડ (BSPL) એ AI-આધારિત, મલ્ટીલિંગુઅલ 360° બેંકિંગ ERP સિસ્ટમ લોન્ચ કરી છે.
Patanjali ERP System News: પતંજલિ ગ્રુપે ભારતીય બેન્કિંગ ક્ષેત્રમાં તેના રણનીતિક પ્રવેશની જાહેરાત કરી છે. કંપનીની ટેકનોલોજી શાખા ભરુવા સોલ્યુશન્સ પ્રાઇવેટ લિમિટેડ (BSPL) એ AI-આધારિત, મલ્ટીલિંગુઅલ 360° બેંકિંગ ERP સિસ્ટમ લોન્ચ કરી છે. કંપનીનો દાવો છે કે આ આગામી પેઢીનું પ્લેટફોર્મ પ્રાદેશિક, સહકારી અને નાની નાણાકીય સંસ્થાઓને બુદ્ધિશાળી, સમાવિષ્ટ અને સુસંગત ટેકનોલોજી સાથે સશક્ત બનાવીને ડિજિટલ બેન્કિંગમાં ક્રાંતિ લાવવા માટે ડિઝાઈન કરવામાં આવ્યું છે.
પતંજલિએ કહ્યું છે કે, "ભરુવાના અત્યાધુનિક CBS પ્લેટફોર્મ (બી-બેન્કિંગ) ચાર મહત્વપૂર્ણ પડકારોનો સામનો કરવાના ઉદ્દેશ્ય સાથે બનાવાયું છે, જે લાંબા સમયથી ભારતના બેંકિંગ ઇકોસિસ્ટમમાં નવીનતા અને સમાવેશકતાને અવરોધી રહ્યા છે."
1. ભાષાકીય વિવિધતા
ભારતની ભાષાકીય વિવિધતા સાથે મોટાભાગની બેન્કિંગ સેવાઓ અંગ્રેજી સુધી મર્યાદિત છે. BSPL નું દ્વિભાષી સોલ્યુશન બેંકોને ગ્રાહકોને અંગ્રેજી અને તેમની સ્થાનિક ભાષા બંનેમાં સેવા આપવાની મંજૂરી આપે છે, ઉદાહરણ તરીકે, ગુજરાતમાં ગુજરાતી અને પંજાબમાં પંજાબી - બધા નાગરિકો માટે સુલભતા અને ઉપયોગમાં સરળતા સુનિશ્ચિત કરે છે.
2. વધુ સુરક્ષા
પ્લેટફોર્મમાં ડેટા, લેવડ-દેવડ અને ડિજિટલ ઈન્ટરૈક્શન માટે વ્યાપક સુરક્ષા પૂરી પાડવા માટે અત્યાધુનિક AI અને સાઈબર સુરક્ષા પ્રોટોકોલ સામેલ છે.
3. પ્રક્રિયા કાર્યક્ષમતા
આ બેન્કિંગ સિસ્ટમ એન્ડ-ટુ-એન્ડ બેંકિંગ ટ્રાન્સફોર્મેશન માટે ડિઝાઇન કરવામાં આવી છે, આ સિસ્ટમમાં API બેંકિંગ, MIS, HRMS, ERP મોડ્યુલ્સ, AML ટૂલ્સ અને સંચાલન અને અનુપાલન માટે વર્કફ્લો ઓટોમેશન સહિત મજબૂત ક્ષમતાઓ છે.
4. નિયમનકારી અનુપાલન
આધિકારીક ભાષા અધિનિયમ, 1963 અને સુપ્રીમ કોર્ટના નિર્દેશો સાથે સંપૂર્ણપણે સુસંગત, આ સમાધાન નાણાકીય સંસ્થાઓમાં દ્વિભાષી સોફ્ટવેર માટે સરકારી આદેશોનું પાલન સુનિશ્ચિત કરે છે.
પતંજલિ ગ્રુપના સ્થાપક અને મેનેજિંગ ડિરેક્ટર આચાર્ય બાલકૃષ્ણએ ટેકનોલોજીકલ સમાવેશન પ્રત્યેની પોતાની પ્રતિબદ્ધતા વ્યક્ત કરતા કહ્યું, "ભારત ઘણી ભાષાઓનો દેશ છે, છતાં આપણું બેંકિંગ ઈન્ફ્રાસ્ટ્રક્ચર મુખ્યત્વે અંગ્રેજીમાં કાર્યરત છે, જેના કારણે મોટાભાગના લોકો અલગ પડી જાય છે. ભરુવા સોલ્યુશન્સ એક પરિવર્તનશીલ ઉત્પાદન લોન્ચ કરી રહ્યું છે જે ટેકનોલોજીકલ રીતે શ્રેષ્ઠ, કાર્યાત્મક રીતે વ્યાપક અને ભાષાકીય રીતે સમાવિષ્ટ છે, જે આધિકારિક ભાષા અધિનિયમ 1963 સાથે સંરેખિત છે."
ભારતને મજબૂત બનાવવા માટે નક્કર પગલું - બાલકૃષ્ણ
તેમણે કહ્યું, “એઆઈ (AI) અને મશીન લર્નિંગના આ યુગમાં સમય આવી ગયો છે કે આપણી ગ્રામીણ, અર્ધ-શહેરી, સહકારી અને નાના નાણાકીય સંસ્થાઓને જાહેર અને ખાનગી ક્ષેત્રની બેંકોની સમકક્ષ ટેકનોલોજીની સુલભતા મળે. આ પહેલ ભારતને દરેક અર્થમાં સશક્ત બનાવવા તરફ એક નક્કર પગલું છે. આ વિઝનને સાકાર કરવા માટે ભરુવા સોલ્યુશન્સે દ્વિભાષી બેંકિંગ ક્ષેત્રની અનુભવી કંપની, નેચરલ સપોર્ટ કન્સલ્ટન્સી સર્વિસીસ પ્રાઇવેટ લિમિટેડ સાથે ભાગીદારી કરી છે, જે 1999થી ALM, LOS, MIS વગેરે જેવા સરાઉન્ડ ઉત્પાદનો માટે 5,000થી વધુ બેંક શાખાઓને સ્વચાલિત કરવામાં કુશળતા ધરાવે છે.
શું છે BSPL નો લક્ષ્ય ?
પતંજલિએ જણાવ્યું હતું કે, "ભરુવા અને નેચરલ સપોર્ટ કન્સલ્ટન્સી સર્વિસીસ પ્રાઇવેટ લિમિટેડનો લક્ષ્ય એક વ્યાપક 'બેંક ઇન અ બોક્સ' સોલ્યુશન પ્રદાન કરવાનો છે જે ફ્રન્ટએન્ડ શ્રેષ્ઠતાને શક્તિશાળી બેકએન્ડ ઇન્ફ્રાસ્ટ્રક્ચર સાથે ઓલ-ઇન-વન પ્લેટફોર્મ સાથે જોડે છે. તે કોર બેંકિંગ સિસ્ટમ (CBS) સાથે એકીકૃત રીતે સંકલિત થાય છે અને ઇન્ટરનેટ અને મોબાઇલ બેંકિંગ, AI-સંચાલિત શોધ, eKYC, CKYC, PFMS એકીકરણ, SMS બેંકિંગ, KCC IS પોર્ટલ, AML, HRMS, CSS, MIS, DSS અને ERP, HRMS વગેરે જેવી બેકએન્ડ પ્રક્રિયાઓને સપોર્ટ કરે છે."
આ સમગ્ર લોન્ચિંગ રાજ્ય સહકારી બેંકો, જિલ્લા કેન્દ્રીય સહકારી બેંકો, શહેરી સહકારી બેંકો, NBFCs અને ભારતભરમાં અને આંતરરાષ્ટ્રીય બજારોમાં ખાસ કરીને બહુભાષી બેંકિંગ જરૂરિયાતો ધરાવતા પ્રદેશોમાં અન્ય નાણાકીય સંસ્થાઓ માટે ડિજિટલ પરિવર્તનને સક્ષમ બનાવવા માટે રચાયેલ છે.
ટોપ સ્ટોરી
ટ્રેન્ડિંગ સમાચાર
