IRCTC એ કર્યા માલામાલઃ 2 વર્ષ પહેલા 1 લાખનું રોકાણ કરનારના રૂપિયા વધીને 19 લાખ થઈ ગયા

મંગળવારે IRCTC ના શેર 6212 રૂપિયા પર ખુલ્યો હતો. તે શરૂઆતના ટ્રેડમાં જ 8 ટકા વધ્યો હતો અને શેરની કિંમત 6,375.45 ની 52-સપ્તાહની ઉચ્ચ સપાટીએ પહોંચી હતી.

પ્રતિકાત્મક તસવીર

નવી દિલ્હી: IRCTC ના રોકાણકારો હાલમાં સેલિબ્રેશન મોડમાં છે. તેનું કારણ કંપનીના શેરમાં મજબૂત ઉછાળો છે. IRCTC (ઇન્ડિયન રેલવે કેટરિંગ એન્ડ ટુરિઝમ કોર્પોરેશન) ના શેરમાં તેજીનું વલણ ચાલુ છે. વર્ષ 2019 માં જ્યારે IRCTC IPO આવ્યો, ત્યારે ઇશ્યૂની કિંમત 315-320 રૂપિયા પ્રતિ શેર હતી. આજે IRCTC ના શેરની કિંમત 6,375.45 રૂપિયા પર પહોંચી ગઈ છે. એટલે કે, સ્ટોકે 2 વર્ષમાં અત્યાર સુધીમાં લગભગ 19 ગણું વળતર આપ્યું છે.

મંગળવારે IRCTC (ઇન્ડિયન રેલવે કેટરિંગ એન્ડ ટુરિઝમ કોર્પોરેશન) ના શેર 6212 રૂપિયા પર ખુલ્યો હતો. તે શરૂઆતના ટ્રેડમાં જ 8 ટકા વધ્યો હતો અને શેરની કિંમત 6,375.45 ની 52-સપ્તાહની ઉચ્ચ સપાટીએ પહોંચી હતી. આ સાથે IRCTC નું માર્કેટ કેપ 1 લાખ કરોડને પાર કરી ગયું. કંપનીના શેર માટે અપર પ્રાઇસ બેન્ડ 6,465 રૂપિયા છે.

લિસ્ટિંગ સમયે શેરની કિંમત બમણી થઈ ગઈ હતી

IRCTC (ઇન્ડિયન રેલવે કેટરિંગ એન્ડ ટુરિઝમ કોર્પોરેશન)નો 638 કરોડ રૂપિયાનો IPO 30 સપ્ટેમ્બર 2019 ના રોજ આવ્યો હતો અને 3 ઓક્ટોબર 2019 ના રોજ બંધ થયો હતો. IPO 112 ગણો ભરાયો હતો. આ પછી IRCTC એ 14 ઓક્ટોબર 2019 ના રોજ શેરબજારમાં પ્રવેશ કર્યો હતો અને શેર 644 રૂપિયાની કિંમતે લિસ્ટ થયો હતો. એટલે કે, IPO ની ઇશ્યૂ કિંમત કરતાં બમણાથી વધુ ભાવે લિસ્ટ થયો હતો. આઈઆરસીટીસીના બીજા ક્વાર્ટરનું પરિણામ હજુ જાહેર થવાનું બાકી છે.

છેલ્લા 6 મહિનામાં શેર 293 ટકા વધ્યો

IRCTC ના શેરમાં છેલ્લા 6 મહિનામાં 293 ટકાનો વધારો થયો છે. 6 મહિના પહેલા તે 1,612 રૂપિયા હતો. IRCTC ની બજાર કિંમત ઓગસ્ટથી 172 ટકા વધી છે. આઈઆરસીટીસીના બીજા ક્વાર્ટરનું પરિણામ હજુ જાહેર થવાનું બાકી છે.