![ABP Premium](https://cdn.abplive.com/imagebank/Premium-ad-Icon.png)
Layoff News: મંદીના ભણકારા! આ દિગ્ગજ ટેક કંપની 20 ટકા સ્ટાફને ઘરભેગા કરશે, અન્ય કંપનીઓ પણ છટણી કરવાની યોજના બનાવી રહી છે
કંપનીએ હાલમાં ભરતી પર પ્રતિબંધ મૂક્યો છે. આ છટણી દ્વારા, ઇન્ટેલ તનો ફિક્સ ખર્ચ 10 થી 15 ટકા ઘટાડી શકે છે.
![Layoff News: મંદીના ભણકારા! આ દિગ્ગજ ટેક કંપની 20 ટકા સ્ટાફને ઘરભેગા કરશે, અન્ય કંપનીઓ પણ છટણી કરવાની યોજના બનાવી રહી છે Layoff News: Intel is preparing to lay off people on a large scale, know how many companies are planning layoffs Layoff News: મંદીના ભણકારા! આ દિગ્ગજ ટેક કંપની 20 ટકા સ્ટાફને ઘરભેગા કરશે, અન્ય કંપનીઓ પણ છટણી કરવાની યોજના બનાવી રહી છે](https://feeds.abplive.com/onecms/images/uploaded-images/2022/10/13/2bed8986c5ff83f3be88f6dc41670340166562693882375_original.jpg?impolicy=abp_cdn&imwidth=1200&height=675)
Layoff News: વિશ્વની અગ્રણી કોમ્પ્યુટર હાર્ડવેર અને ચિપ નિર્માતા ઇન્ટેલ કોર્પો., મોટા પાયે લોકોને છૂટા કરવાની તૈયારી કરી રહી છે. એવું માનવામાં આવે છે કે કંપની હજારો કર્મચારીઓની છટણી કરી શકે છે. વાસ્તવમાં, પર્સનલ કોમ્પ્યુટર સેગમેન્ટ, PC પ્રોસેસર્સના વેચાણમાં સતત ઘટાડો થવાને કારણે કંપની સંકટનો સામનો કરી રહી છે. પરંતુ તમને જણાવી દઈએ કે માત્ર ઈન્ટેલ જ નહીં પરંતુ વિશ્વની અર્થવ્યવસ્થાના વિકાસની ગતિ ધીમી પડી રહી છે. આવતા વર્ષે મંદીની આગાહી કરવામાં આવી રહી છે. આવી સ્થિતિમાં અન્ય ઘણી કંપનીઓ પણ છટણીની તૈયારી કરી રહી છે.
ઇન્ટેલ છૂટા કરશે!
સમાચાર અહેવાલો અનુસાર, Intel આ મહિને મોટા પાયે કર્મચારીઓની છટણી કરી શકે છે. જુલાઈ મહિનામાં ઈન્ટેલમાં 113700 કર્મચારીઓ કામ કરતા હતા. એવું માનવામાં આવે છે કે વેચાણ અને માર્કેટિંગ જૂથના 20 ટકા લોકોને છૂટા કરી શકાય છે. અગાઉ 2016 માં, ઇન્ટેલે 12000 લોકોની છટણી કરી હતી, જે તેના કુલ કર્મચારીઓના 11 ટકા જેટલી હતી. ઇન્ટેલે હાલમાં ભરતી પર પ્રતિબંધ મૂક્યો છે. આ છટણી દ્વારા, ઇન્ટેલ તનો ફિક્સ ખર્ચ 10 થી 15 ટકા ઘટાડી શકે છે.
મેટામાં છટણી!
મેટા પણ મોટા પાયે ફેસબુકમાં કર્મચારીઓને ચૂપચાપ કાઢી રહી છે. એવું માનવામાં આવે છે કે META તેના કુલ કર્મચારીઓના 15 ટકા એટલે કે લગભગ 12000 કર્મચારીઓને છૂટા કરશે. ઈન્સાઈડરના અહેવાલ મુજબ, કંપનીના વરિષ્ઠ એક્ઝિક્યુટિવ ઓછા પ્રદર્શન કરતા કર્મચારીઓને છટણી કરવામાં વ્યસ્ત છે. રિપોર્ટ અનુસાર, આગામી કેટલાક અઠવાડિયામાં મેટામાં લગભગ 12000 લોકો તેમની નોકરી ગુમાવી શકે છે. કર્મચારીઓએ ઈનસાઈડરને જણાવ્યું કે એવું લાગે છે કે લોકો પોતાને છોડી રહ્યા છે પરંતુ વાસ્તવમાં લોકોને રાજીનામું આપવા માટે મજબૂર કરવામાં આવી રહ્યા છે. મેટાએ ભરતી પર રોક લગાવી છે.
ગૂગલમાં પણ છટણી શક્ય છે!
તાજેતરમાં, Google CEO સુંદર પિચાઈએ છટણીનો સંકેત આપ્યો છે. કંપની તેની કાર્યક્ષમતા વધારવાના ઉદ્દેશ્ય સાથે આ છટણીનું આયોજન કરી રહી છે. ટ્રસ્ટ વિરોધી તપાસ અને આર્થિક સંકટને ધ્યાનમાં રાખીને છટણી પણ કરી શકે છે. સુંદર પિચાઈએ હાલમાં જ ટેક કોન્ફરન્સમાં કહ્યું હતું કે તમે મેક્રો ઈકોનોમિકને જેટલું સમજવાનો પ્રયત્ન કરશો, તેટલી જ વધુ મૂંઝવણ જોવા મળશે. મેક્રો ઇકોનોમિક પરિસ્થિતિ જાહેરાત ખર્ચ અને ઉપભોક્તા ખર્ચ સાથે જોડાયેલી છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)