ભારતીય બેંકોનું ફૂલેકું ફેરવીને ભાગી જનારા કારોબારી Vijay Mallya ની વધી મુશ્કેલી, London નો વૈભવી બંગલો કરવો પડી શકે છે ખાલી

Kingfisher Tycoon Vijay Mallya: કારોબારી માલ્યા વર્ષ 2016માં બ્રિટન ભગી ગયો હતો. ભારતીય બેંકોની 9000 કરોડથી વધુ રકમ તેની પાસે લહેણી છે.

ફાઈલ તસવીર

Bank Loan Fraud Case: બ્રિટનની એક અદાલતે મંગળવારે ભારે દેવાના બોજ હેઠળ દબાયેલા ઉદ્યોગપતિ વિજય માલ્યાને લંડનમાં તેમના આલીશાન મકાનમાંથી બહાર કાઢવાના આદેશ પર રોક લગાવવાની અરજી ફગાવી દીધી હતી. હકીકતમાં, સ્વિસ બેંક UBS સાથે લાંબા સમયથી ચાલી રહેલા કાનૂની વિવાદમાં માલ્યાના ઘરને ખાલી કરવાનો આદેશ આપવામાં આવ્યો હતો.

માલ્યાએ આ આદેશના પાલન પર રોક લગાવવાની માંગ કરી હતી. પરંતુ લંડન હાઈકોર્ટના ચેન્સરી ડિવિઝનના જજ મેથ્યુ માર્શે પોતાના નિર્ણયમાં કહ્યું કે માલ્યા પરિવારને બાકી રકમ ચૂકવવા માટે વધારાનો સમય આપવાનું કોઈ કારણ નથી. મતલબ કે માલ્યાને આ પ્રોપર્ટીમાંથી બહાર કરી શકાય છે. માલ્યાએ આ સ્વિસ બેંકની 204 મિલિયન પાઉન્ડની લોન પરત કરવાની છે.

UBS bank wins the right to repossess and sell fugitive businessman Vijay Mallya’s luxury home in London where he stays with his son & 95-year-old mother

(File photo) pic.twitter.com/VIg3ZJ6YIm

— ANI (@ANI) January 18, 2022

માલ્યાની માતા લંડનના ઘરમાં રહે છે

માલ્યાની 95 વર્ષીય માતા લંડનના આ ઘરમાં રહે છે.  બિઝનેસમેન માલ્યા માર્ચ 2016માં બ્રિટન ભાગી ગયો હતો. તે 9,000 કરોડ રૂપિયાની લોનની ગેરરીતિ અને મની લોન્ડરિંગના કેસમાં ભારતમાં વોન્ટેડ છે. આ લોન ઘણી બેંકોએ કિંગફિશર એરલાઈન્સને આપી હતી. 65 વર્ષીય માલ્યા હાલમાં યુકેમાં જામીન પર બહાર છે. એવું માનવામાં આવે છે કે પ્રત્યાર્પણ પ્રક્રિયા સંબંધિત એક અલગ કેસમાં દેશમાં આશ્રયના મુદ્દા પર ગોપનીય કાનૂની કાર્યવાહીના નિરાકરણ સુધી તે જામીન પર રહી શકે છે.