Paytm અને PhonePeથી મોબાઈલ રિચાર્જ કરાવો છો, થઈ જાવ સાવધાન, જાણો કારણ

વાસ્તવમાં, Paytm અને PhonePe મોબાઈલ રિચાર્જ અથવા બિલ પેમેન્ટ માટે સરચાર્જ/પ્લેટફોર્મ ફી/સુવિધા ફીના નામે મોટી રકમ વસૂલી રહ્યાં છે.

પ્રતિકાત્મક તસવીર

નવી દિલ્હીઃ જો તમે ડિજિટલ પેમેન્ટ એપ Paytm અને PhonePe થી દરરોજ મોબાઈલ રિચાર્જ અથવા બિલ પેમેન્ટ કરો છો, તો આ સમાચાર તમારા કામના છે. વાસ્તવમાં, Paytm અને PhonePe મોબાઈલ રિચાર્જ અથવા બિલ પેમેન્ટ માટે સરચાર્જ/પ્લેટફોર્મ ફી/સુવિધા ફીના નામે મોટી રકમ વસૂલી રહ્યાં છે.

કદાચ તમને આ વાતની જાણ પણ નહીં હોય. આનું કારણ એ છે કે જ્યારે તમે મોબાઈલ રિચાર્જ કરો છો અથવા બિલ પેમેન્ટ કરો છો અથવા રિચાર્જ કરો છો, ત્યારે સમયની તંગીને કારણે કંપનીઓ હવે મોબાઈલ રિચાર્જ અને બિલ પેમેન્ટ માટે વધારાના ચાર્જ વસૂલતી હોય છે તે ધ્યાનમાં લેવામાં આવતું નથી.

ફોનપે પ્લેટફોર્મ ફી 1 થી 2 રૂપિયા સુધી વસૂલ કરે છે

PhonePe એ મોબાઈલ રિચાર્જ માટે 1 થી 2 રૂપિયાની પ્લેટફોર્મ ફી વસૂલવાનું શરૂ કર્યું છે. ખાસ વાત એ છે કે આ વધારાનો ચાર્જ કોઈપણ પેમેન્ટ મોડ (UPI, ડેબિટ કાર્ડ, ક્રેડિટ કાર્ડ અને PhonePe વૉલેટ) દ્વારા રિચાર્જ પર લાગુ કરવામાં આવી રહ્યો છે. નીચે આપેલા સ્ક્રીનશોટમાં તમે જોઈ શકો છો કે 100 રૂપિયાના મોબાઈલ રિચાર્જ માટે તમારે 101 રૂપિયા ચૂકવવા પડશે. કંપની આ ચુકવણીમાં 1 રૂપિયાની પ્લેટફોર્મ ફી વસૂલ કરી રહી છે.

પેટીએમ 1 થી 6 રૂપિયા સુધી સરચાર્જ વસૂલ કરે છે, જે તમામ ગ્રાહકોને લાગુ પડતું નથી

Paytm એ પણ છેલ્લા કેટલાક સમયથી મોબાઈલ રિચાર્જ અથવા બિલ પેમેન્ટ માટે સરચાર્જ વસૂલવાનું શરૂ કર્યું છે. મોબાઈલ રિચાર્જ પર તે 1 થી 6 રૂપિયાની વચ્ચે છે. આ સરચાર્જ પેટીએમ વોલેટ બેલેન્સ, પેટીએમ પોસ્ટપેડ, યુપીઆઈ, ક્રેડિટ કાર્ડ, ડેબિટ કાર્ડ જેવા તમામ પેમેન્ટ મોડ્સ પર વસૂલવામાં આવે છે. જો કે, આ સરચાર્જ તમામ વપરાશકર્તાઓ પાસેથી લેવામાં આવી રહ્યા નથી.