Income Tax Refund: આ કારણોસર તો નથી અટક્યું ને તમારું રિફંડ ? આવકવેરા વિભાગે આપ્યું નવુ અપડેટ   

આવકવેરા વિભાગે રિટર્ન ભરવાની પ્રક્રિયા (ITR) અને રિટર્નની પ્રક્રિયા ખૂબ જ સરળ બનાવી છે. અગાઉ આ સમગ્ર પ્રક્રિયા જટિલ હતી અને તેમાં મહિનાઓ લાગી જતા હતા.

તસવીર સોશિયલ મીડિયા

Income Tax Refund :   આવકવેરા વિભાગે રિટર્ન ભરવાની પ્રક્રિયા (ITR) અને રિટર્નની પ્રક્રિયા ખૂબ જ સરળ બનાવી છે. અગાઉ આ સમગ્ર પ્રક્રિયા જટિલ હતી અને તેમાં મહિનાઓ લાગી જતા હતા. હવે આ માત્ર થોડા દિવસોનું કામ બાકી છે. આ કારણે કરદાતાઓને રિટર્ન ફાઈલ કર્યાના થોડા દિવસોમાં જ રિફંડ મળી જાય છે. જો કે દરેક સાથે આવું થતું નથી અને ઘણા કિસ્સાઓમાં કરદાતાઓનું રિફંડ અટકી જાય છે.   

આટલા લોકોને રિફંડ મળ્યું છે 

આવકવેરા વિભાગના ડેટા અનુસાર, કરદાતાઓએ એસેસમેન્ટ વર્ષ (Assessment Year 2023-24) માં કુલ 7.09 કરોડ રિટર્ન ફાઇલ કર્યા છે. તેમાંથી 6.96 કરોડ રિટર્નની ચકાસણી કરવામાં આવી છે. આવકવેરા વિભાગે અત્યાર સુધીમાં 6.46 કરોડ રિટર્નની પ્રક્રિયા કરી છે. આવકવેરા વિભાગનું કહેવું છે કે પ્રક્રિયા કરાયેલા રિટર્નમાંથી 2.75 કરોડ રૂપિયાના કેસમાં કરદાતાઓને રિફંડ આપવામાં આવ્યા છે.

ડિપાર્ટમેન્ટ દ્વારા  આ અપડેટ  આપવામાં આવ્યું  

ડેટા સ્પષ્ટપણે દર્શાવે છે કે હજુ પણ ઘણા કરદાતાઓ છે જેમણે આવકવેરા રિફંડ મેળવ્યું નથી. આવકવેરા વિભાગે એક લેટેસ્ટ સોશિયલ મીડિયા અપડેટમાં આ અંગેની માહિતી આપી છે. જો તમને પણ હજુ સુધી આવકવેરા વિભાગ તરફથી રિફંડ મળ્યું નથી તો વિભાગ તરફથી આ અપડેટ તમારા માટે ઉપયોગી સાબિત થઈ શકે છે.

આ કારણોસર રિફંડ અટકી ગયું છે  

આવકવેરા વિભાગનું કહેવું છે કે આવા ઘણા કેસ છે જેમાં જૂની માંગણીઓ પેન્ડિંગ છે. આવા કિસ્સાઓમાં  આવકવેરા વિભાગ રિફંડમાં જૂના લેણાંને એડજસ્ટ  કરે છે. આ સંદર્ભમાં, આવકવેરા અધિનિયમ 1961 ની કલમ 245 (1) જોગવાઈ કરે છે કે રિફંડમાં જૂના લેણાંને  એડજસ્ટ કરતા પહેલા કરદાતાને તેમનો પક્ષ  રજૂ કરવાની તક આપવી જોઈએ.

ટેક્સપેયર્સને ડિપાર્ટમેન્ટની રિક્વેસ્ટ

આવકવેરા ડિપાર્ટમેન્ટનું કહેવું છે કે,  આ પ્રકારના તમામ કેસોમાં તેણે સંબંધિત કરદાતાઓને નોટિસ મોકલીને જાણ કરી છે. આ પગલું કરદાતાઓના હિતોનું રક્ષણ કરવા માટે છે અને આ રીતે તેમને ન્યાયના સિદ્ધાંતો હેઠળ નવી તક આપવામાં આવી રહી છે. વિભાગે આવા તમામ કરદાતાઓને નોટિસ મળતાં જ વિભાગની ઓફિસમાં જઈને જૂની ડિમાન્ડ ક્લિયર કરવા વિનંતી કરી છે.    

Join Our Official Telegram Channel:
https://t.me/abpasmitaofficial