એક જાન્યુઆરીથી બદલાઇ જશે ટેલિકોમનો આ નિયમ, Jio, Airtel, BSNL, Vi પર પડશે અસર

Telecom New Rule:નવો નિયમ 1 જાન્યુઆરીથી લાગુ થવા જઈ રહ્યો છે. ઓપ્ટિકલ ફાઈબર અને ટેલિકોમ ટાવર ઈન્સ્ટોલ કરવામાં તેને પ્રોત્સાહન આપવામાં આવશે

પ્રતિકાત્મક તસવીર

Source : Getty

Telecom New Rule: સરકાર દ્વારા સમયાંતરે ટેલિકોમ નિયમોમાં ફેરફાર કરવામાં આવે છે. ટેલિકોમ એક્ટમાં કેટલાક નિયમો ઉમેરવામાં આવ્યા હતા, જેનું પાલન કરવા માટે તમામ રાજ્યોને પણ કહેવામાં આવ્યું છે. આને રાઈટ ઓફ વે (RoW) રૂલ નામ આપવામાં આવ્યું હતું. દરેક રાજ્યને તેને અપનાવવા માટે કહેવામાં આવ્યું હતું. આ સિવાય અલગ-અલગ રાજ્યોને ચાર્જમાં પણ છૂટ આપવામાં આવી હતી.

ETના અહેવાલ મુજબ નવો નિયમ 1 જાન્યુઆરીથી લાગુ થવા જઈ રહ્યો છે. ઓપ્ટિકલ ફાઈબર અને ટેલિકોમ ટાવર ઈન્સ્ટોલ કરવામાં તેને પ્રોત્સાહન આપવામાં આવશે. ટેલિકોમ ઓપરેટરો અને ઈન્ફ્રાસ્ટ્રક્ચર પ્રોવાઈડર્સને પણ આનાથી ઘણી મદદ મળવાની છે. DoT સેક્રેટરી નીરજ મિત્તલે આ મામલે તમામ રાજ્યોના સચિવોને પત્ર લખ્યો છે. તેમણે કહ્યું છે કે દરેક વ્યક્તિએ 30 નવેમ્બર સુધીમાં તેની ખાતરી કરવી જોઈએ. આ પછી 1 જાન્યુઆરીથી RoW પોર્ટલના નવા નિયમો લાગુ કરવામાં આવશે.

આ સંદર્ભમાં DoT સેક્રેટરી નીરજ મિત્તલે કહ્યું કે, 'નવો નિયમ જાન્યુઆરી 2025થી લાગુ થવો જોઈએ. વર્તમાન RoW નિયમ અહીં અટકવો  જોઈએ. એટલે કે હવે નવો નિયમ લાગુ થશે. નવો નિયમ આવ્યા પછી રાજ્યોને વધુ સત્તા આપવામાં આવશે જેથી કરીને તેઓ પોતે જ આ મામલે ઓથોરિટીને સ્પષ્ટતા આપી શકે.

જાણો RoW નિયમો શું છે?

નોંધનીય છે કે RoW નિયમો જાહેર અને ખાનગી સંપત્તિ પર ટાવર અથવા ટેલિકોમ ઈન્ફ્રાસ્ટ્રક્ચર સ્થાપિત કરવા માટેના ધોરણો નક્કી કરે છે. તેની મદદથી જ સરકાર ટેલિકોમ ઈન્ફ્રાસ્ટ્રક્ચરને આધુનિક બનાવવા પર ધ્યાન કેન્દ્રિત કરે છે. તમામ મિલકત માલિકો અને ટેલિકોમ પ્રદાતાઓ RoW નિયમોનું પાલન કરે છે કારણ કે આ હેઠળ, જાહેર સલામતી અને પારદર્શિતાને ઘણું મહત્વ આપવામાં આવે છે. 1 જાન્યુઆરી પછી ઘણા ફેરફારો જોવા મળી શકે છે.       

5G પર રહેશે ધ્યાન

RoW ના નવા નિયમો 5G પર ધ્યાન કેન્દ્રિત કરશે. આ નિયમ ઝડપી નેટવર્ક માટે ખૂબ જ અસરકારક સાબિત થઈ શકે છે કારણ કે હાલમાં સમગ્ર દેશમાં 5G ટાવર લગાવવા પર ફોકસ કરવામાં આવી રહ્યું છે.