Novavax Shares: કોવિડ-19 રસીની ઓછી માંગની કારણે નોવાવેક્સના સ્ટોકમાં મોટો કડાકો

કંપનીએ પ્રોટીન આધારિત કોવિડ-19 રસી જુલાઇ 2022 માં યુ.એસ.માં પુખ્ત વયના લોકોમાં ઉપયોગ માટે અધિકૃત કરવામાં આવી હતી.

પ્રતિકાત્મક તસવીર

Novavax Shares: નોવાવેક્સ ઈન્ક.એ સોમવારે એક અંદાજ આપ્યો છે, જેના આધારે ગઈકાલે યુએસ બજારોમાં કંપનીના શેરમાં મોટો ઘટાડો નોંધાયો છે. ગઈકાલે નાસ્ડેક પર નોવાવેક્સના શેરમાં 33 ટકાનો મોટો ઘટાડો નોંધાયો હતો. હકીકતમાં, નોવાવેક્સે તેના આખા વર્ષના આવકના અંદાજમાં અડધો ઘટાડો કર્યો છે. તેની અસર કંપની માટે મોટી નકારાત્મક સાબિત થઈ, નોવાવેક્સના શેરમાં ભારે ઘટાડો થયો.

કંપનીએ શું અનુમાન લગાવ્યું છે

નોવાવેક્સ, કોવિડ-19 રસી ઉત્પાદક, તેની કોવિડ રસીની માંગ ઓછી હોવાનો અંદાજ બતાવી રહી છે. આ મુજબ, 2022 માં તેની કુલ આવક $2 બિલિયનથી $2.3 બિલિયનની વચ્ચે હોઈ શકે છે, જ્યારે અગાઉ કંપનીએ અનુમાન લગાવ્યું હતું કે તેની આવક $4 બિલિયનથી $5 બિલિયનની વચ્ચે હોઈ શકે છે.

જુલાઈમાં, કંપનીને યુએસએમાં મંજૂરી મળી

નોવાવેક્સની પ્રોટીન આધારિત કોવિડ-19 રસી જુલાઇ 2022 માં યુ.એસ.માં પુખ્ત વયના લોકોમાં ઉપયોગ માટે અધિકૃત કરવામાં આવી હતી. જો કે, તાજેતરના સરકારી આંકડાઓ અનુસાર, યુએસમાં અત્યાર સુધીમાં માત્ર 7,381 રસી આપવામાં આવી છે.

કંપનીએ બીજા ક્વાર્ટર એટલે કે જૂનના અંત સુધીમાં 55 મિલિયન રસીઓનું વેચાણ નોંધાવ્યું છે, જે પ્રથમ ક્વાર્ટર (જાન્યુઆરી-માર્ચ) કરતાં ઘણું ઓછું છે. અગાઉના ક્વાર્ટરમાં, નોવાવેક્સે 586 મિલિયન કોવિડ-19 રસીઓનું વેચાણ હાંસલ કર્યું હતું. મેન્યુફેક્ચરિંગ મુશ્કેલીઓ ઉપરાંત, કંપની નિયમનકારી વિલંબ તેમજ યુરોપ જેવા મુખ્ય બજારોમાં વેચાણની ધીમી સ્થિતિનો પણ સામનો કરી રહી છે.

નોવાવેક્સના શેરની ચાલ

ગઈકાલના ટ્રેડિંગમાં, નોવાવેક્સના શેર $ 38.80 પર ટ્રેડ થઈ રહ્યા હતા અને જો આપણે આ વર્ષના ઘટાડાને જોઈએ તો, લગભગ 60 ટકાનો ઘટાડો નોંધયો છે.

આ પણ વાંચોઃ