NSE: એનએસઈએ 1000 કંપનીઓને આ યાદીમાંથી બહાર કરી, જાણો આ ફેરફારથી રોકાણકારો પર શું અસર થશે
Collateral List: NSEએ પરિપત્ર જારી કરીને જણાવ્યું કે 1 ઓગસ્ટથી અનેક તબક્કાઓમાં આ 1010 કંપનીઓને યાદીમાંથી દૂર કરવામાં આવશે. આમાં અદાણી પાવર, યસ બેંક, ભારત ડાયનેમિક્સ અને પેટીએમ પણ સામેલ છે.
Collateral List: નેશનલ સ્ટોક એક્સચેન્જ (NSE)એ ઇન્ટ્રાડે અને ડેરિવેટિવ ટ્રેડિંગની માર્જિન ફંડિંગ માટે બનેલી કોલેટરલ લિસ્ટમાં મોટો ફેરફાર કર્યો છે. આ યાદીમાં હાજર 1730 સિક્યોરિટીઝમાંથી 1010ને બહાર કરી દેવામાં આવી છે. NSEનો આ નિર્ણય 1 ઓગસ્ટથી લાગુ થવા જઈ રહ્યો છે. આમાં અદાણી પાવર (Adani Power), યસ બેંક (YES Bank), સુઝલોન (Suzlon), ભારત ડાયનેમિક્સ (Bharat Dynamics) અને પેટીએમ (Paytm) જેવી મોટી કંપનીઓ પણ સામેલ છે.
NSEએ જારી કર્યો પરિપત્ર
NSE (National Stock Exchange)એ તાજેતરના પરિપત્રમાં માહિતી આપી છે કે ઇન્ટ્રાડે અને ડેરિવેટિવ ટ્રેડિંગમાં માર્જિન ફંડિંગ માટે કોલેટરલ તરીકે વપરાતી સિક્યોરિટીઝની યાદીને કડક કરવામાં આવી રહી છે. એક્સચેન્જે કહ્યું કે તે માત્ર એ સિક્યોરિટીઝને કોલેટરલ તરીકે સ્વીકારશે, જેનો છેલ્લા 6 મહિનામાં ઓછામાં ઓછા 99 ટકા દિવસોમાં વેપાર થયો છે અને 1 લાખ રૂપિયાના ઓર્ડર વેલ્યુ માટે 0.1 ટકા સુધીની ઇમ્પેક્ટ કોસ્ટ છે.
બાય નાઉ, પે લેટર જેવી સુવિધા છે MTF
માર્જિન ટ્રેડિંગ ફેસિલિટી (MTF)ની તુલના 'બાય નાઉ, પે લેટર' સાથે કરી શકાય છે. MTF રોકાણકારોને કુલ ટ્રેડ વેલ્યુના એક ભાગ માટે શેર ખરીદવાની મંજૂરી આપે છે. રોકાણકારો થોડી રકમ રોકે છે બાકીના પૈસા તેમને બ્રોકર પાસેથી વ્યાજ પર મળે છે. ઉદાહરણ તરીકે, જો કોઈ રોકાણકાર 100 રૂપિયા પ્રતિ શેર પર વેપાર કરતી કોઈ કંપનીના 1,000 શેર ખરીદવા માંગે છે તો તેને 1 લાખ રૂપિયાની જરૂર પડશે. MTFની મદદથી તે માત્ર 30 હજાર રૂપિયા આપશે બાકીના 70 હજાર રૂપિયા તેને બ્રોકર પાસેથી મળશે.
આ કંપનીઓના સ્ટોક ગીરવે નહીં રાખી શકાય
આના બદલામાં તમારે તમારા એકાઉન્ટમાં રહેલા સ્ટોક અથવા અન્ય સિક્યોરિટીઝ ગીરવે રાખવા પડશે. આને કોલેટરલ માનવામાં આવે છે. હવે નવા પરિપત્ર મુજબ યાદીમાંથી દૂર કરાયેલી 1010 કંપનીઓના સ્ટોક કોલેટરલ તરીકે સ્વીકારવામાં નહીં આવે. આ યાદીમાં ભારતી હેક્સાકોમ, આઈઆરબી ઇન્ફ્રા, એનબીસીસી, ગો ડિજિટ, ટાટા ઇન્વેસ્ટમેન્ટ, આઇનોક્સ વિન્ડ, જુપિટર વેગન, જ્યોતિ સીએનસી, જેબીએમ ઓટો, હેટસન એગ્રો અને તેજસ નેટવર્ક જેવી કંપનીઓને બહાર કરી દેવામાં આવી છે. આને અનેક તબક્કાઓમાં કોલેટરલ લિસ્ટમાંથી બહાર કરવામાં આવશે.
ટ્રેન્ડિંગ સમાચાર
ટોપ સ્ટોરી
