Pension Scheme: LICની આ સ્કીમમાં માત્ર એક જ વાર કરો રોકાણ, પતિ-પત્ની બંનેને મળશે પેન્શન

સંયુક્ત ખાતું ખોલવા પર, પોલિસી ધારક અને તેની પત્નીના નામ પર પેન્શન મેળવી શકાય છે. બે સભ્યોમાંથી એકને પહેલા પેન્શન આપવામાં આવે છે અને પોલિસી ધારકના મૃત્યુ પર પત્નીને પેન્શનની રકમ મળે છે.

પ્રતિકાત્મક તસવીર

LIC Saral Pension Yojana: નિવૃત્તિ પછી નિયમિત આવક માટે ઘણી પેન્શન યોજનાઓ છે, જે સરકાર, LIC અને બેંકો દ્વારા ચલાવવામાં આવે છે. આ યોજનાઓમાં, તમે એકવાર પૈસાનું રોકાણ કરીને જીવનભરની આવક મેળવી શકો છો. જો તમે પણ નિવૃત્તિ પછી પેન્શન મેળવવા માંગો છો, તો અમે તમને આવી જ એક યોજના વિશે જણાવવા જઈ રહ્યા છીએ, જે તમને મદદ કરી શકે છે. આ યોજના LIC દ્વારા ચલાવવામાં આવતી એક સરળ પેન્શન યોજના (LIC સરલ પેન્શન યોજના) છે.

LIC સરલ પેન્શન સ્કીમ એ નોન-લિંક્ડ, સિંગલ પ્રીમિયમ, વ્યક્તિગત તાત્કાલિક વાર્ષિકી યોજના છે. આ પેન્શન યોજનામાં એકલ અને સંયુક્ત એમ બંને રીતે લાભો આપવામાં આવે છે. પેન્શન યોજના હેઠળ, જો તમે એક જ ખાતું ખોલો છો, તો તમને જીવનભર પેન્શન મળતું રહેશે અને જ્યારે પોલિસી ધારકનું મૃત્યુ થાય છે, ત્યારે બેઝ પ્રાઈઝ નોમિનીને પરત કરવામાં આવશે.

સંયુક્ત ખાતું ખોલવા પર, પોલિસી ધારક અને તેની પત્નીના નામ પર પેન્શન મેળવી શકાય છે. બે સભ્યોમાંથી એકને પહેલા પેન્શન આપવામાં આવે છે અને પોલિસી ધારકના મૃત્યુ પર પત્નીને પેન્શનની રકમ મળે છે. જો બંને સંયુક્ત ખાતા હેઠળ મૃત્યુ પામે છે, તો પેન્શનનો મૂળ રકમ નોમિનીને આપવામાં આવે છે.

પ્રીમિયમ માત્ર એક જ વાર ભરવાનું રહેશે

LICની આ યોજના હેઠળ માત્ર એક જ વાર રોકાણ કરીને, તમે જીવનભર પેન્શન મેળવી શકો છો. આ યોજના હેઠળ પેન્શનની રકમ પોલિસીનું પ્રીમિયમ ચૂકવ્યા પછી જ શરૂ થાય છે, કારણ કે તે તાત્કાલિક વાર્ષિકી યોજના છે, જેનો અર્થ છે કે પોલિસી લેતાની સાથે જ પેન્શન આપવામાં આવે છે.

કોણ રોકાણ કરી શકે છે

LIC ની આ પેન્શન યોજના હેઠળ, ફક્ત 40 થી 80 વર્ષની વયના લોકો જ આ પેન્શન યોજનામાં રોકાણ કરી શકે છે. આ સ્કીમમાં પતિ-પત્ની સાથે મળીને રોકાણ કરી શકાય છે અને આ એકાઉન્ટ 6 મહિના પછી સરન્ડર પણ કરી શકાય છે.

આ પણ વાંચોઃ