![ABP Premium](https://cdn.abplive.com/imagebank/Premium-ad-Icon.png)
Petrol-Diesel Price: જો આવું થાય તો પેટ્રોલ અને ડીઝલના ભાવ હજુ ઘટી શકે છે
વૈશ્વિક ક્રૂડ ઓઈલના ભાવમાં નવા ઘટાડાને દક્ષિણ આફ્રિકામાં મળી આવેલા નવા કોવિડ-19 વેરિઅન્ટના કારણે વિશ્વભરમાં ચિંતાના વાતાવરણના પ્રતિભાવ તરીકે જોવામાં આવી રહ્યો છે.
![Petrol-Diesel Price: જો આવું થાય તો પેટ્રોલ અને ડીઝલના ભાવ હજુ ઘટી શકે છે petrol diesel price cut sustained drop in international crude oil rates Petrol-Diesel Price: જો આવું થાય તો પેટ્રોલ અને ડીઝલના ભાવ હજુ ઘટી શકે છે](https://feeds.abplive.com/onecms/images/uploaded-images/2021/11/11/5575c20c9eb218d93623abe596b6017e_original.jpg?impolicy=abp_cdn&imwidth=1200&height=675)
Petrol-Diesel Price To Drop: દરરોજ આખા દેશની નજર પેટ્રોલ અને ડીઝલની કિંમતો પર હોય છે. જો કે કેન્દ્ર સરકારે પેટ્રોલ અને ડીઝલ પરની એક્સાઈઝ ડ્યુટી ઘટાડી દીધા બાદ છેલ્લા 26 દિવસથી કિંમતો સ્થિર છે, પરંતુ તેમ છતાં ભાવો ખૂબ ઊંચા છે. લોકો આનાથી પરેશાન છે અને પેટ્રોલ-ડીઝલના વધેલા ભાવોથી કોઈ રીતે છુટકારો મેળવવા માંગે છે કારણ કે, ભારતમાં પહેલીવાર પેટ્રોલ અને ડીઝલના ભાવ આટલા ઊંચા છે.
પેટ્રોલ અને ડીઝલના ભાવ ઘટવાથી શું થશે?
આવી સ્થિતિમાં સારા સમાચાર એ છે કે જો આંતરરાષ્ટ્રીય સ્તરે ક્રૂડ ઓઈલની કિંમતોમાં ઘટાડો ચાલુ રહેશે તો આગામી દિવસોમાં દેશમાં પેટ્રોલ અને ડીઝલના ભાવમાં ઘટાડો થઈ શકે છે. નવેમ્બર દરમિયાન વૈશ્વિક બેન્ચમાર્ક બ્રેન્ટ ક્રૂડ ઓઈલના ભાવ બેરલ દીઠ આશરે $80-82ની રેન્જમાં રહ્યા હતા. જો કે શુક્રવારે ક્રૂડ ઓઈલના ભાવમાં લગભગ $4 પ્રતિ બેરલનો ઘટાડો થયો હતો.
જો ક્રૂડ ઓઈલના ભાવમાં ઘટાડો ચાલુ રહે તો...
આવી સ્થિતિમાં જો વૈશ્વિક ક્રૂડ ઓઈલની કિંમતોમાં આ ઘટાડો ચાલુ રહેશે તો ભારતીય બજારમાં પણ પેટ્રોલ અને ડીઝલના ભાવમાં વધુ ઘટાડો જોવા મળી શકે છે. જેના કારણે ઘરેલુ ગ્રાહકોને વધુ રાહત મળશે. લોકો તેની જ રાહ જોઈ રહ્યા છે. તેલની વધતી કિંમતોને કારણે લોકો હાલમાં ઈલેક્ટ્રીક વાહનો તરફ નજર દોડાવી રહ્યા છે.
ક્રૂડ ઓઈલના ભાવ કેમ ઘટ્યા?
વૈશ્વિક ક્રૂડ ઓઈલના ભાવમાં નવા ઘટાડાને દક્ષિણ આફ્રિકામાં મળી આવેલા નવા કોવિડ-19 વેરિઅન્ટના કારણે વિશ્વભરમાં ચિંતાના વાતાવરણના પ્રતિભાવ તરીકે જોવામાં આવી રહ્યો છે. આનાથી આર્થિક વૃદ્ધિમાં ઘટાડો થઈ શકે છે અને સમગ્ર વિશ્વમાં ક્રૂડ ઓઈલની માંગમાં ઘટાડો થઈ શકે છે, પરિણામે ક્રૂડ ઓઈલના ભાવમાં વધુ ઘટાડો થઈ શકે છે.
ભારતમાં 5 નવેમ્બરથી પેટ્રોલ ડીઝલના ભાવમાં કોઈ ફેરફાર થયો નથી
5 નવેમ્બરથી પેટ્રોલ અને ડીઝલની છૂટક કિંમતોમાં કોઈ ફેરફાર કરવામાં આવ્યો નથી. તે યથાવત રહે છે. પેટ્રોલ અને ડીઝલની સ્થિર કિંમતો એકસાઇઝ ડ્યુટીમાં અનુક્રમે લિટર દીઠ રૂ. 5 અને રૂ. 10 પ્રતિ લિટરના ઘટાડા પછી આવી છે. આ પછી ઘણા રાજ્યોએ તેમના પર વસૂલવામાં આવતા વેટમાં પણ ઘટાડો કર્યો હતો, જેના કારણે લોકોને બેવડી રાહત મળી હતી.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)