Petrol Diesel Price: ફરી મોંઘવારીનો આંચકો ! આજે પણ વધી પેટ્રોલની કિંમત, ડીઝલના ભાવમાં કોઈ ફેરફાર નહીં

આંતરરાષ્ટ્રીય બજારમાં બ્રેન્ટ ક્રૂડની કિંમત લગભગ $85 પ્રતિ બેરલ છે.

પ્રતિકાત્મક તસવીર

Petrol Diesel Price 2 November 2021: દેશભરમાં પેટ્રોલ અને ડીઝલના ભાવ રેકોર્ડ સ્તરે છે. મંગળવારે ધનતેરસના દિવસે પેટ્રોલના ભાવમાં વધારો થયો છે, જોકે ડીઝલની કિંમતમાં કોઈ ફેરફાર થયો નથી. રાજધાની દિલ્હીમાં 35 પૈસા પ્રતિ લીટરના વધારા બાદ હવે પેટ્રોલ 110 રૂપિયાને પાર પહોંચી ગયું છે. દિલ્હીમાં આજે પેટ્રોલની કિંમત 110.04 રૂપિયા છે જ્યારે ડીઝલ 98.42 રૂપિયા પ્રતિ લીટર છે.

દેશની આર્થિક રાજધાની મુંબઈમાં હવે પેટ્રોલની કિંમત 115.85 રૂપિયા અને ડીઝલની કિંમત 106.62 રૂપિયા પ્રતિ લીટર છે. તે જ સમયે, કોલકાતામાં પેટ્રોલ 110.49 રૂપિયા છે જ્યારે ડીઝલ 101.56 રૂપિયા પ્રતિ લિટર છે. ચેન્નાઈમાં પણ પેટ્રોલ 106.66 રૂપિયા પ્રતિ લીટર અને ડીઝલ 102.59 રૂપિયા પ્રતિ લીટરના ભાવે વેચાઈ રહ્યું છે. દેશમાં સૌથી મોંઘુ પેટ્રોલ મધ્યપ્રદેશના બાલાઘાટમાં 121.29 પ્રતિ લીટર છે.

આંતરરાષ્ટ્રીય બજારમાં બ્રેન્ટ ક્રૂડની કિંમત લગભગ $85 પ્રતિ બેરલ છે. એવું કહેવામાં આવી રહ્યું છે કે આંતરરાષ્ટ્રીય સ્તરે તેલની કિંમતોમાં સતત વધારા બાદ દેશભરમાં પેટ્રોલ અને ડીઝલના ભાવમાં ફરી વધારો થયો છે.

તમે SMS દ્વારા પેટ્રોલ અને ડીઝલના ભાવ જાણી શકો છો

તમે ઘરે બેઠા જ જાણી શકો છો પેટ્રોલ અને ડીઝલની કિંમત. એસએમએસ દ્વારા પેટ્રોલ અને ડીઝલના ભાવ જાણવાની એક સરળ રીત છે. આ માટે તમારે RSP સ્પેસ પેટ્રોલ પંપનો કોડ લખીને 9224992249 પર SMS મોકલવો પડશે અને ઇન્ડિયન ઓઇલના પેટ્રોલ પંપ પર તેલના ભાવ જાણવા માટે RSP લખીને 9223112222 પર BPCLના ગ્રાહકને SMS મોકલવો પડશે. આ સિવાય HPCLના ગ્રાહકો 9222201122 નંબર પર લખીને પેટ્રોલ અને ડીઝલની કિંમત જાણી શકે છે.

પેટ્રોલ ડીઝલના ભાવ દરરોજ સવારે 6 વાગ્યે બદલાય છે. નવા દરો સવારે 6 વાગ્યાથી લાગુ થશે. પેટ્રોલ અને ડીઝલની કિંમતમાં એક્સાઈઝ ડ્યુટી, ડીલર કમિશન અને અન્ય વસ્તુઓ ઉમેર્યા બાદ તેની કિંમત લગભગ બમણી થઈ જાય છે.