No-Confidence Motion: શેર બજારના રોકાણકારોને PM મોદીએ આપ્યો ગુરુમંત્ર, કહ્યું, આ કંપનીમાં રોકાણ કરી દો માલામાલ થઈ જશો

No-Confidence Motion:  લોકસભામાં અવિશ્વાસ પ્રસ્તાવ પર બોલતા વડાપ્રધાન નરેન્દ્ર મોદીએ શેરબજારના રોકાણકારોને રોકાણ કરવા માટે ગુરુ મંત્ર આપ્યો છે.

પ્રતિકાત્મક તસવીર

No-Confidence Motion:  લોકસભામાં અવિશ્વાસ પ્રસ્તાવ પર બોલતા વડાપ્રધાન નરેન્દ્ર મોદીએ શેરબજારના રોકાણકારોને રોકાણ કરવા માટે ગુરુ મંત્ર આપ્યો છે. લોકસભામાં અવિશ્વાસ પ્રસ્તાવ પર બોલતા પીએમ મોદીએ કહ્યું કે, જે સરકારી કંપનીઓ પર નિવેદનો આપવામાં આવે છે તમે તે સરકારી કંપનીઓમાં રોકાણ કરો સારુ વળતર મળશે.

 

#WATCH | Hindustan Aeronautics Limited (HAL) recorded its highest-ever revenue. Despite their (opposition's) allegations, HAL has emerged as the pride of the country. They said many things about LIC that the money of the poor will sink but today LIC is getting stronger. 'Share… pic.twitter.com/dH2eOoGuk9

— ANI (@ANI) August 10, 2023

 HALની આવકમાં વધારો
અવિશ્વાસ પ્રસ્તાવ લાવવા માટે વિપક્ષ પર પ્રહાર કરતા વડાપ્રધાને કહ્યું કે સંરક્ષણ ક્ષેત્રની દિગ્ગજ હિંદુસ્તાન એરોનોટિક્સ લિમિટેડ માટે શું શું નથી કહેવામાં આવ્યું. પરંતુ HAL એ તેના અત્યાર સુધીના ઇતિહાસમાં છેલ્લા નાણાકીય વર્ષમાં સૌથી વધુ આવક મેળવી છે. વડાપ્રધાને કહ્યું કે HAL દેશના ગૌરવ તરીકે ઉભરી આવ્યું છે.

એલઆઈસી મજબૂત થઈ રહી છે
વિપક્ષ પર પ્રહાર કરતા વડાપ્રધાને કહ્યું કે જાહેર ક્ષેત્રની વીમા કંપની LIC માટે પણ  અનેક ખોટા નિવેદનો આપવામાં આવ્યા છે. આજે LIC સતત મજબૂત બની રહી છે. આ પછી, વડા પ્રધાને શેરબજારના રોકાણકારોને રોકાણનો મંત્ર આપ્યો અને કહ્યું કે વિપક્ષો જેને કોસે છે તે કોઈપણ સરકારી કંપનીઓના શેર ખરીદો તે તમારા માટે સારું રહેશે.

અદાણીના શેરોમાં રોકાણથી LICને થયું નુકસાન!
વાસ્તવમાં હિંડનબર્ગ રિસર્ચ રિપોર્ટ સામે આવ્યા બાદ જ્યારે અદાણી ગ્રૂપના શેરોમાં જોરદાર ઘટાડો થયો હતો, ત્યારે અદાણી ગ્રૂપની કંપનીઓમાં રોકાણ કરવા માટે LIC ને નિશાન બનાવવામાં આવી હતી. હિંડનબર્ગનો રિપોર્ટ 24 જાન્યુઆરી 2023ના રોજ બહાર પાડવામાં આવ્યો હતો, તે દિવસે LICનો શેર રૂ.702 પર ટ્રેડ થઈ રહ્યો હતો. જ્યારે એલઆઈસીના શેરમાં ભારે ઘટાડો થયો હતો, ત્યારે અદાણી ગ્રુપના શેરમાં એલઆઈસીના રોકાણનું મૂલ્ય 82000 કરોડ રૂપિયા હતું, જે ઘટીને લગભગ 31000 કરોડ રૂપિયા થઈ ગયું હતું. પરંતુ અદાણી ગ્રૂપની કંપનીઓમાં GQG પાર્ટનર્સના રોકાણ પછી, અદાણીના શેરોમાં તેજી આવી, જે પછી LIC ફરીથી તેના રોકાણ પર નફામાં પાછી આવી.