Pyramid Technoplast IPO: આજે ખુલ્યો Pyramid Technoplast નો આઇપીઓ, જાણો કેટલી છે પ્રાઈસ બેન્ડ?

Pyramid Technoplast IPO: તમે આ IPOમાં 18 થી 22 ઓગસ્ટ સુધી રોકાણ કરી શકો છો

પ્રતિકાત્મક તસવીર

Source : Getty

Pyramid Technoplast IPO: આજે વધુ એક IPO ઓપન થયો હતો.  Pyramid Technoplast IPO આજે રોકાણકારો માટે ઓપન થયો છે. જો તમે પણ IPOમાં રોકાણ કરવાનું વિચારી રહ્યા છો, તો તેની સાથે જોડાયેલી કેટલીક મહત્વપૂર્ણ બાબતો વિશે જાણવું જરૂરી છે. તમે આ IPOમાં 18 થી 22 ઓગસ્ટ સુધી પૈસા રોકી શકો છો. કંપનીએ IPO દ્વારા કુલ 153.05 કરોડ રૂપિયા એકઠા કરવાનો લક્ષ્યાંક રાખ્યો છે. તેમાંથી 91.30 કરોડ રૂપિયાના નવા શેર જાહેર કરવામાં આવ્યા છે. ઓફર ફોર સેલ દ્વારા 61.75 કરોડ રૂપિયાના શેર જાહેર કરવામાં આવ્યા છે.

IPO ની પ્રાઇસ બેન્ડ અને GMP શું છે?

કંપનીએ ઇશ્યુ શેરની પ્રાઇસ બેન્ડ 151 થી 166 રૂપિયા વચ્ચે નક્કી કરી છે. જ્યારે તેના ગ્રે માર્કેટ પ્રીમિયમ (GMP) વિશે વાત કરવામાં આવે છે, ત્યારે તે હાલમાં 28 રૂપિયા પ્રતિ શેર છે. આ IPOમાં રોકાણકારો એક સાથે 90 જેટલા શેર ખરીદી શકે છે. જ્યારે સબસ્ક્રાઇબર્સને શેરની ફાળવણી 25 ઓગસ્ટ, 2023 ના રોજ થવાની સંભાવના છે. કંપનીના શેરનું લિસ્ટિંગ 30 ઓગસ્ટ, 2023ના રોજ થશે. આ શેર NSE અને BSE પર લિસ્ટ થશે.

કંપની IPOની રકમનું શું કરશે?

નોંધનીય છે કે આ રકમમાંથી કંપની તેનું દેવું ચૂકવવા માટે રૂ. 40 કરોડનો ઉપયોગ કરશે. અને બાકીની 40.21 કરોડ રૂપિયાનો ઉપયોગ પિરામિડ ટેક્નોપ્લાસ્ટ દ્વારા સામાન્ય કોર્પોરેટ જરૂરિયાતોને પહોંચી વળવા માટે કરવામાં આવશે. નોંધનીય છે કે માર્ચ 2023 સુધી કંપની પર કુલ 55.34 કરોડ રૂપિયાનું દેવું હતું. વર્ષ 2022 સુધીમાં આ આંકડો 64.8 કરોડ રૂપિયા હતો. આ IPOમાં 20 ટકા શેર NII માટે, 30 ટકા QIB માટે અને બાકીનો 50 ટકા રિટેલ રોકાણકારો માટે અનામત રાખવામાં આવ્યો છે.

કંપની શું કરે છે

પિરામિડ ટેક્નોપ્લાસ્ટ કંપની પ્લાસ્ટિકના ડ્રમના ઉત્પાદનમાં સંકળાયેલી છે જેનો ઉપયોગ કેમિકલ અને ફાર્મા કંપનીઓ કરે છે. આ કંપનીએ વર્ષ 1998માં ડ્રમ બનાવવાની શરૂઆત કરી હતી. ત્યારથી લઈને અત્યાર સુધીમાં તેના દેશભરમાં કુલ 6 મેન્યુફેક્ચરિંગ પ્લાન્ટ છે. આ પ્લાન્ટ્સ ગુજરાત અને દાદર નગર હવેલીમાં આવેલા છે. કંપનીના પ્રદર્શનની વાત કરીએ તો છેલ્લા ત્રણ વર્ષમાં કંપનીના નફામાં સતત વધારો થયો છે. કંપનીનો નફો નાણાકીય વર્ષ 2021માં 16.99 કરોડ રૂપિયા, નાણાકીય વર્ષ 2022માં 26.15 કરોડ રૂપિયા અને નાણાકીય વર્ષ 2023માં 31.76 કરોડ રૂપિયા હતો.